Hoseya 7:10 - Bhibhiliya Nya Guage

¹⁰ Matshandza ya Israyeli, ma ngu mu girela wufakazi, ambari khu satshavbo soso, uye kha wuyi ga Pfhumu, Nungungulu waye, ambari gu mu vbweta.

Hoseya 7:10 Iomraidhean Croise

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Dzindzimo 14:2

Pfhumu Nungungulu a di noga a khedzisa khu ndzadzini, a wona sanana nya vathu, khuye a na mana moyo nya wadi, mwendro moyo a vbwetago Nungungulu.

Dzindzimo 53:2

Khu ndzadzini, Nungungulu a gu khedza a wona vathu, khuye mwendro a na mana moyo a vbwetago Nungungulu.

Mavingu 27:22

Gipumbu ambari gya hindzwa kununi nga mavbila, gima kha gi hambani ni wupumbu waye.

Isaya 9:12

Vaasiriya khu Khugadambo, ni Vafilisitiya khu Pfoladambo; va di hama likana va midza Israyeli. Ambari khu guralo, likhulo laye kha la bosa gilo, ni libogo laye li nga thawulugide.

Isaya 9:13

Aholu, vathu vava kha va bwelela ga wule a nga va vetago, ambari gu vbweta Pfhumu Nungungulu nya Tshivba Yatshavbo.

Jeremiya 3:3

Khu guralo, ndzadzi kha yiwi, ambari ni iyo nya nango kha yawa; aholu uwe u na ni khovbe nya wubhayi, u si khali dzitshoni.

Hoseya 13:14

Eni nyi na va dzegisa tshivbani nya liphala nya guete, nyi va tshudzisa lufuni. Gasi olu uwe lufu, yomo hayi mitungu yago? Uwe liphala nya vafi, gomo hayi gumbembisa gwago? Maho yangu gimwalo ni gimwegyo ma gi wonago nya gu dzi laye khigyo.

Hoseya 5:5

Matshandza ya na Israyeli, ma ngu va ketsari dzikhovbeni gwawe; Israyeli ni Efrayimi va na thega khu wuvivbi wawe, Judha nuye a na thega gumogo navo.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Hoseya 7:7

Vatshavbo va gu vbisa nga gidhingiselo nya nilo, va dagaredzisa valamuli vawe; vafumeli vawe vatshavbo va gu thega, mwalo ni moyo wa vbakari gwawe a nyi lombelelago.

Sofoniya 1:6

ni vale va ndreyago va diga gu landra Pfhumu Nungungulu, vale va si theligo kotani khu Uye, ambari gu mu wudzisa wusingalagadzi.

Zakariya 1:4

Mu nga girini kha nga vababe vanu, va nga huweledwa khu vaprofeti nya guhegule, va nga ganela gwawe, khavo: Pfhumu Nungungulu nya Tshivba Yatshavbo, a ngu ganela kharati, khuye: Vbindrugedzani, mu diga dzindzila dzanu nya guvivbe ni mithumo yanu nya gunyenyeze. Aholu avo kha va nyi yingisa, gambe gima kha va thela kota khu eni, a ngu ganela Pfhumu Nungungulu.

Varoma 3:11

Mwalo muthu a gu ni mapimo nya yadi. Mwalo a vbwetago Nungungulu.