Isaya 1:7 - Bhibhiliya Nya Guage

⁷ Litigo lanu li khade marumbi, madhoropa yanu, ma rothidwe khu nilo; va nya mayigo va mi dzegede litigo lanu na mu gu va wona; litigo li khade marumbi gukhwatshi li di phangwa khu va nya mayigo.

Isaya 1:7 Iomraidhean Croise

2 Dzikoronika 28:5

Khu guralo, Pfhumu Nungungulu waye, a di mu ningela mandzani ga mufumeli wa Siriya. Vaasiriya va di mu pala va mola vathu vaye nya vangi va vbagedwa va yiswa Dhamasiko wugumbitunu; bwelo khavbo a mu ningela mandzani ga mufumeli wa Israyeli, a sasedwa gambe khuye.

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Dzindzimo 107:39

Aholu avo va di vbungudwa va khala vadugwana, khu gu vbwasamiswa, ni sigaradzo ni mabango.

Dzindzimo 109:11

Va na dzege silo sawe satshavbo va livba khiso mangava yawe, valombo va na phange mihandro nya thumo wawe.

Isaya 1:8

Lidhoropa la Siyoni li tshade giwulani gu fanana ni tshatsha wa mahangeni, gu fanana ni gikhwathi thembweni nya madzwani, gu fanana ni lidhoropa li randredwego khu valala.

Isaya 3:8

Kholu Jerusalema gu tshunganede, Judha thegide, kholu magana ni mithumo yaye, khya gu wugela Pfhumu Nungungulu, va hembulula guwonega nya wudhumo waye.

Isaya 34:9

Mati nya mitsongo ya Edhomi, ma na vbindrugedza ma khala kha nga tita, mafu yakone ma vbindrugedza ma khala nguma, ni litigo lawe li na khondra li fanana ni mbato yi vbisidwego.

Isaya 49:19

Kholu Ambari siwulani gwago ni malangani gwago nya marumbi, ni litigo lago li mbembisidwego, kha li na enela guvbaha umo vathu vago; ni avo va nga gu mbembisago va na bani vari hwindzo nago.

Isaya 5:17

Khavbo avbo, dzinvuta dzi na hodza dhoropani kha nga wuhaviseloni gwawe; marembweni ga sitetema, gu na hodza umo vavbindri nya ndzila.

Isaya 5:9

Pfhumu Nungungulu nya Tshivba Yatshavbo, ganede dzindzeveni gwangu nyi mupwa, khuye: “Khu lisine, dzindranga dzatshavbo dzi na vbindrugedza dzi khala giwula, ni mudzinyumbani nya dzikhongolo nya gumbure, gu na tshala nyambana muthu.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Isaya 60:15

Ambari u nga bani u digidwe ni gu nyenywa, avbo nya gu, ni moyo a si vbindri khavbo gwago, aholu eni nyi na gu vbindrugedza u khala wuzundzo ni gunengela ga mimelana yatshavbo yi nga gutago.

Isaya 62:8

Pfhumu Nungungulu sambanyide khu gyandza gyaye gya nyamudye ni libogo laye nya tshivba, khuye: “Gima kha nyi na ningela gambe tirigu yago yi khala guhodza ga valala vago, ambari va nya mayigo gu va sela wadwa wago, a gu handro nya lithonga lago.

Isaya 64:10

Madhoropa yago nya guage, ma khade giwula, Siyoni, khade mafu nya gihala; ni Jerusalema khade marumbi.

Isaya 9:18

Kholu guvivba gwa gu vbisa nga nilo, wu vbisago sirangalabwa ni miba, wu vbisa ni magabi nya gukhume, gasi wutshi wu gwela vbatshani nga mapfhi.

Isaya 9:5

Kholu silato satshavbo masotshwa ma nga bani ma hongola khiso nyimbitunu, ni guambala gwatshavbo gu naganidego khu novba, si na vbiswa, si na khala nga dzikhuni niloni.

