Hoseya 1:5 - Bhibhiliya Nya Guage

⁵ Khilo litshigu lolo, nyi na fanyeledzelago wulaho wa Israyeli kovani ga Jezireyeli.”

Hoseya 1:5 Iomraidhean Croise

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

Dzindzimo 37:15

Khu guralo, litshari laye li na mu paya monyo, malaho yaye ma na fanyeledzedwa.

Dzindzimo 46:9

Uye a ngu vbedza mayunga kala mahegiso nya litigo, a ngu fanya wulaho, a fanyeledzela siholoma; a rinya niloni dzikareta nya nyimbi.

Jeremiya 51:56

Kholu musaseli a nata sasela Bhabhiloni; dzindrena dzaye dzi na modwa, matshari yawe ma fanyeledzedwa; kholu Pfhumu Nungungulu a bweledzelago mihandro ya va nya guvivba, kha digi gu va ninga tshatshazelo nya mithumo yawe.

Ezekiyeli 39:3

Nyi na gu wandrela wulaho wa mandzani gwago gwa nyambade, nyi thesa siholoma sa mandzani gwago gwa nyamudye.

Hoseya 2:18

Khu litshigu lolo, nyi na gira khu avo gidzumeledzwano ni sirengo nya likhabi, ni sinyoni sa damboni, ni esi nya gukhwirire khu lididi mafuni, nyi na fuvisa tigoni dzinyimbi, wulaho ni matshari, va na lala ligovbe nya gutenge!

Josuwa 17:16

Khu guralo, sanana sa Josefa si di hakha, khiso: “Gigomo gegi kha gi na hi enelela; ni gu gambe Vakhanani vatshavbo va vavbanyago tigoni momu nya mikova va na ni dzikareta nya dzisimbi, ambari avo va gomogo Bheti-Seyani gumogo ni madhoropa yawe, gumogo gambe ni avo va gomogo kovani ga Jezireyeli.”

Valamuli 6:33

Ga gikhati gyogyo vatshavbo Vamedhiyani ni Vaamaleki gumogo ni mambe mayigo, va dita khu Khugadambo va tombanisa masotshwa yawe, va tsemakanya tsongo wa Joridhani vaya zumba kovani wa Jezireyeli.