Hoseya 2:5 - Bhibhiliya Nya Guage

⁵ Kholu mayi wawe bhayide, uye a nga va velegago, giride silo nya dzitshoni, kholu a di khuye: “Nyi na landrela sibhayi sangu, si nyi hodzisago ni gu nyi sedza mati, va nyi ninga myendra nya gufurumele, myendra nya seda, mafura nya guhodze ni mati.

Hoseya 2:5 Iomraidhean Croise

Isaya 1:21

Wonani lidhoropa leli nya gutumbege, li vbindrugedzidego li khala libhemba! Umo gu nga bani na gu tade khu gululama, olu, gu tade khu sighevenga!

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Jeremiya 11:13

Uwe Judha, tengo nya vanungungulu vago wungi ngudzu; va ninganago ni madhoropa yago, gukhedza khu tengo nya dzindzila dza Jerusalema, mu emiside siluvelo nya dzitshoni mu vbisela avbo libani Bhahali.

Jeremiya 13:22

Avbo u na ganelago khu monyoni gwago, khuwe: “Khu ginani nyi taledwago khu sigaradzo satshavbo sesi?” Dziti gwadi gukhuwe, talo nya sighoho sago, khiso si giridego u fununguledwa dzitshalu dzago, ni sitshinandro sago si napwa wuvi nya wungi.

Jeremiya 2:20

Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 6:8

Uwe Jerusalema dzi laye, gasi nyi si gu pfhurareli; ni gu pfhungumudwa u khala marumbi, litigo li si khadwigo khu muthu.

Ezekiyeli 16:35

Khu guralo, uwe gibhayi wewe, yingisa magana ya Pfhumu Nungungulu!

Ezekiyeli 16:39

Eni nyi na gu ningela mandzani ga sibhayi sago, avo va na khungumulela malanga yago nya miphaso nya gunyenyeze ya musigomoni, va gu rundruwulela guambala gwago, va gu dzegela sombo sago nya lisima, va gu diga nuri wumbwiri.

Ezekiyeli 16:4

Guvelegwa gwago gu giregide, kharati: Ga litshigu u velegidwego, lirugu lago kha la pidwa, uwe khwa handzwa khu mati gasi gu agiswa, khwa gwiringedwa munyu mwendro gufumbedwa khu myendra.

Hoseya 1:2

Guhegulani nya magana ya Pfhumu Nungungulu a nga phela gu ganela ga Hoseya, a di ganela, khuye: “Indra, u ya dzega nyamayi nya gibhayi a na gu velegela sanana nya wubhayi, kholu litigo li giride wubhayi, va ndreya ndzilani ga Pfhumu Nungungulu.”

Hoseya 2:2

Kawukani mayi wanu, mu kawukeni, kholu uye khandri mwangadzi wangu, eni neni kha nyiri nyi mwama waye. Mu layeni a duse wuphuphulu khovbeni gwaye, ni gu hambana ni wubhayi maveleni gwaye.

Hoseya 2:8

Uye kha dziti gukhuye kheni nyi mu ningidego tirigu, vhinya ni mafura, nyi mu engedzede ndralama ni parata, a nga si thumisago guphasela khiso Bhahali.

Hoseya 3:1

Pfhumu Nungungulu a di nyi embela, khuye: Indra gambe uya haladzana ni nyamayi moyo a haladzwago khu pari yago, ambari olu a gu gibhayi. Mu haladze nga idzo Pfhumu a golago khidzo sanana sa Israyeli, ambari ulo avo va mu pfhuraredego va gola vambe vanungungulu ni gu tsakela sibwandzalati nya dziuvha.

Hoseya 4:5

Khu guralo, u na thega vbakari nya mihani, vbawutshigutunu u thega gumogo ni muprofeti, nyi na mbembisa mayi wago.

Hoseya 8:9

Kholu tshatugide aya Asiriya, a fanana ni giburwana nya likhabi, gi golago gu khala genga, aholu Efrayimi, a dzi rengiside ga sibhayi saye.

Hoseya 9:10

Israyeli nyi di mu rola nga sitsatsa nya dziuvha mugiwulani, avbo nyi nga wonago vababe vanu, nyi di va wona nga mihandro nya guhegule nya makandzu. Aholu, avbo va nga vboha Bhahali-Peyori, va di dzi ningela va phasela githombe gile nya dzitshoni, va vbindrugedza va nyenyeza kha nga gilo va nga gi gola.

Amosi 8:13

Khu litshigu lolo, makendzi nya gumbure ni madzaha ma na dzima khu lidora.

Valamuli 16:23

Va di tombana vathangeli nya Vafilisitiya, va gira buzo nya guningele mhamba ga nungungulu wawe Dhagoni, kholu va di gukhavo: “Nungungulu wathu a hi ningide mandzani gwathu nala wathu Samisoni.”