Hoseya 12:5 - Bhibhiliya Nya Guage

⁵ Ina, Pfhumu, khuye Nungungulu nya Tshivba Yatshavbo, lina a tidwago khilo kheli la Pfhumu Nungungulu.

Hoseya 12:5 Iomraidhean Croise

Genesi 28:16

Na khendzugide, Jakobe a di ganela, khuye: “Khu lisine Pfhumu Nungungulu womo wulanga wowu, aholu eni nyi di si dziti.”

Genesi 32:30

Jakobe a di rana wulanga wule khuye Penuweli, kholu a di khuye: “Nyi wonide Nungungulu khovbe ni khovbe, aholu nyi ngu simama nyi vbanya.”

Genesi 35:9

Nungungulu a di dzi wonegisa gambe ga Jakobe, hwane nya gu na wide khu Padhani-Arani, a gu mu kategisa.

Dzindzimo 135:13

Lina lago Pfhumu Nungungulu, li na simama kala gupindruga; Pfhumu Nungungulu u na alakanywa khu situgulwana ni situgulwana.

Dzindzimo 30:4

Embelelani dzindzimo ga Pfhumu Nungungulu, enu mwatshavbo vakhodwa yaye, rungudzani lina laye nya guage.

Ekisodha 3:15

Nungungulu a di ganela gambe ga Mosi, khuye: U na ganela kharati ga sanana sa Israyeli khuwe Pfhumu Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a nyi rumede gwanu; Eli khu Lina langu kala gupindruga, nyi na alakanywa kharati khu mimela ni mimelana.

Isaya 42:8

Eni kheni Pfhumu Nungungulu: Eli khilo lina langu nyi ranwago khilo! Wudhumo wangu kha nyi na ningela mumbe muthu, ambari gu ningela wuzundzo wangu ga sifananiso nya guvatwe.