Jeremiya 2:15

Singhalana si di bhonga vbakari gwawe, na si gu ngurura khu lito nya gukhugege; va vbisa madhoropa yawe, litigo lawe li khala marumbi nyamba khadwa khu muthu.

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 44:6

Kotani nya isoso, nyi di guhula likhulo ni khorodza yangu si ta vbisa madhoropa ya Judha gumogo ni dzindzila dza Jerusalema; muhuno ma khade marumbi ni giwula nyambana muthu kha nga mu si wonago.”

Jeremiya 6:8

Uwe Jerusalema dzi laye, gasi nyi si gu pfhurareli; ni gu pfhungumudwa u khala marumbi, litigo li si khadwigo khu muthu.

Jeremiya 7:34

Nyi na degudza madhoropani ya Judha ni dzindzilani dza Jerusalema, malito nya gutsake ni malito nya mihagano, malito ya mudzegi ni uye a dzegwago; kholu litigo li na bani liri giwula.

Gililo 5:2

Thomba yathu yomo mandzani ga va nya mayigo, dzinyumba dzathu dzi ningedwe vavbindri nya ndzila.

Ezekiyeli 25:4

wona nya gukhuwe nyi na va ningela ga mufumo wa vathu va Khugadambo. Avo va nata gira mazumbo yawe ni gu ghwimba mitshatsha yawe vbakari gwanu; va na hodza mihandro yanu ni gu sela mahwe yanu.

Ezekiyeli 30:12

Nyi na bangisa mitsongo, ni gu rengisa litigo, khu gu li ningela mandzani ga vathu nya dzihanyi; khu mandzani ga va nya mayigo, nyi na gira marumbi litigo ni satshavbo si guromo umo; kheni Pfhumu Nungungulu nyi ganedego isoso.”

Hoseya 7:9

Tshivba yaye ya gu midzwa khu va nya mayigo, aholu uye kha dzipwi gilo. Hungoni gwaye gu tade khu dzinvi, aholu uye kha si woni.

Hoseya 8:7

Kholu va di yala maphuvbo, va na vbwera singulu. Givbila nyamba rumbuga, kha gi dusi wuguvbi. Ambari gya gu rumbuga, wu na hodzwa khu va nya mayigo.

Levhi 26:33

Nyi na mi phalalegisa vbakari nya va nya mayigo, nyi mi fuvisa khu matshari; litigo lanu li na khala giwula, ni madhoropa yanu ma na khala marumbi.

Levhi 26:34

Khu guralo, litigo li na vegisa dzisabhadho dzaye, khu matshigu yale li na gu bani liri giwula, enu mu na bani muri tigoni ga valala vanu; khu gikhati gegi, litigo li na hefemula li sayisa dzisabhadho dzaye.

Mikeya 5:11

nyi na khungumulela madhoropa ya tigoni gwago, nyi thesa vbavbatshi makhokhola yago yatshavbo.

Mikeya 6:13

Khu kotani nya isoso eni kamwe nyi na gu tshanisa, nyi gu mbembisa khu kotani nya sighoho sago.

Dhewuteronome 28:33

Mihandro ya mahangeni gwago, ni thumo wa mandzani gwago, si na hodzwa khu vathu u gumba vati; uwe u na tshaniswa ni gu tshonigiswa matshigu yatshavbo;

Dhewuteronome 28:43

Muluveli a vbanyago vbakari gwago a na khusedzwa ngudzu, gasi uwe u na vbwasamiswa.

Dhewuteronome 29:23

Va na wona litigo latshavbo na li vbisidwe khu nilo nya sulufa ni munyu, nyamba dzumela gu yadwa gilo, mwendro gu buga gilo ambari gu manega ni mwasi, kha nga iso si giregidego gukhungumudwani gwa Sodhoma ni Ghomora, Adhimani ni Zebhoyimi, madhoropa ma khungumudwego khu kotani nya likhulo la Pfhumu Nungungulu.