Hoseya 7:1 - Bhibhiliya Nya Guage

¹ Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Hoseya 7:1 Iomraidhean Croise

Isaya 28:1

Libango ga Samariya, gihugu nya matshandza nya sidhakwa sa Efrayimi! Lidhoropa li vbahidwego vbatshani nya kova nya gunone, wumburi nya wuzundzo waye wa gu fanana ni genge nya wumburi nya guwune gi vegidwego hungoni nya vathu va levidego.

Isaya 59:12

Kholu mithumo yathu nya gunyenyeze yi ngu engedzelana mahoni gwago, ni sighoho sathu si ngu hi fakazela; kholu mithumo yathu nya gunyenyeze yomo avbo gwathu, gambe hi ngu guti guvivba gwathu.

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Isaya 59:14

Kholu nayo wu thavide, ni gululama gu hidzimede hwindzo; lisine li thegede mitendrelani, ni gululama kha gu dzi kodzi gubela umo.

Jeremiya 51:9

Hi di zamide gu vbodzisa silondra sa Bhabhiloni, aholu hi tandregide. Olu mu digeni hi hongole, muthu ni muthu a na bwelele tigoni gwawe, kholu gulamudwa gwaye gu vbohide kala damboni, gulapha kala mapfhini.

Ezekiyeli 16:46

Ndriyago nya koma a gu uye Samariya, a gu vbanya khu phuvbo gwago ga Wuronga gumogo ni sanana saye; ni ndriyago nya nandra a gu uye Sodhoma, a vbanyago khu phuvbo gwago ga Marandzi gumogo ni sanana saye.

Ezekiyeli 23:4

“Malina yawe a diri aya: Uye nya koma khu Owolani, uye nya nandra khu Owolibhani; avo va diri vagadzi vangu, va nyi velegede sanana nya sikhwathana ni sagadzyana. Owolani, khu Samariya, Owolibhani, khu Jerusalema.”

Ezekiyeli 24:13

Ndzilo yoyo khu mithumo yago nya gunyenyeze; eni nyi zamide gu gu agisa, aholu khwa dzina gu agiswa, uwe gima khu na agiswa gambe gunyenyeza gwago, na li si gu vbeli likhulo langu avbo gwago.

Hoseya 10:5

Vathu va vbanyago Samariya va na thuswa khu githombe nya gimombyana gya Bheti-Avheni, kholu vathu vaye, va na lila khu kotani yaye, gumogo gambe ni tsawa waye nya vaphaseli nya sifananiso va nga bani va tsaka khu wudhumo waye, kholu thomba yawe yi dusidwego, vbakari gwawe.

Hoseya 11:12

Efrayimi a nyi randrede khu malipha, va na Israyeli va nyi randrela khu wudambane; aholu Judha a gu wugela Nungungulu, a wugela Gihathwa gi tumbegidego a gu tumbega basi ga vanungungulu nya malipha.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Hoseya 12:1

Efrayimi a gu gimbidziswa khu liphuvbo, litshigu latshavbo, a gu landrisela liphuvbo li furugedzago khu Khugadambo, a engedzela malipha ni dzihanyi. A gira pwanano ni Asiriya, aholu a rumela dzisagwati nya mafura tigoni ga Egipito.

Hoseya 12:2

Pfhumu Nungungulu, a ngu rwega nandru Judha, a na tsayisa Jakobe khu kotani nya mavbanyelo yaye; a na mu ninga tshatshazelo nya mithumo yaye.

Hoseya 4:17

Efrayimi fumedwe khu vanungungulu nya sifananiso, mu digeni kharato!

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

Hoseya 5:1

Upwani esi enu vaphasi nya mhamba! Yingisani nenu va nyumbani ya Israyeli, nenu va nyumbani ya mufumeli! Kholu gulamudwa gogu gwa gu lumba enu, kholu mu khade milaphwi dhoropani ga Misipa, ni ligoga li ladzidwego gigomoni gya Tabhori.

Hoseya 6:4

Ginani nyi yelago gu gira khu uwe Efrayimi? Ginani nyi yelago gu gira khu uwe Judha? Kholu lihaladzo lanu la gu fanana ni mapfhi nya Wuronga, ni thondrwane nya dzimindru si vbiredzago gu mwalalega.

Hoseya 7:13

Va na thegedwa khu libango, kholu va hambanide neni! Gumbembiswa gu nata vbakari gwawe, kholu va nga nyi wugelago! Nyi ngu gola gu va dzegisa, aholu avo va gu ganela malipha khu eni.

Hoseya 8:5

Githombe gyago nya gimombyana uwe Samariya gi ngu nyi hasimisa monyo; likhulo langu li khondride vbatshani gwawe! Kala lini na va nga gu padwa khu gu dzi agisa?

Hoseya 8:9

Kholu tshatugide aya Asiriya, a fanana ni giburwana nya likhabi, gi golago gu khala genga, aholu Efrayimi, a dzi rengiside ga sibhayi saye.

Amosi 3:10

Kholu avo kha va kodzi gu gimbila khu gululama, a ngu ganela Pfhumu Nungungulu, va gu wungedzela dzinyumbani gwawe nya wufumu esi va nga phangago khu wurena ni dzihanyi.

Amosi 3:9

Pwadzani esi umo nya dzinyumba nya wufumu dza Asidhodhi ni dzinyumba nya wufumu dza tigoni ga Egipito, mu va embela, khenu: Tombanani musigomoni sa Samariya, mu wona pfilupfilu nya yikhongolo yi guromo umomo, ni wughevenga yi guromo mabhiyoni gwaye.

Amosi 8:14

Vale va sambanyago khu nungungulu nya malipha wa Samariya, va ganela, khavo: “Hi ngu sambanya khu nungungulu wago, uwe Dhani; ni avo va gukhavo: Hi ngu sambanya khu ndzila yiyago Bherisebha! Vanungungulu wowo va na thega, nyamba wuga gambe.”

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Luka 13:34

“Jerusalema, Jerusalema, u songago vaprofeti ni gu pfara khu siwindri vale u rumedwago khu Nungungulu! Dzinyondro dzingani eni nyi dogoredego gu tshanganisa sanana sago, kha nga khugu yi fundramelago sitshondryana saye, uwe u bomba!”

Luka 19:42

“Oh! Nari pwani sago, litshigu la muhuno u di gu mati nuwe mahungu ma dzi kodzago gu gu resela gurula! Aholu isoso si nga sihalegide mahoni gwago.