Hoseya 11:8 - Bhibhiliya Nya Guage

⁸ Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Hoseya 11:8 Iomraidhean Croise

Genesi 14:8

Aholu vafumeli va Sodhoma, Ghomora Adima, Seboyimi ni Bhela, olu gu ranwago pwani Sowari, va di duga gasi guya dwana kovani ga Sidimi

2 Samuweli 24:16

Avbo Ngilozi yi nga khusedzago mandza yaye vbatshani ga Jerusalema, gasi gu li mbembisa, Pfhumu Nungungulu a di dzi laya khu guvivba gule, a embela Ngilozi nya gumbembise vathu, khuye: “Basi, olu dusa mandza yago.” Ngilozi ya Pfhumu Nungungulu yi diri vbafuvbi ni githala gya Arawuna, mujebhuzi.

1 Dzipfhumu 3:26

Aholu mune gyanana gi vbanyago a di garadzega monyoni gwaye khu kotani nya gyanana gyaye, a di ganela, khuye: “Oh! Pfhumu yangu, mu ningeni gyanana gegi gi vbanyago, mu nga gi songini.” Aholu mumbe a di khuye: “Gi na kabaniswe! Khu guralo, kha gi na khala gyago ambari gu khala gyangu.”

2 Dzipfhumu 13:23

Aholu Pfhumu Nungungulu a di va pwela gisiro, a va girela wuhindzi, a va tsetselela khu lihaladzo laye nya pwanano a giridego ni Abrahama, Isaki ni Jakobe; a si dzumeli gu va mbembisa ni gu va dzudzuga hwindzo ni khovbe yaye.

2 Dzikoronika 36:15

Pfhumu Nungungulu wa vababe vawe, a di va rumela magana yaya khu ga sirumwa saye, gasi gu va dundrugisa; kholu a di gu pwela gisiro vathu vaye gumogo ni Nyumba yaye.

Dzindzimo 106:45

A di alakanya gidzumeledzwano a nga gira navo, a va pwela wusiwana khu wuhindzi waye nya wungi.

Isaya 16:11

Khu guralo, mahembe yangu ma gu dzuma nga gitendre khu kotani ya Mowabhi, monyo wangu wa gu vbisega khu kotani ya Kiri-Heresi.

Isaya 63:15

Khedza khu vbatshani yoyo ndzadzini, u wona khu nyumbani gwago nya guage ni wudhumo. Gomo hayi gukhathalela gwago ni mithumo yago nya tshivba? Wuwadi wa monyoni gwago ni wuhindzi wago, khu si giri gambe avbo gwathu!

Jeremiya 18:8

vathu nya litigo lolo va gu dzi laya, va vbindrugedza mavbanyelo, va diga sighoho va girago, eni neni, nyi na dzi laya, nyi si va rumeli tsayiso nyi wu dongisedego gu va rumela.

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 31:20

Ina kamwe Efrayimi khandri uye gyanana gyangu nya gigodwa, gani? Gyanana gi godwago khu monyo wangu, gikhati nya gingi mapimo yangu kha ma digi gu mu alakanya; ni monyo wangu wa gu salala mbeli gwaye, khu guralo, nyi na mu pwela wuhindzi; a ngu ganela Pfhumu Nungungulu.

Jeremiya 42:10

Mwa gu khalani khu mavbanyelo nya yadi tigoni momu, Eni nyi na mi tiyisa, wulangani nya gu mi pfhungumule; nyi na mi tsitsa wulangani nya gu mi sigule, kholu nyi ngu dzi laya khu dzimhango nyi mi giredego.

Jeremiya 9:6

Va gu vbanya vbakari nya guvivbe; khu kotani nya isoso, kha va khathali khu Eni; a ngu ganela Pfhumu Nungungulu.

Jeremiya 9:7

Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Wonani, nyi na va nyiviligisa niloni gasi gu va linga; kholu ma mwalo mambe magirelo nyi yelago gu gira khu kotani ya nyamahegyane wa vathu vangu?”

Gililo 1:20

Pfhumu Nungungulu, nga wona idzo nyi tshanisekago khidzo! Hefemulo wangu wu ngu vbela tshivba. Monyo wangu wa gu ndragandraga ndrani gwangu kholu nyi gu pfhuraredego khu tshivba. Sanana sangu si ngu sasedwa vbavbandze khu matshari; ndrangani gwangu gu pwala lufu basi. Sini

Gililo 3:32

Hwane nya gu bani a mu tshaniside, a ngu mu pwela gisiro, kholu lihaladzo laye likhongolo ngudzu.

