Hoseya 2:20 - Bhibhiliya Nya Guage

²⁰ Nyi na gu dzega u khala mwangadzi wangu khu gutumbega, gambe u na muti Pfhumu Nungungulu

Hoseya 2:20 Iomraidhean Croise

Genesi 9:10

ni sirengo satshavbo si vbanyago vbakari gwanu: Sinyoni, sifuyo sa ndrangani, ni sirengo satshavbo sa khabini si vbanyago vbakari gwanu; satshavbo si dugidego khu taroni, ni satshavbo sirengo sa mafuni.

Isaya 2:4

Uye a na khala mulamuli vbakari nya mayigo, ni gu tsayisa mafumbo nya mangi. Matshari yawe ma na vbindrugedza ma khala mavbadza, ni siholoma sawe si khala sivbwero; li mwalo litigo li na gu wugelago litigo li kwawe, ambari vathu kha va na hevbula gu dwana nyimbi.

Isaya 62:4

Gima khu na ranwa gambe “Oyu a digidwego,” ambari litigo lago gu gu ranwa gupwani “Marumbi;” aholu, va na gu ranwa pwani “Gigodwa gyangu;” ni litigo lago, li na ranwa gupwani “Pfhumugadzi;” kholu Pfhumu Nungungulu a gu gode ngudzu; a na dzegana ni litigo lago.

Jeremiya 24:7

Nyi na va ninga monyo nya gu nyiti gukhavo eni kheni Pfhumu Nungungulu; avo va na khala vathu vangu, eni nyi na khala Nungungulu wawe; kholu va na wuya avbo gwangu khu monyo wawe watshavbo.

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Jeremiya 32:41

Eni nyi na nengela khavo, nyi na va kategisa ni gu va ninga wulanga wu tiyidego tigoni momu, khu monyo wangu watshavbo ni hefemulo wangu watshavbo.

Jeremiya 9:24

gasi uye a vbwetago gu dzi zundza, a na dzi zundze khesi: A ngu yela gu nyiti ni gukhuye eni kheni Pfhumu Nungungulu nyi girago wuhindzi, ni gu lamula khu gululama omu mafuni; kholu khiso si nyi nengedzisago; a ngu ganela Pfhumu Nungungulu.

Ezekiyeli 16:62

Khu guralo nyi na hunga nago gidzumeledzwano, khavbo u na dzitigo gukhuwe Eni kheni Pfhumu Nungungulu.

Ezekiyeli 16:8

Khu hwane nya ugo, nyi di vbindra khu vbafuvbi gwago, nyi di gu khedza nyi gu wona gukheni u diri ni tanga nya guenele gu liti lihaladzo; khavbo avbo, nyi di thawuludza gifenengelo, nyi fenengedza wumbwiri wago. Nyi di gira gisambanyo ni gu hunga gidzumeledzwano nago gasi gu gu dzega; a ngu ganela Mune Pfhumu Nungungulu.

Ezekiyeli 34:25

Nyi na gira nadzo gidzumeledzwano nya pwanano, nyi na fuvisa sirengo nya likhabi tigoni; dzi na khala khu gurula giwulani, gambe dzi na lala khabini.

Ezekiyeli 34:27

Misimbo ya khabini yi na ninga mihandro yaye, ni mafu ma na ninga dzimbewu dzaye, dzinvuta dzi na khala gurulani tigoni gwawe; dzi na dziti gu khidzo eni kheni Pfhumu Nungungulu, gikhati nyi na fanyago mapitso nya kanga wawe ni gu dzi dusa mandzani ga vale va dzi tshanisago.

Ezekiyeli 38:23

Khu magirelo yoyo, eni nyi na yeyedza wugulu ni gu aga gwangu, nyi na tidwa mahoni ga va nya mayigo; havbo mu na nyitigo gukhenu Eni kheni Pfhumu Nungungulu.”

