Hoseya 6:6 - Bhibhiliya Nya Guage

⁶ Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Hoseya 6:6 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Dzindzimo 50:8

Kha nyi gu kawuki khu kotani nya miphaso yago nya dzimhamba, mwendro miphaso yago nya guvbiswe u nyi girelago gikhati gyatshavbo.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Muhevbudzi 5:1

Khedza ngondro wago umo wu gandrago wa gu bani u bela Nyumbani gwa Nungungulu. Hi dzimela gasi guya yingisa, esi si ngu phasa ngudzu guvbindra dzimhamba dza sipumbu, kholu sipumbu kha si dziti nya gukhiso sa gu gira silo nya guvivbe.

Isaya 1:11

Dza gu nyi phasa ginani dzimhamba dzanu nya dzingi? A ngu wudzisa Pfhumu Nungungulu. Nyi garade khu miphaso yanu nya guvbiswe nya dzinvuta ni mafura nya sifuyo nya gunone. Kha nyi tsakiswi khu novba nya sikuzyana, nya dzinvuta, ni vanyamabhongwe.

Isaya 58:6

Guhala gu nyi tsakisago, khogu: “Khu gu mu tshula makhetshe nya gigaha, mu tshula dzingodzi nya kanga nya wugumbi, mu tshule avo va tshaniswago ni gu fanyeledzela mikanga yatshavbo.

Jeremiya 22:16

Uye a di vhikela sisiwana ni vahamugi; khu magirelo yoyo, uye a di katega; khu guralo, Pfhumu Nungungulu a ngu ganela khuye, ina khandriso esi si ganedwago pwani u ngu nyiti, gani?

Jeremiya 7:22

Kholu gukhugela litshigu nyi dusidego vababe vanu khu tigoni ga Egipito, gima kha nya va embela gilo ambari gu va leletela gilo khu mahungu nya miphaso nya guvbiswe ni dzimhamba.

Dhaniyeli 4:27

Khu guralo, uwe mufumeli, dzumela gulaya gwangu, u diga sighoho ni guvivba gwago u gira gululama, u pwela wuhindzi sisiwana, a gu dzina saye matshigu yago nya gu tsake ma na simama.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Hoseya 2:20

Nyi na gu dzega u khala mwangadzi wangu khu gutumbega, gambe u na muti Pfhumu Nungungulu

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Amosi 5:21

Nyi ngu vengana ni gu nyenya mibuzo yanu, ni mitshangano yanu nya mikhuwo, gima kha yi nyi tsakisi.

Mikeya 6:6

Ginani nyi yelago gu hongola nagyo ga Pfhumu Nungungulu, nyi ya noga mbeli ga Nungungulu a Khusegidego ngudzu? Nyi nata mu ninga miphaso nya guvbiswe, gimombyana nya mwaga moyo, gani?

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Matewu 12:7

Aholu nari gupwani mu ngu wuti tshamuselo nya mahungu ma gukhayo: Eni nya gu hatha wuhindzi guvbindra mhamba, na mu si ningi nandru avo va gu mwalo nawo.

Matewu 5:7

Va kategide va nya wuhindzi, kholu va na giredwa wuhindzi.

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Marko 12:33

ni gukhuwe gu vbwetega gu mu gola khu monyo watshavbo, khu mapimo yatshavbo, khu tshivba yatshavbo, ni gukhuwe gu gola muthu kwanu nga edzi u dzi golago khidzo uwe mune, gu ngu phasa guvbindra miningelo ni dzimhamba dzatshavbo.”

Josuwa 5:5

Vathu vatshavbo va dugidego khu Egipito va di hanide wugwera, aholu avo va nga ya velegedwa giwulani vbakari nya liendro hwane nya guduge khu Egipito, kha va nga bani va hanide.

1 Johane 2:3

Gasi gu hi khodwa gukhethu hi ngu muti Nungungulu, khu gu hi landrisa milayo yaye.

1 Johane 3:6

Khu guralo, oyu a hengelago naye guvbanya kha ghohi. Aholu, oyu a ghohago gima kha mu wona, gambe kha muti.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.