Hoseya 8:10 - Bhibhiliya Nya Guage

¹⁰ Ambari va nga bani va dzi rengiside ga va nya mayigo, olu nyi va tshanganiside, Va phede gu lemedwa khu mirwalo ya mufumeli ni ya manganagana.

Hoseya 8:10 Iomraidhean Croise

2 Dzipfhumu 14:26

Kholu Pfhumu Nungungulu a di wona tshanisa nya yikhongolo ya na Israyeli, kholu a diri mwalo nya gu tshale, nya tshivba nuye nya gusolege, gu diri mwalo ni moyo nya gu va phasedzele.

2 Dzipfhumu 17:3

A di ta dhumedwa khu Salimaneseri, mufumeli wa Asiriya a mu khozisa; Ozeya a di khala githumi gyaye, a mu luva miningelo.

2 Dzipfhumu 17:4

Aholu mufumeli wa Asiriya, a di wona gukhuye Ozeya a na ni makungo nya gu mu wugele; kholu a di rumela myango ga Soni, mufumeli wa Egipito, ni gu gambe khu mwaga ni mwaga a di si rumeli khupo ga mufumeli wa Asiriya, kha nga idzo a nga bani a gira gale; khu guralo, mufumeli wa Asiriya, a di mu mola a mu khothela pasoni.

1 Dzikoronika 5:26

Avbo Nungungulu wa Israyeli a nga kutsedzelago liphuvbo la Puli, mufumeli wa Asiriya, gumogo ni liphuvbo la Tigelati-Pileseri, mufumeli wa Asiriya, gu mola va na Rubheni, va na Gadhi ni gipandre nya lihundzu la na Manasi a va yisa Hala, Habhori ni Hara ni tsongoni wa Gozani, a va vbagela a va gira dzikhumbi umo va vbahidego umo kala na muhuno.

Isaya 10:8

Kholu uye a di wudzisa, khuye: “Ina vafumeli vatshavbo khandri dzindruna dzangu, gani?

Isaya 30:2

Va belago ndzilani va hongola tigoni ga Egipito nyamba nyi wudzisa, vaya vbweta guvhikedwa khu tshivba ya Faro, ni gu sihala mutsani ga Egipito!

Isaya 36:13

Khavbo avbo, Rabhisaki a di khuga a ema, a huwata khu lito nya likhongolo khu Gihebheru, khuye: “Yingisani magana ya mufumeli nya khongolo, mufumeli wa Asiriya.”

Jeremiya 42:2

va di embela muprofeti Jeremiya, khavo: “Upwa gulila gwathu, u hi lombelela ga Pfhumu Nungungulu wago, khu vathu vatshavbo vava va tshadego kholu, kha nga u dzitigo, hi diri vangi, aholu hi tshade na hiri vadugwana, kha nga u si wonago;

Ezekiyeli 16:33

Maphuphulu yatshavbo ma gu vbweta dzitsapawu, aholu uwe wa gu ninga siningwa sibhayi sago satshavbo, u va pfuvela gasi vate gwago khu maphuvbo yatshavbo va ta bhaya nago.

Ezekiyeli 16:37

khu guralo, wona nya gukhuwe nyi na tshanganisa sibhayi sago satshavbo sile u bhayidego naso, sile u nga bani u si haladza ngudzu ni sile u nga bani u si si haladzi. Nyi na si tombanisa khu maphuvbo yatshavbo gasi va guwugele, nyi na va nonedza wumbwiri wago gasi va kodze gu wona wumbwiri wago watshavbo.

Ezekiyeli 22:20

Kha nga idzo yi wungedzedwago khidzo vbagikhotunu parata, sugu, simbi, rikiso ni thovhu, gasi gu khuthedwa nilo si nyiviligiswa, kharato nugo nyi na mi tombanisa khu likhulo ni khorodza yangu, nyi ya mi thela niloni mu nyiviligiswa.

Ezekiyeli 23:5

“Owolani a dzi bedzedzede wubhayini na nga gu nyi lumba; uye a di tala khu gu navela sibhayi saye a gu Vaasiriya, vaakelane vaye,

Ezekiyeli 26:7

Khu guralo, Mune Pfhumu Nungungulu, a ngu ganela kharati, khuye: “Gwago uwe Tiro, nyi na rumela gukhugela phuvbo ga Wuronga, mufumeli wa Bhabhiloni, Nabhukodhonosori, mufumeli nya vafumeli, nari ni dzikavalu ni dzikareta, ni vakhileli nya dzikavalu, gumogo ni masotshwa nya mangi.”

Dhaniyeli 2:37

Uwe pfhumu, mufumeli nya khongolo guvbindra vafumeli vatshavbo, Nungungulu wa ndzadzini a gu ningide mufumo, gufuma, tshivba ni wugulu.

Hoseya 10:10

Nyi na va tsayisa gukhedza khidzo nyi golago khidzo; mayigo yatshavbo, ma na tombana ma va wugela vata va mola khu kotani va ghohidego guvili.

Hoseya 12:2

Pfhumu Nungungulu, a ngu rwega nandru Judha, a na tsayisa Jakobe khu kotani nya mavbanyelo yaye; a na mu ninga tshatshazelo nya mithumo yaye.

Agewu 2:6

Kholu Pfhumu Nungungulu nya Tshivba Yatshavbo a ngu ganela kharati, khuye: Khu gikhati gidugwana, Eni nyi na tsekatsekisa ndzadzini, litigo, linene ni mafu nya gubange.