Hoseya 13:4

Ambari ulo, eni kheni Pfhumu Nungungulu wago, gukhugela tigoni ga Egipito. Khu guralo, khu na ngati mumbe nungungulu, vbavbandze gwangu, kholu mwalo mumbe mutshudzisi, vbavbandze gwangu.

Hoseya 2:19

Nyi na gu dzega u khala mwangadzi wangu kala gupindruga; nyi na dzegana nago khu lisine ni gululama, khu lihaladzo ni gutsetselelana.

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Levhi 26:5

Guvbwera nya tirigu gu na simama kala matshigu nya gu havedwe dziuvha, kala mu vbohisa matshiguni nya gilimo ni gu yala dzimbewu; mu na hodza mu khura gambe mu na khala na mu tiyide tigoni gwanu.

Levhi 26:6

Nyi na wuyisa gurula tigoni; mu na lala na mu tengide nyamba thurugiswa khu muthu, nyi na fuvisa sirengo nya wurena sa khabini, tigoni gwanu kha mu na beledwa khu dzinyimbi.

Mikeya 4:3

A na lamula vbakari nya mafumbu nya mangi, a na tsayisa mayigo nya tshivba a ma yisa hwindzo, va na dzega matshari va gira mavbadza, sighalala va si gira sivbwero; litigo kha li na khusa litshari li wugela litigo likwawe, vathu kha va na hevbula gambe gu dwana nyimbi.

Zakariya 9:10

Nyi na pfhungumula dzikareta nya nyimbi dza Efrayimi ni dzikavalu dza Jerusalema; wulaho nya nyimbi wu nata fanyeledzedwa. Uye a na huwelela gurula ga mayigo; mufumo waye wu na khugela yiphwa kala yimbe yiphwa; wu na khugela tsongoni wa Ewufrate kala mahegiso nya mafu.

Matewu 11:27

Satshavbo nyi ningidwe khu Babe wangu. Mwalo a mu tigo Mwamana vbavbandze ga Babe ekha, gambe mwalo a mu tigo Babe vbavbandze ga Mwanaye ekha ni wule Mwamana a dzinago gu mu tulela.

Luka 10:22

Satshavbo nyi ningidwe khu Babe wangu. Mwalo a mutigo khu mani Mwamana vbavbandze ga Babe ekha, gambe mwalo a mutigo khu mani Babe vbavbandze ga Mwanaye ekha, ni wule Mwamana a dzinago gu mu tulela.”

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Johane 8:55

Aholu, kha mu mutini; eni kheni nyi mutigo. Nari pwani nyi di ganede kheni kha nyi muti, na nyi liphide kha nga enu. Eni nyi ngu muti ni gu vegedza magana yaye.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

Vakolosi 1:10

Kharati, mu na kodza gu landrisa guhaladza gwa Pfhumu, mu gu mu tsakisa mithumoni yatshavbo; mu na ninga mihandro nya mithumo ya yadi, mu dandra khu guti Nungungulu.

2 Thimoti 1:12

Khu kharato, nyi ngu saniseka khu silo sesi. Ambari ulo kha nyi khali dzitshoni kholu, nyi ngu muti oyu nyi vegidego gwaye gutumba gwangu, nyi ngu khodwa kheni khuye a gu na ni tshivba nya gu nyi sayise thumoni gwangu, kala nyi gu wu vbohisa mahegiso.

Vahebheru 8:11

Mwalo ni moyo a na hevbudzago muthu kwawe, mwendro ndriyaye, khuye: Zama guti Pfhumu, kholu vatshavbo va na nyiti, gukhugela ava nya vadugwana kala nya vakhongolo.

1 Johane 4:6

Aholu, ethu ha gu lumba Nungungulu. Oyu a mutigo Nungungulu a ngu hi yingisa; oyu a si mutigo Nungungulu kha hi yingisi. Khidzo kharati hi gutigo guhambana nya Liphuvbo nya lisine ni liphuvbo nya malipha.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.