Isaya 10:1 - Bhibhiliya Nya Guage

¹ Libango ga vale va emisago milayo nyambasi yadi, avo va lovago milayo nya gutshanise,

Isaya 10:1 Iomraidhean Croise

1 Dzipfhumu 21:13

Khavbo avbo, gu dita vama vavili nya guvivbedwe khu monyo, va ta ema mbeli ga Nabhoti. Va di gira wufakazi nya malipha va mu rwega nandru mbeli ga vathu, khavo: “Nabhoti vade Nungungulu ni mufumeli.” Va di mu dzega va mu dusa vbavbandze nya lidhoropa va mu pfara khu siwindri kala afa.

Dzindzimo 58:2

Malipha! Enu mwa gu alakanya guvivba basi, thumo wanu khu gu wusa dzinyimbi tigoni.

Ekisodha 23:3

Ambari gu emela gisiwana u diga lisine.

Ekisodha 23:6

U nga wegedzi mahungu ma lulamidego ya gisiwana gyanu huwoni nya gulamule mahungu.

Isaya 29:21

vatshavbo avo va rwegago nandru muthu khu guhoheta nya gukari, ni valamuli va rengeledwago gasi gu rwega nandru wule a ngamba ghoha.

Isaya 3:11

Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Isaya 3:14

Pfhumu Nungungulu a nguta lamula madhota ya tigoni gwaye, gumogo ni vathangeli va vathu vaye, kholu, khenu mu ghohetedego lithembwe leli, mu tadzide dzinyumba dzanu khiso mu nga bela sisiwana.

Isaya 5:11

Libango ga avo va vindrugelago gu wuga va landrisela mawadwa, va sela, va leva, kala ni vbakari nya wutshigu va vbiswa, khu wadwa.

Isaya 5:18

Libango ga vale va dzi ndrindrelago wuvivbi khu dzingodzi nya wupumbu, avo va ndrindrago gighoho gukhwatshi va gu gi ndrindra khu dzingodzi nya kareta!

Isaya 5:23

Libango ga vale va dzumelago gu rengeledwa, gasi gutshula muthu a gu ni nandru, va bomba gu emela muthu nya gululame!

Isaya 5:8

Libango ga avo va hengeledzelago dzinyumba, avo va engedzelago marembwe gikhati gyatshavbo, kala va gu khala vamune nya malanga yatshavbo nya litigo.

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Isaya 59:4

Mwalo a ganelago gululama, mwa gu lamudwa mwalo a ganelago lisine, mwa gu dzi emisela ga iso nyamba sadi mu ganela malipha. Mwa gu khura mimba khu wuvivbi mu velega gighoho.

Jeremiya 22:13

Libango ga uye a dzi vbahelago nyumba khu wukanganyisi, a yi andrisa nyambana nayo, a thumisago vakwawe nyamba va hakhisa, a si va ningi tshatshazelo nya thumo wawe;

Amosi 2:7

Va gu gandra hungo wa muhamugi gukhwatshi va gu gandra kudzudzwane nya mafu, va wegedza dzindzila dza vathu nya gurule. Babe ni gyanana va gu hengela nyamayi moyo, va nyenyezisa kharati lina langu nya guage.

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Habhakuka 2:12

Libango ga wule a vbahago lidhoropa khu novba a li tiyisa khu wughevenga!

Habhakuka 2:15

Libango ga wule a ningelago ga muakelane waye wadwa nya gu handrugise mapimo a leva, gasi gu wona wumbwiri waye.

Habhakuka 2:19

Libango ga wule a lombago ga mapulango, khuye: “Khendzuga!” Mwendro ga giwindri gi si ganeligo, khuye: “Khuga!” Ina gifananiso gi ngu dzi kodza gu ninga sileletelo, gani? Wona nya gukhuwe gi londridwe khu ndralama ni parata, aholu gi mwalo hefemulo.

Habhakuka 2:6

Vatshavbo vava va modwego, mindru ga litshigu kha va na nga diga gu mu yuyutela ni gu mu hega, va ganela, khavo: Libango ga wule a wungedzelago dzithomba nya gubidwe ni gu khala gitetema khu gu livbisa vakwawe! Kala lini na wu gu simama gu gira kharati?

Habhakuka 2:9

Libango ga wule a wungedzelago nyumbani gwaye dzithomba nya gube, gasi gu vega gihaga gyaye vbatshani, gasi a kodza gu dzi vbanyisa ga gyandza nya guvivbe!

Matewu 11:21

“Libango lago, Khorazini! Libango lago, Bhetisayidha! Kholu nari pwani Tiro ni Sidhoni va di wonide siliwugiso nya nga iso mu nga si wonago enu, na va dzi vbindrugedzide gale khu gu ambala dzisaku ni gu phorola nguma.

Matewu 23:23

Libango gwanu, vapfhadzi nenu, vahevbudzi nya Nayo ni Vafarisi, mu hengago gikhaba nya mitongwe yatshavbo, nesi nya gupitele kiso guhodza, aholu mu si theli kota khu litshina nya milayo yatshavbo, a gu: Gululama, wuhindzi, ni gutumbega. Esi khiso mu nga vbweta gu phela khiso mu gira, nyamba diga sile simbe.

Matewu 23:27

Yuyu va nya libangonu, vapfhadzi, vahevbudzi nya Nayo ni Vafarisi, kholu mu ngu fanana ni marowo ma gu ni phembe nya guage, ma mburisedwa gwadi khu vbavbandze, nari gu khu ndrani ma tade khu marambo ni mahine.

Matewu 23:29

Libango gwanu, vapfhadzi, vahevbudzi nya Nayo ni Vafarisi, mu girago siwindri marowoni ya vaprofeti, bwelo khavbo mu mburisela marowo ya va nya ndruda, na mu gukhenu:

Matewu 26:24

Khu lisine Mwamana wa Muthu, a na hongola, kha nga idzo yi ganelago khidzo Milowo, aholu libango khya wule a na gu mu ningelago. Dari tshukwana ga muthu yoyo, na sa velegwa!”

Luka 11:52

Libango lanu enu, vahevbudzi nya Nayo, kholu mu pharide dzipfhungulo nya wukhodwa, aholu kha mu beli, gambe mwa gu himbedzela ni vale va vbwetago gu bela.”

Johane 19:6

Me ni gu mu wona, vathangeli nya vaphasi nya mhamba ni dzindruna va di gulumela, khavo: “A na khokhothedwe! A na khokhothedwe!” Pilato a di engedza gambe, khuye: “Mu dzegeni muya mu khokhothela enu vamune, kholu eni kha nyi mani gihoso gwaye.”

Johane 9:22

Vavelegi vaye va di ganela kharati khu gu thava vakhongolo nya Vajudha, kholu vakhongolo nya Vajudha va di hungide gikungo nya gukhavo: “Uye a na ganelago gukhuye Jesu khuye Kristo, a na tutumiswe nyumbani nya nombelo.”

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.