Isaya 1:10 - Bhibhiliya Nya Guage

¹⁰ Enu vathangeli va Sodhoma, yingisani magana ya Pfhumu Nungungulu; tulani dzindzeve enu vathu va Ghomora, mupwe nayo wa Nungungulu wathu.

Isaya 1:10 Iomraidhean Croise

Genesi 13:13

Vathu va Sodhoma va di vivbide ngudzu myonyo yawe, va di gira iso si hambanago ni gugola gwa Nungungulu.

Isaya 28:14

Khu guralo, yingisani magana ya Pfhumu Nungungulu, enu vatseketseli mu fumelago vathu vava va vbanyago Jerusalema.

Isaya 3:9

Dzikhovbe dzawe dzi ngu va thuledza; dzi bhusa phungu nya sighoho sawe kha nga Sodhoma, nyamba siha gilo. Libango ga mihefemulo yawe! Kholu va gu dzi vangela vabune libango.

Isaya 30:9

Kholu vathu vava, khu lisine vathu nya guyeyise; sanana nya malipha, si si vbwetigo gu yingisa nayo wa Pfhumu Nungungulu.

Isaya 33:22

Aholu Pfhumu Nungungulu khuye mulamuli wathu, Pfhumu Nungungulu khuye muvegi nya nayo wathu, Pfhumu Nungungulu khuye Mufumeli wathu; khuye a na hi vbanyisago.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Jeremiya 23:14

Aholu vbakari ga vaprofeti va Jerusalema nya gu wona silo nya guthise ngudzu; va gu gira wuphuphulu gumogo ni malipha, va gu kutsedzela vale va girago guvivba, gasi va si digi guvivba gwawe; vatshavbo nya gu va wona va gu fanana ni Sodhoma, ni vavbanyi va Jerusalema, va gu fanana ni Ghomora.

Jeremiya 9:26

Egipito, Judha, Edhomi ni sanana sa Amoni, ni va na Mowabhi, ni vatshavbo va vbahidego giwulani, avo va gayidwego ndzudzu dzibambe gwawe; kholu avo mafumbu nyamba hana wugwera, ni nyumba yatshavbo ya na Israyeli, myonyoni gwawe kha va hana wugwera.”

Ezekiyeli 13:2

“Mwamana wa muthu, profeta u embela vaprofeti va Israyeli va profetago olu. Embela vale va profetago khu gu si khugela, khuwe: Yingisani mahungu ya Pfhumu Nungungulu!”

Ezekiyeli 16:35

Khu guralo, uwe gibhayi wewe, yingisa magana ya Pfhumu Nungungulu!

Ezekiyeli 16:46

Ndriyago nya koma a gu uye Samariya, a gu vbanya khu phuvbo gwago ga Wuronga gumogo ni sanana saye; ni ndriyago nya nandra a gu uye Sodhoma, a vbanyago khu phuvbo gwago ga Marandzi gumogo ni sanana saye.

Ezekiyeli 16:49

Owu khu nandru wa ndriyago Sodhoma, uye gumogo ni sanana saye nya gutale khu matshandza ni wutetema, kholu va diri ni guhodza nya gutale ni sifuyo nya singi; kha va thela kota khu gu phasa sisiwana ni va nya guhamuga.

Amosi 3:1

Upwani magana yaya Pfhumu Nungungulu a ganedego gwanu, enu va na Israyeli, ni ga lihundzu latshavbo leli a li dusidego khu tigoni ga Egipito wari khuye:

Amosi 3:8

Ya gu bhonga ngala, khu mani a gumba ndrendremela? Pfhumu Nungungulu a gu ganela, khu mani a na gumba profeta?

Amosi 9:7

Ina enu va na Israyeli, avbo gwangu kha mu khali kha nga sanana nya Vaetiyopiya, gani kha nga idzo nyi golago khidzo Vaetiyopiya, gani? A ngu ganela Pfhumu Nungungulu. Ina kha nya dusa va na Israyeli khu tigoni ga Egipito, ni Vafilisitiya khu tigoni ga Kafitori, ni Vaasiriya khu tigoni ga Kiri, gani?

Mikeya 3:1

Nyi di engedza nyi ganela, kheni: Yingisani enu mu gu vathangeli va Jakobe, ni enu vafumeli nya ndranga ya Israyeli; ina khandri enu mu yelago guti gululama, gani?

Varoma 9:29

Uye gambe Isaya a di phede khu gu ganela, khuye: “Nari gupwani Pfhumu nya Tshivba Yatshavbo kha nga hi tshiyela melego, na hi mbembide kha nga Sodhoma ni Ghomora.”

Dhewuteronome 32:32

Kholu lithembwe lawe nya miuvha la gu dugela tigoni ga Sodhoma, ni mahangeni ga Ghomora; dziuvha dzawe khya wuhungu, sitsatsa sakone khya guvava;

Gutuledwa 11:8

Sirumbi sawe si na khala tshandzala mudzindzilani nya lidhoropa likhongolo, li ranwago khu gipimaniso pwani Sodhoma ni Egipito, umo gambe Pfhumu yawe yi nga khokhothedwago umo.