Hoseya 2:23 - Bhibhiliya Nya Guage

²³ Eni mune kamwe, nyi na dzi yalela vathu vangu tigoni nyi na pwela gisiro wule nyi nga mu rana kheni Nyamba-godwa, (khu Gihebheru, gutshamuswago pwani: Lo-Ruwama); Wule nyi mu ranago kheni khandri vathu vangu, (Lo-Ami) nyi na mu embela, kheni: Uwe u vathu vangu! Ni uye a na ganela, khuye: Uwe u Nungungulu wangu!

Hoseya 2:23 Iomraidhean Croise

Dzindzimo 118:28

Uwe u Nungungulu wangu, eni nyi na gu rungudza, Uwe u Nungungulu wangu, eni nyi na gu khusedza.

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Dzindzimo 68:31

Khu Egipito dzi nata dzindruna; Vaetiyopi va na khozela Nungungulu na va khusedzide mandza.

Dzindzimo 72:16

Tigoni gu na fumwe dzimbewu, dzi fenengedza kala vbatshani nya sigomo, si tala khu dzimbewu kha nga esi sa Libhanoni, avo va vbanyago madhoropani va na rumbuge kha nga mwasi wu fenengedzago thembweni.

Gizimba 2:16

Gigodwa gyangu gya gulumba eni, eni neni nya gulumba uye tshambi waye a gu havisela vbakari nya senge.

Isaya 44:5

Moyo a na ganela, khuye: Eni nyi wa Pfhumu Nungungulu; mumbe a na dzi riya lina la Jakobe; mumbe a na lova mandzani gwaye, khuye: Eni nyi wa Pfhumu Nungungulu, limbe lina, a dzi rana khuye kheni Israyeli.”

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 30:22

Enu mu na bani muri vathu vangu, ni Eni nyi na bani nyiri Nungungulu wanu.”

Jeremiya 31:27

Pfhumu Nungungulu a ngu ganela kharati, khuye: “Wonani, ma na vboha matshigu nyi na gu yalago ndrangani ga Israyeli ni ga Judha mbewu nya vathu ni mbewu nya sirengo.”

Jeremiya 32:38

Avo va na khala vathu vangu, Eni nyi na bani nyiri Nungungulu wawe.

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Ezekiyeli 36:29

Nyi na mi vbulugisa guvivbani gwanu gwatshavbo; nyi na mu resela tirigu, gambe nyi na yi andrisa, kha nyi na mu resela gambe ndzala.

Hoseya 1:6

Ghomeri a di engedza a khura mimba a velega gyanana nya nyamahegyane. Khavbo avbo, Pfhumu Nungungulu a di mu embela, khuye: “Mu riye lina la Lo-Ruwama, kholu eni gima kha nya na ngapwa gambe gisiro khu nyumba ya Israyeli, nyi na mu dzegela satshavbo.

Hoseya 8:2

Va na lila avbo gwangu, khavo: “Ethu va na Israyeli, hi ngu guti gukhethu khuwe Nungungulu wathu.

Zakariya 10:9

Nyi na va phalalegisa vbakari nya mahundzu, khu mayigoni ga hwindzo va na nyi dundruga, va na vbanya gumogo ni sanana sawe, khu hwane va na wuya.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Zakariya 14:16

Mitshaledwa nya mayigo yatshavbo ma nga dwanago ni Jerusalema, khu mwaga ni mwaga yi na gwela yi ta khozela Mufumeli, Pfhumu Nungungulu nya Tshivba Yatshavbo, ni guya gira Buzo nya Mitshatsha.

Zakariya 14:9

Pfhumu Nungungulu a na bani ari uye Pfhumu nya litigo latshavbo; litshigu lolo, Pfhumu Nungungulu a na bani ari moyo basi, ni lina laye li na bani liri ilo longa basi.

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Varoma 3:29

Gasi uye Nungungulu wa Vajudha basi, gani? Khandri Nungungulu wa va nya mayigo gambe, gani? Khu lisine khuye gambe Nungungulu wa va nya mayigo,

Jakobe 1:1

Eni Jakobe, githumi ya Nungungulu ni ya Pfhumu Jesu Kristo, nyi ngu losa likhumi na mavili mahundzu ma phalalegidego ni litigo latshavbo.