Hoseya 2:12 - Bhibhiliya Nya Guage

¹² Nyi na pilelela misimbo yaye yatshavbo nya vhinya, ni mikandzu yaye, a gu iyo a gukhuye: Owu khu tshatshazelo wangu nyi nga ningwa khu sibhayi sangu; aholu eni nyi na mi gira misimbo nya likhabi, yi hodzwa khu sirengo nya likhabi.

Hoseya 2:12 Iomraidhean Croise

Dzindzimo 80:12

Khu ginani u nga khungumula libhiyo laye? Olu, vavbindri nya ndzila va gu bela va hava dziuvha.

Isaya 29:17

Ina khu gikhati gidugwana Libhanoni, kha na vbindrugedza a khala lithembwe nya gunone, gani? Ni lithembwe li nonidego kha li na vbindrugedza li khala likhabi, gani?

Isaya 5:5

Gasi, eni olu, nyi na mi yeyedzani esi nyi vbwetago gu gira ga lithembwe langu: Nyi na thesa libhiyo gasi li khala wuhaviselo, nyi khungumula ni ndzari yaye, gasi li gandredzedwa.

Isaya 7:23

Khu litshigu lile gambe, lithembwe ni lithembwe nya miuvha li gu na ni likhumi mazana (1.000) misimbo, li ninganago likhumi mazana (1.000) singerengere nya parata, li na vbindrugedza li buga miba ni sirangalabwa.

Jeremiya 13:26

Eni neni kharato nyi na funungula dzitshalu dzago kala khovbeni gwago; gasi gu wonega dzitshoni dzago.

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 5:17

Va nata hodza dzimbewu dzago ni guhodza gwago, va hodza madzaha yago ni dzimbiri dzago; va na hodza dzinvuta ni dzimombe dzago; va na ghohetela gambe marembwe yanu nya mikandzu nayo nya miuvha; va khungumulela khu matshari madhoropa yago nya makhokhola u ma tumbago.

Jeremiya 8:13

“Nyi na va vbiyela havo bhi.” A ngu ganela Pfhumu Nungungulu. Kha gu na tshala likandzu vbatshani nya kandzu, ambari lidimwa dimwani ni mahagane ma na wu na; olu nyi rumede avo va na gu ya va sasela.

Hoseya 13:8

Gufanana ni gikankanka gi nga bedwago sanana saye, nyi na va mana nyi va vbadzulela. Nyi na fanana ni nghala nyi va vbadzulela avbo vbale kamwe, va na pferuledwa khu sirengo nya likhabi.

Hoseya 2:5

Kholu mayi wawe bhayide, uye a nga va velegago, giride silo nya dzitshoni, kholu a di khuye: “Nyi na landrela sibhayi sangu, si nyi hodzisago ni gu nyi sedza mati, va nyi ninga myendra nya gufurumele, myendra nya seda, mafura nya guhodze ni mati.

Hoseya 5:14

Kholu ga Efrayimi, nyi na khala nga nghala, ga na Judha nyi khala nga ginghalana. Eni, nyabune, nyi na va vbadzulela nyi khuga nyi hongola navo; gambe mwalo a na va vbulugisago.

Hoseya 9:1

U nga tsaki uwe Israyeli, u bhuma, u ndragandraga, u fanana ni mambe mayigo, kholu u hambanide ni Nungungulu wago, khu gu dzi ningedzela wubhayini; u rengiside lihaladzo lago khu gu gira wuphuphulu musithalani gwatshavbo nya tirigu.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.