Hoseya 8:14 - Bhibhiliya Nya Guage

¹⁴ Kholu Israyeli divaledwe khu Muvangi waye, a dzi vbahela dzinyumba nya dzikhongolo nya wufumu, Judha, a di engedzela madhoropa nya makhokhola; aholu eni nyi na rumela nilo madhoropani gwawe wu ya dagaredzisa dzinyumba dzawe dzatshavbo nya wufumu.”

Hoseya 8:14 Iomraidhean Croise

1 Dzipfhumu 12:31

Jerobhowamo a di vbaha siluvelo nya vanungungulu nya malipha musigomoni, a emisa vaphasi nya mhamba va vbakari nya vathu nya vanyalidede, va nga bani va siri sanana sa Levhi.

1 Dzipfhumu 16:31

Kha nga kodwa basi khu gu gira sighoho si giridwego khu Jerobhowamo, mwamana wa Nebhati, gu diga isoso, a di dzegana ni Jezabheli, nyamahegyane wa Etibhahali, mufumeli wa Sidhoni, a diya khozela Bhahali, a khidzima mbeli gwaye.

2 Dzipfhumu 18:13

Khu mwaga nya likhumi na wu na nya gufume ga Ezekhiya, Senakerebhi, mufumeli wa Asiriya, a di gwela guta sasela madhoropa yatshavbo nya makhokhola ya Judha, a ma wandra.

2 Dzikoronika 26:10

Giride gambe madingo giwulani, a kemba milambo nya yingi; kholu a diri ni mitshambi nya yingi, mikovani ni vbavbandze a diri ni valimi, ni vathu nya vangi va nga bani va thuma marembweni nya miuvha, sigomoni ni mahangeni nya gunone; kholu a di gu tsakela wulimi.

2 Dzikoronika 27:4

Vbahide gambe madhoropa ya musigomoni sa Judha, a vbaha gambe dzinyumba ni makhokhola magabini.

Dzindzimo 106:21

Avo va di divala Nungungulu, Muvbanyisi wawe, a nga va girela sisamadziso tigoni ga Egipito.

Dzindzimo 95:6

Deluni hi ta khidzima hi lombelela Pfhumu Nungungulu. Kholu khuye muvangi wathu.

Isaya 17:10

Kholu u divade Nungungulu nya guvbanyiswe gwago, u divaledwa khu Likhokhola nya wuthavelo wago. Khu guralo, u di lima marembwe nya misimbo nya wumburi, u yala dzimbewu nya gudhumise vanungungulu va nya mayigo.

Isaya 29:23

Aholu, avbo uye gumogo ni sanana saye va na wonago vbakari gwawe mithumo ya mandza yangu, va na ninga githawo lina langu, va dhumisa oyu a Agidego wa Jakobe, ni gu ninga githawo Nungungulu wa Israyeli.

Isaya 42:13

Pfhumu Nungungulu a na duga kha nga ndrena, kha nga muthu a dugago guya nyimbitunu, a goroga a wusa likhulo laye, a huwata, a gira ligwaha nya likhongolo nya nyimbi, a yeyedza tshivba yaye mbeli ga valala vaye.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 43:21

vathu vava nyi dzi wumbedego, gasi va huwelela wudhumo wangu.”

Isaya 9:10

“Si thegide sitini, aholu hi na vbahedza khu siwindri nya guvatwe; yi piledwe mivbesu, aholu hi na yi tshikedza khu madingo nya misena.”

Isaya 9:9

Vathu vava vatshavbo va na mati, Efrayimi gumogo ni vavbanyi va Samariya, avo va ganelago khu matshandza ni gu dzi khusedza, khavo:

Jeremiya 17:27

“Aholu, mwa gumba nyi yingisani, mu si dzumeli gu agisa litshigu nya Sabhadho, ni gu rwalani mirwalo nya gulemele, mu bela nayo khu dzinyangwani nya lidhoropa khu litshigu nya Sabhadho, nyi na vasa nilo wu nata dagaredzisago dzinyumba dzatshavbo nya wufumu dza Jerusalema, uwo wu na gumba tshimega gambe.”

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 23:27

Mwa gu alakanya gukhenu, miloro va tshamuselago yi na gira gu vathu vangu va divaledwa khu lina langu khu kotani nya miloro yawe va tshamuselanago khu gyawe, va si nyi alakanyi kha nga vababe vawe va nyi digidego gu nyi ninga githawo, va ya khozela vanungungulu nya Vabhahali, gani?

Jeremiya 3:21

Gupwala dzihuwa sigomoni nya gulaphe; gililo gya va na Israyeli va lombago gu divaledwa ni gu pwedwa wuhindzi; kholu va nga diga Pfhumu Nungungulu wawe, va landra yimbe ndzila.

Jeremiya 5:17

Va nata hodza dzimbewu dzago ni guhodza gwago, va hodza madzaha yago ni dzimbiri dzago; va na hodza dzinvuta ni dzimombe dzago; va na ghohetela gambe marembwe yanu nya mikandzu nayo nya miuvha; va khungumulela khu matshari madhoropa yago nya makhokhola u ma tumbago.

Ezekiyeli 23:35

Khu guralo, Mune Pfhumu Nungungulu a ngu ganela kharati, khuye: “Kha nga olu u nyi divadego, ni gu nyi pfhurarela, u na tsayiswa khu gunyenyeza ni wubhayi u giridego.”

Hoseya 13:6

Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Hoseya 2:13

Nyi na mu tsayisa khu kotani nya olu uye a nga girago matshigu nya khuwo nya guvbisele libani Vabhahali a dzi mburisela khu dziphera ni wulungu, a landrisela sibhayi saye aholu a divaledwa khu eni, a ngu ganela Pfhumu Nungungulu.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Amosi 1:10

Khu guralo, nyi na khondrisa mabhiyo ya Tiro khu nilo, wu vbisa dzinyumba dzawe nya wufumu.”

Amosi 1:12

Khu guralo, nyi na rotha Temani khu nilo, wu vbisa dzinyumba nya wufumu dza Bhozira.

Amosi 1:14

Khu guralo, nyi na rotha khu nilo mabhiyo ya Rabha, wu vbisa dzinyumba dzawe nya wufumu, gu wombwa dzihuwa khu litshigu nya nyimbi, gu fanana ni gipupwane litshigu nya gingulu.

Amosi 1:4

Khu guralo, nyi na rotha nilo ndrangani ga Hazayeli, wu na gu vbisago makhokhola ya Bheni-Hadhadhi

Amosi 2:5

Khu guralo, nyi na rotha Judha khu nilo, wu na vbisago dzinyumba nya wufumu dza Jerusalema.”

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Dhewuteronome 32:18

U yeyiside Giwindri gi nga gu velega, gambe u divade Nungungulu a nga gu wumbago.