Hoseya 6:4 - Bhibhiliya Nya Guage

⁴ Ginani nyi yelago gu gira khu uwe Efrayimi? Ginani nyi yelago gu gira khu uwe Judha? Kholu lihaladzo lanu la gu fanana ni mapfhi nya Wuronga, ni thondrwane nya dzimindru si vbiredzago gu mwalalega.

Hoseya 6:4 Iomraidhean Croise

Jeremiya 3:10

Ndriyaye Judha, nyamba tumbega, kha dzi kodza gu wuya gwangu khu monyo waye watshavbo, aholu a di nyi kanganyisa, a ngu ganela Pfhumu Nungungulu.

Jeremiya 3:19

Pfhumu Nungungulu a ngu ganela kharati, khuye: Eni nyi diri ni makungo nya gukheni nyi na gu sayisa kha nga idzo nyi sayisago khidzo sanana sangu, nyi gu ninga litigo nya ladi ngudzu, litigo nya gumbure ngudzu guvbindra mambe mayigo. Aholu eni nyi di pimisa, kheni: Mu na nyi rana khenu Baba, gima kha mu na ndreya gambe mu nyi diga.

Jeremiya 34:15

Enu mu di vbindrugedzide mu gira iso si lulamidego mbeli gwangu, khu gu tshulani wugumbini vandriyanu, kha nga gu landrisa gidzumeledzwano mu giridego mbeli gwangu nyumbani gu khozedwago lina langu;

Jeremiya 5:23

Vathu vava va bangide mihungo ni gu ganedza; va ndreyide mbeli gwangu va nyi pfhurarela.

Jeremiya 5:7

Nyi na dzi kodza kharini gu gu divalela na nyi gu wona esi? Kholu sanana sago si nyi digide, va sambanya khu avo va gu siri vanungungulu; hwane nya gubani nyi mi ningide siningwa nya gutale, kha mwa tumbega, mu di tadzani migondro dzinyumbani nya maphuphulu mu ya tshangana iyoyo;

Jeremiya 5:9

Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Jeremiya 9:7

Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Wonani, nyi na va nyiviligisa niloni gasi gu va linga; kholu ma mwalo mambe magirelo nyi yelago gu gira khu kotani ya nyamahegyane wa vathu vangu?”

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Hoseya 13:3

Khu guralo, va na khala nga mapfhi nya wuronga ni hunguva nya mambagugya yi vbiredzelago guvbindra, ni mungu wu vbuvbiswago khu gingulu, ni wutshi wu tuvigago khu nyumbani.

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Matewu 13:21

Kha nga ulo a gu mwalo mikhamba, kha tiya: Sa gu vboha sigaradzo ni sisaniseko khu kotani nya mahungu, a gu dzegela gu ma diga.

Valamuli 3:12

Va na Israyeli va di engedza va gira gambe ugo guvivbidego mahoni ga Pfhumu Nungungulu; aholu, Pfhumu Nungungulu a di ninga tshivba Egiloni, mufumeli wa Mowabhi, gasi gu sasela va na Israyeli, kholu, va di gira silo nya guvivbe mahoni ga Pfhumu Nungungulu.