Hoseya 7:3 - Bhibhiliya Nya Guage

³ Avo va gu tsakisa mufumeli khu mithumo yawe nya guvivbe, va tsakisa vathangeli khu malipha yawe.

Hoseya 7:3 Iomraidhean Croise

1 Dzipfhumu 22:13

Mwango wu nga rumedwago guya rana Mikeya, wu di mu embela kharati, khuwo: “Wona nya gukhuwe vaprofeti vatshavbo va ganede lito limwedo, nya tshivba nya gupale ga mufumeli. Magana yago ma na khale kha nga aya yawe, u tivisa nuwe mahungu nya yadi.”

1 Dzipfhumu 22:6

Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

Jeremiya 37:19

Olu vomo hayi vaprofeti vago va nga bani va gu profeta, khavo: Mufumeli wa Bhabhiloni kha nata mu sasela, ambari gu sasela litigo leli?

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 9:2

Nari pwani ga Nungungulu nya gu mana wulanga giwulani, gasi, nyi kodza gu hambana ni vathu vangu nyi ya khala hwindzo navo, kholu avo vatshavbo sibhayi, gambe tsawa nya vakanganyisi!

Hoseya 10:13

Mu yade manyala, mu ngu vbwera guvivba, mu hodza handro nya malipha, kholu enu mu di tumba tshivba yanu mwabune, ni talo nya dzindrena dzanu.

Hoseya 11:12

Efrayimi a nyi randrede khu malipha, va na Israyeli va nyi randrela khu wudambane; aholu Judha a gu wugela Nungungulu, a wugela Gihathwa gi tumbegidego a gu tumbega basi ga vanungungulu nya malipha.

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

Hoseya 5:11

Efrayimi, tshanisidwe a gamwa khu gulamudwa, kholu a di gola gu landrisela sifananiso nyamba phasa gilo.

Hoseya 7:5

Litshigu nya buzo wa mufumeli wathu, vathangeli va di vbindrugedza va khala vadwali, khu gu leva khu vhinya, va nga selago gumogo ni sidambane.

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Varoma 1:32

Avo va ngu dziti, gukhuga ni guema gukhavo, nayo wa Nungungulu wa gu ruma gukhuwo vatshavbo ava va vbanyago kharalo, va ngu fanedwa khu gufa. Aholu, kha va hegeli basi gu gira silo sesi, va gu pata ni guzundza vale va vbanyago navo kharato.

1 Johane 4:5

Avo va gu ganela khu sa mafuni momu, litigo li va yingela. Kholu avo va gu lumba litigo.