Gililo 3:33

Uye khandri khu gugola gwaye, gu pwisa wuvi ni gu tsayisa sanana nya vathu. Lamed

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Ezekiyeli 6:9

Mayigoni momo mu na vbagedwago mu ya umo, vale va na vbulugago gu songwa va na nyi alakanya mayigoni mule va na yiswago umo guya girwa dzikhumbi; kholu va nyi swihadzide khu kota nya myonyo yawe nya wuphuphulu va hambana ni eni, maho yawe ma dogorela sifananiso sa vanungungulu vawe nya malipha; khu guhegisani, va na dzi laya vabune kamwe khu kotani nya mithumo yawe yatshavbo nya guvivbe va giridego.

Hoseya 6:4

Ginani nyi yelago gu gira khu uwe Efrayimi? Ginani nyi yelago gu gira khu uwe Judha? Kholu lihaladzo lanu la gu fanana ni mapfhi nya Wuronga, ni thondrwane nya dzimindru si vbiredzago gu mwalalega.

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Amosi 4:11

Nyi mbembiside va nya gukari va vbakari gwanu, kha nga idzo Nungungulu a nga mbembisago khidzo Sodhoma ni Ghomora, aholu enu nyi mi vbulugisani kha nga khuni yi duswago niloni wu khondrago; ambari khu guralo, enu kha mwa vbindrugedzani mu wuya avbo gwangu, a ngu ganela Pfhumu Nungungulu.

Amosi 7:3

Khu guralo, Pfhumu Nungungulu, a di dzi laya khisoso a ganela, khuye: “Kha si na nga girega, a di ganela Pfhumu Nungungulu.”

Amosi 7:6

Khu guralo, Pfhumu Nungungulu a di dzi laya khisoso, khuye: “Ambari isoso kha si na girega gambe, a di ganela Pfhumu Nungungulu.”

Mikeya 5:3

Khu guralo, a na va ningela kala gikhati oyu a lumwago a na velegago. Khavbo vandriyaye va nga tshalago, va na wuyago vata dzi tshanganisa ni va na Israyeli.

Sofoniya 2:9

Khu kharato, nyi ngu sambanya khu womi wangu, a ngu ganela Pfhumu nya Tshivba Yatshavbo, Nungungulu wa Israyeli, khu lisine, Mowabhi a na fanana ni Sodhoma, sanana sa Amoni si fanana ni Ghomora, marembwe yawe ma na tala khu miba ni siruga nya munyu, gu na vbindrugedza gu khala giwula kala gupindruga. Va na phangwa khu mitshaledwa nya vathu vangu ni mitshaledwa nya vathu vangu yi na wandra mayigo yawe ma khala thomba yawe.

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Dhewuteronome 29:22

Khavbo avbo, mimelana yi nga gutago nya sanana sanu, avo va na gutago khu hwane gwanu, ni muluveli a na tago khu mayigoni ya hwindzo, va na wona dzitshanisa dza tigoni momu gumogo ni mabango Pfhumu Nungungulu, a na ma thesago avbo gwaye.

Dhewuteronome 29:23

Va na wona litigo latshavbo na li vbisidwe khu nilo nya sulufa ni munyu, nyamba dzumela gu yadwa gilo, mwendro gu buga gilo ambari gu manega ni mwasi, kha nga iso si giregidego gukhungumudwani gwa Sodhoma ni Ghomora, Adhimani ni Zebhoyimi, madhoropa ma khungumudwego khu kotani nya likhulo la Pfhumu Nungungulu.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

2 Pedro 2:6

Nungungulu mbembiside mayigo ya Sodhoma ni Ghomora, a ma pfhungumula khu nilo, kha nga giyeyedzo nya esi si na gu giregago ga ava va nya guvivbedwa khu myonyo.

Judha 1:7

Gufanana ni Sodhoma ni Ghomora ni mambe madhoropa ya vbafuvbyana mule, avbo va nga dzi ningelago wubhayini ni ga gighoho nya gubhayane khu wama wawe, madhoropa yoyo, ma khade giwonelo ga vathu vatshavbo, ma gu mana tsayiso nya nilo nya gupindruge.

Gutuledwa 11:8

Sirumbi sawe si na khala tshandzala mudzindzilani nya lidhoropa likhongolo, li ranwago khu gipimaniso pwani Sodhoma ni Egipito, umo gambe Pfhumu yawe yi nga khokhothedwago umo.

Gutuledwa 18:18

va di womba gimima khu gu wona wutshi nya luvbya laye, khavo: “Khu levbini limbe lidhoropa li nga bani li gu fanana ni lidhoropa leli nya likhongolo?”

Valamuli 10:16

Khavbo avbo, va di khungumulela vanungungulu nyamba phasa gilo va nga bani varomo vbakari gwawe, va khozela Pfhumu Nungungulu; uye a di vbisega ngudzu khu kotani ya Israyeli.