Hoseya 11:7 - Bhibhiliya Nya Guage

⁷ Kholu vathu vangu va thendregedzide va nyi pfhurarela; ambari va gu ranwa khuye a Khusegidego Ngudzu, mwalo ni moyo a dzumelago gu mu ninga githawo.

Hoseya 11:7 Iomraidhean Croise

Dzindzimo 81:11

Aholu, vathu vangu kha va dzina gu nyipwa, Israyeli kha yeyedza gu khathala khu eni.

Mavingu 14:14

Uye nya guvivbedwe khu monyo a na khura khu mavbanyelo yaye, aholu muthu nya gululame a na khura khiso sa monyoni gwaye.

Isaya 26:10

Muthu nya guvivbedwe khu monyo, ambari a gu tsetseledwa, kha hevbuli gululama, ambari a gu khala tigoni la va nya gululama, uye a gu gira ugo nya guvivbe, kha woni wugulu wa Pfhumu Nungungulu.

Jeremiya 14:7

Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 3:11

Aholu Pfhumu Nungungulu a di nyi embela, khuye: “Israyeli ambari a ngamba tumbega, nandru waye wu vbevbugide guvbindra wa Judha a nga nyi kanganyisa.”

Jeremiya 7:25

Gukhugela litshigu va nga dugago khilo vababe vanu khu tigoni ga Egipito, kala muhuno, khu litshigu ni litshigu nyi mi rumede sithumi sangu nya vaprofeti.

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Jeremiya 8:5

Gasi khu ginani vathu vava va Jerusalema va simamago gu banga mihungo va dzi ndreyisa? Va simama ndzilani nya guwegele va si dzumeli gu wuya gambe!

Hoseya 11:2

Aholu, avbo eni nyi nga bani nyi gu va rana, avo va di simama gu bomba va nyi pfhurarela. Va girela miphaso vanungungulu nya Vabhahali ni gu vbisela libani sifananiso nya guvatwe.

Hoseya 14:4

Nyi na dusa gumba tumbega gwawe, nyi va gola khu monyo wangu watshavbo, kholu likhulo langu li na duga avbo gwawe.

Hoseya 4:16

Va na Israyeli va bangide mihungo nga gimombyana nya gigaha, a na dzi kodza kharini Pfhumu Nungungulu gu va havisa nga nvuta malangani nya mahavo nya mangi, na?

Hoseya 7:16

Ambari olu va vbindrugedzago va wuya, kha va wuyi ga uye a Khusegidego Ngudzu; va gu fanana ni wulaho nya guwegele. Vathangeli vawe va na songwa khu matshari, kholu khu maganani gwawe gu di duga magana nya gu dzi khusedze. Khu guralo, va na khala gihegiso tigoni gwatshavbo gwa Egipito.