Hoseya 9:8 - Bhibhiliya Nya Guage

⁸ Muprofeti gumogo ni Nungungulu wangu muemeledzi nya gughade Efrayimi, dzindzilani gwaye gwatshavbo dembedwe mazinga, ni gunyenywa Nyumbani ga Nungungulu waye.

Hoseya 9:8 Iomraidhean Croise

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

1 Dzipfhumu 18:1

Hwane nya gu bani na ma vbindride matshigu nya gutale, khu mwaga nya wuraru, Pfhumu Nungungulu a di ganela kharati ga Eliya, khuye: “Indra dzi wonegisa ga Akabi; kholu nyi na wisa ndzadzi mafuni.”

1 Dzipfhumu 18:19

Gasi olu, rumela guya ramba vatshavbo va na Israyeli, vaya tshangana gumogo ni vaprofeti gigomoni gya Karimelo gumogo gambe ni mazana mana ni livbandre magumi (450) vaprofeti Vabhahali, ni mazana mana (400) vaprofeti va Asitaroti, va hodzago vbamezatunu ga Jezabheli.”

1 Dzipfhumu 22:11

Zedhekiya, mwamana wa Khenahana, a di dzi girela dzikheho nya dzisimbi a ganela, khuye: “Pfhumu Nungungulu, a ngu ganela kharati, khuye: Khu dzikheho dzedzi, u na sasela khidzo Vaasiriya, kala u va mbembisa.”

1 Dzipfhumu 22:22

Ilo li di hakha, khilo: Eni nyi naya duga nyi khala liphuvbo nya vaprofeti nya malipha kanani ga vaprofeti vaye vatshavbo. Khavbo avbo, Pfhumu Nungungulu a di li ruma, khuye: Lisine, gimbila uya gira kharato kha nga idzo u ganedego; u naya mu kanganyisa.”

1 Dzipfhumu 22:28

Aholu Mikeya di hakha, khuye: “Wa gu wuya khu gurula, gu yeyedza gupwani Pfhumu Nungungulu kha ganela khavbo gwangu. A engedza gambe, khuye: Mayigo yatshavbo guvbweta ma yingisa esi nyi ganelago!”

1 Dzipfhumu 22:6

Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

2 Dzipfhumu 13:21

Na va gu dzinga muthu, va di wona gikwata na gi guta, avo va di rinya girumbi thowoni ga Elizewu. Avbo girumbi gi nga khuhago marambo ya Elizewu, muthu wule a di wuga a vbanya a ema khu mawundru yaye.

2 Dzipfhumu 2:14

A dzega libhadzi la Eliya li nga mu thegelago, a veta khilo mati, a ganela, khuye: “U womo hayi Uwe Pfhumu Nungungulu wa Eliya?” Khavbo avbo, a di veta mati ma kabanega khu vbakari ma manega eno ni eno; Elizewu a vbindra khu vbakari.

2 Dzipfhumu 2:21

Khavbo avbo, a di duga aya gifefetunu nya mati, aya gi thela munyu, a ganela, khuye: Pfhumu Nungungulu a ngu ganela kharati, khuye: Nyi thumide mati yaya, vbakari gwanu kha gu na manega gambe lufu ambari gumba bhindzula gilo.

2 Dzipfhumu 4:41

Aholu uye a di va embela, khuye: “Nyi reseleni wuguvbi! A di wu thela khalini, khuye: Thelani vathu va hodze! Gu diri mwalo gambe mhango khalini.”

2 Dzipfhumu 4:43

Aholu githumi gyaye gi di ganela, khigyo: “Nyi na dzi kodza kharini gu hodzisa lizana vathu? Uye a di mu hakha, khuye: Ningela vathu va hodze; kholu Pfhumu Nungungulu a ngu ganela kharati, khuye: Va na hodza si bwelo khavbo si tshala.”

2 Dzipfhumu 5:14

Khavbo avbo, a di relela aya dzi nega livbandre na dzimbili dzinyondro tsongoni wa Joridhani, kha nga guganela ga muthu wa Nungungulu; ni nyama yaye yi di vbindrugedza, yi khala kha nga nyama nya gyanana, uye a di hawulugiswa a aga.

2 Dzipfhumu 5:27

Khu guralo, sokono ya Nahamani yi na thapela avbo gwago ni ga livelego lago kala gupindruga. Khavbo avbo, a di duga khu mbeli gwaye, na pomedwe khu sokono a aga kha nga hunguva.

2 Dzipfhumu 7:19

Ndruna yile yi di ganedzide muthu wa Nungungulu, khiyo: “Ambari Pfhumu Nungungulu a gu tula sihogo, ina si ngu kodze gu girega isoso, khu magana yoyo, gani?” Ni uye a di mu embede, khuye: “Uwe kamwe u na si wona khu maho yago, aholu khu na si hodza.”

