Hoseya 4:8 - Bhibhiliya Nya Guage

⁸ Avo va gu hodza khu sighoho sa vathu vangu, va gu gola ngudzu wuvivbi wawe.

Hoseya 4:8 Iomraidhean Croise

2 Dzipfhumu 12:16

Aholu gyuma nya miphaselo nya milandru, ni gyuma nya miphaselo nya sighoho, gi di si reswi Nyumbani ga Pfhumu Nungungulu; kholu gi di lumba vaphasi nya mhamba.

Dzindzimo 24:4

Khu uye a gu ni mandza ma lulamidego a gu ni monyo wu agidego, a si tumbigo vanungungulu nya malipha, a si sambanyigo malipha.

Dzindzimo 25:1

Ga uwe Pfhumu Nungungulu, nyi ngu khusedza hefemulo wangu.

Isaya 56:11

Dzimbwa dzedzi makhondrobwa, kha dzi khuri; vahavisi nyamba pimisa gilo; muthu ni muthu a gu bwelela khu ndzila yaye, a dzi vbwetela iso si na gu mu ningago bhindzu.

Ezekiyeli 14:3

“Mwamana wa muthu, vathu vovo, myonyo yawe va yi vegide umo nya sifananiso, va vegide gikhunguvanyiso nya gunyenyeze mbeli gwawe. Ina eni nyi na va dzumela gu va nyi wudzisa, gani?”

Ezekiyeli 14:7

Gikhati muthu nya gukari wa na Israyeli mwendro muluveli a vbanyago tigoni mule a hambanago ni eni a vega sifananiso monyoni gwaye, a vega gikhunguvanyiso nya gunyenyeze mbeli gwaye, khu hwane a hongola ga muprofeti guya nyi wudzisa, eni kamwe Pfhumu Nungungulu nyi na mu phindrula.

Hoseya 10:13

Mu yade manyala, mu ngu vbwera guvivba, mu hodza handro nya malipha, kholu enu mu di tumba tshivba yanu mwabune, ni talo nya dzindrena dzanu.

Hoseya 12:8

Efrayimi a di ganela, khuye: “Nyi khade gitetema khu gu ghanya thomba nya yingi! Ga mithumo yangu yatshavbo nyi giridego, kha va na mana avbo gwangu guvivba mwendro gighoho.”

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Levhi 6:22

Gyanana gya Aroni gi na thedwago nigyo mafura hungoni gi wumbedwa gu khala muphasi nya mhamba wulanga wa Aroni, gi na gira nigyo kharalo gu ningela phaso nya mhamba yeyi. Kha nga nayo wu vegidwego kala gupindruga mbeli ga Pfhumu Nungungulu.

Levhi 6:26

Muphasi nya mhamba a na thangelago phaso yoyu khuye basi a na hodzago nyama yakone wulangani nya guage, likupakupani nya Tshatsha nya Tshangano.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Varoma 16:18

kholu vathu nya nga avovo kha va thumeli Kristo, Pfhumu yathu, aholu va gu thumela sirumbu sawe. Va gu pfhadza vathu nya vangi khu magana yawe nya gulombele na ma tade khu wuhephi.

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

1 Samuweli 2:29

Khu ginani mu yeyisago miphaso yangu nya guvbiswe ni miningelo yangu eyi nyi leletedego gu ta ningedwa nyumbani gwangu? U zundzide sanana sago guvbindra Eni, u si enisa khu miningelo yatshavbo nya yadi ya vathu vangu va na Israyeli.