Isaya 1:17 - Bhibhiliya Nya Guage

¹⁷ Hevbulani gu gira ugo gu gu gwadi, vbwetani gu gira gululama, vbedzani dzitshanisa, kawukani vatshanisi; vhikelani fanelo nya khulungu ni fanelo nya dzinoni.

Isaya 1:17 Iomraidhean Croise

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Mavingu 31:9

Dusa khu kanani gwago, magana ma lamulago khu lisine, u lamula khu fanelo sisiwana ni vahamugi.

Zakariya 8:16

Upwani silo mu yelago gu si landrisa, khesi: Ganelani lisine, muthu ni muthu ga muthu kwawe; girani gululama gu gu ni lisine gu resago gurula dzinyangwani gwanu;

Sofoniya 2:3

Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.

Dhaniyeli 4:27

Khu guralo, uwe mufumeli, dzumela gulaya gwangu, u diga sighoho ni guvivba gwago u gira gululama, u pwela wuhindzi sisiwana, a gu dzina saye matshigu yago nya gu tsake ma na simama.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.

Dhewuteronome 14:29

Khavbo avbo, a nata mulevhi (a gu mwalo gipandre ambari thomba vbakari gwago), muluveli, khulungu ni noni; va guromo dhoropani gwago, va na hodza va khura, gasi Pfhumu Nungungulu wago, a gu kategise ga yatshavbo mithumo ya mandza yago.

Dzindzimo 34:14

Ndreya ga esi nya guvivbe, u gira nya sadi; vbweta gurula u gu landrisa.

Isaya 56:1

Pfhumu Nungungulu a ngu ganela kharati, khuye: “Ningani githawo nayo wangu ni gu gira gululama, kholu guvbanyisa gwangu gomo vbafuvbi ni gu vboha, ni gulamula gwangu gomo vbafuvbi ni gu gutadzisega.

Isaya 58:6

Guhala gu nyi tsakisago, khogu: “Khu gu mu tshula makhetshe nya gigaha, mu tshula dzingodzi nya kanga nya wugumbi, mu tshule avo va tshaniswago ni gu fanyeledzela mikanga yatshavbo.

Jeremiya 21:12

Uwe nyumba ya Dhavhidhe! Pfhumu Nungungulu a ngu ganela kharati, khuye: Vbadzimindrutunu lamulani khu gululama, tshudzisani avo va tshaniswago, gasi likhulo langu li si dzuri nga nilo, li vbisa nyamba tshimwa khu muthu, khu kotani nya mithumo yanu nya guvivbe.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Ezekiyeli 18:31

Dzudzugani hwindzo guvivba gwatshavbo mu gu giridego, ambalani monyo ni hefemulo nya wuphya; kholu, khu ginani mu dzi vangelago lufu, enu va na Israyeli?

Ekisodha 22:21

U nga vengeli muluveli a vbanyago vbafuvbi gwago mwendro gu mu tshanisa, kholu enu nenu mu diri valuveli tigoni ga Egipito.

Mavingu 15:25

Pfhumu Nungungulu a ngu pfhungumula nyumba ya va nya matshandza; aholu a vhikela thomba ya noni.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Isaya 10:2

gasi gu tsulupetela dzifanelo nya sisiwana, va bela sisiwana sa tigoni gwangu, gasi dzinoni dzi khala pfimba wawe, va phanga avo va fedwego khu vavelegi!

Ezekiyeli 22:7

Vbakari nya vathu vago, va ngu kanyisa vababe ni vamayi, va ngu tshanisa valuveli ni gu gira wudambane ga sigulungu ni vamalile.

Ezekiyeli 45:9

Mune Pfhumu Nungungulu, a ngu ganela kharati, khuye: “Enu vafumeli va Israyeli, hegisani; digani dzihanyi ni gutshanisa, girani gululama ni wuwadi; digani gu wandra iso si gu sa vathu vangu; a ngu ganela Mune Pfhumu Nungungulu.