2 Dzipfhumu 7:2

Aholu ndruna mweyo ya mufumeli eyi a nga bani a gu khighela vbagyandzatunu gwaye, yi di phindrula muthu wa Nungungulu, khiyo: “Ambari Pfhumu Nungungulu a gu tula sihogo ndzadzini, ina silo soso si nga kodzega gu girega, gani?” Uye a di hakha, khuye: “Uwe u na si wona khu maho yago, aholu khu na nga si hodza.”

Dzindzimo 124:7

Kha nga ginyoni, hi vbulugide gu modwa khu naphwi wa mudembeli, gu di kaviga lizinga, ethu hi vbuluga.

Muhevbudzi 9:12

Muthu nuye kha giti gikhati gyaye nya gufe; a gu fanana ni ndzandzi yi modwago khu ligoga, ni ginyoni gi modwago khu naphwi, sanana nya vathu niso kharato, si na dugedwa khu mhango gikhati gyawe, va thegedwa khiyo khu githugedza.

Gizimba 3:3

Nyi di manwa khu dzighadhi, dzi ghadhago lidhoropa. Nyi va wudzisa, kheni: “Kha mwa gi wonani gigodwa nya hefemulo wangu, gani?”

Isaya 62:6

Mabhiyoni gwago, uwe Jerusalema, nyi vegide vawoneleli, wutshigu ni mihani gima kha va na degula gambe; enu, mu alakanywago khu Pfhumu Nungungulu, mu nga garali,

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Jeremiya 14:13

Khavbo avbo, eni nyi di mu phindrula, kheni: “Oh! Pfhumu Nungungulu, wona nya gukhuwe vaprofeti va gu va embela, gukhavo: Gima kha mu na sasedwa khu matshari, ni gu wona ndzala; aholu a na mi resela gurula nya gutiye wulangani wowu.”

Jeremiya 23:13

Ga vaprofeti va Samariya nyi wonide gwadi wuphuguphugu wawe; avo va di gu profeta khu lina la Bhahali, va ndreyisa vathu vangu va na Israyeli.

Jeremiya 31:6

Kholu, li na vboha litshigu dzighadhi dzi na gu laledzago khu musigomoni sa Efrayimi, khidzo: “Khugani mu eme! Hi gwela Siyoni, mbeli ga Pfhumu Nungungulu wathu.”

Jeremiya 6:14

Kha va khathali khu gu vbodzisa dzimbanga dza vathu vangu na va gu ganela, khavo: Satshavbo si ngu gimbila gwadi! Gomo gurula! Gurula! Aholu gurula na guri mwalo.

Jeremiya 6:17

Nyi vegide gambe vawoneleli vbakari gwanu, nyi va embela, kheni: “Yingisani gudzuma nya pundru!” Aholu avo va di nyi hakha, khavo: Kha hi dzumeli gu gu yingisa.

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Gililo 4:13

Libango leli, li vangidwe khu sighoho sa vaprofeti ni sihoso sa vaphasi vawe nya mhamba, va gu avo va songidego vathu nya gululame, va vbaladza novba wawe dhoropani. Nuni

Ezekiyeli 3:17

“Mwamana wa muthu, eni nyi gu giride mukhedziseli ga vathu va Israyeli; khu guralo, yingisa magana nyi gu embelago, uya va kawuka khayo.”

Ezekiyeli 33:7

Khu guralo, eni nyi gu emiside uwe mwamana wa muthu, gasi gu khala muwoneleli nya ndranga ya Israyeli; khu guralo, uwe yingisa magana ma dugago khu kanani gwangu u va tivisa khu gipandre gyangu.

Hoseya 5:1

Upwani esi enu vaphasi nya mhamba! Yingisani nenu va nyumbani ya Israyeli, nenu va nyumbani ya mufumeli! Kholu gulamudwa gogu gwa gu lumba enu, kholu mu khade milaphwi dhoropani ga Misipa, ni ligoga li ladzidwego gigomoni gya Tabhori.

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Mikeya 7:4

Uye a gu wadi vbakari gwawe a gu fanana ni girangalabwa; ni uye a lulamidego ngudzu a gu fanana ni litamo nya miba. Li vbohide litshigu li huweledwego khu vawoneleli vawe, a gu litshigu nya tsayiso wa Nungungulu; olu gu na bani guri pfilupfilu vbakari gwawe.

Johane 15:24

Nari pwani kha nya nga gira siliwugiso nya sikhongolo vbakari gwawe, iso nya gu gima si si gu girwi khu mumbe muthu, na vari mwalo nandru; gasi avo, na va si wone, va di simama gu nyi zondra eni ni Babe wangu.

Varoma 3:7

Aholu, guvivba gwangu gwa gu bani gu thumela gu wonegisa lisine la Nungungulu ni wudhumo waye, khu ginani nyi ningwago nandru nya wughohi?

Vahebheru 13:17

Yingelani vathangeli vanu, mu landrisa sileletelo sawe. Kholu avo khavo va khedziselago gikhati gyatshavbo mihefemulo yanu, va na wudziswa khu Nungungulu khu kotani nya isoso. Mwa gu va yingelani, avo va na thuma na va tsakide, kholu, va gu thuma na va gu garadzega kha si na phasa gilo gwanu.