Hoseya 1:10 - Bhibhiliya Nya Guage

¹⁰ Aholu va na Israyeli, tengo wawe wu nga na gu simama gu andra nga fungu wa phwani wu si kodzwigo gu pimwa ambari gu sayedwa. Aholu, avbo gu nga bani gu ganedwa gupwani: “Enu mu dirisi vathu vangu.” Va na embedwa pwani: “Enu mu vathu va Nungungulu a vbanyago.”

Hoseya 1:10 Iomraidhean Croise

Genesi 13:16

Nyi na gira sanana sago si tala ngudzu kha nga mafu. Mwalo muthu a dzi kodzago gu saya dzitshota nya mafu. Khidzo gambe kharato, mwalo muthu a na gu dzi kodzago gu saya sanana nya livelego lago.

Genesi 22:17

Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.

Genesi 32:12

Khuwe u nga ganelago, khuwe: “Nyi na gu tadza khu makategwa, nyi na gira livelego lago li tala kha nga mafu nya fungu wa phwani, wu tandrwago gu saywa tengo wakone.”

2 Samuweli 7:24

U emiside vathu vago va na Israyeli, gasi va khale vathu vago kala gupindruga, Gasi uwe Pfhumu u khade Nungungulu wawe.

Isaya 43:6

Nyi na ganela ga mayigo ya Wuronga, kheni: Va tshudzise; ga mayigo ya Marandzi, kheni: U nga va himbedzeli! Nyi resele sanana sangu nya madzaha si guromo mayigoni ya hwindzo; ni sanana sangu nya vanyamahegyane si guromo mahegiso nya litigo,

Isaya 48:19

ni livelego lago gambe li di hadza gutala li fanana ni mafu, ni vatugulu vago kha nga mafu nya fungo wa phwani; lina lawe gima kha li na fuviswa ambari gumbembiswa mbeli gwangu.

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Isaya 64:8

Gasi olu, uwe Pfhumu Nungungulu, Uwe khuwe Babe wathu, ethu hi libumba, uwe khuwe muwumbi wathu; ethu hatshavbo hi thumo nya mandza yago.

Isaya 65:1

Nyi vbwetidwe khu vale va ngamba nyi wudzisa, nyi manwa khu vale va ngamba nyi vbweta, ga litigo li nga bani li si rani lina langu, eni nyi di ganela, kheni: “Nyi womo avba.”

Isaya 66:20

Va na resa vandriyanu vatshavbo khu mayigoni, gasi gu gira ningelo ga Pfhumu Nungungulu, na va khilede dzikavalu, dzikareta, vambe na va khusidwe khu matsira, vambe khu dzimula, ni dzingameriya, gigomoni gwangu nya gukatege gya Jerusalema, a ngu ganela Pfhumu Nungungulu. Va gira kha nga va na Israyeli gikhati va resago miningelo yawe nya dzimbewu Nyumbani ga Pfhumu Nungungulu khu mikanvuni yi agidego.

Jeremiya 33:22

Livelego la githumi gyangu Dhavhidhe, ni la va na Levhi va nyi thumelago, nyi na va gira va tala kha nga dzinyeledzi dza ndzadzini, ni fungo wa phwani nyamba pimwa.

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Hoseya 1:9

Pfhumu Nungungulu a di mu embela, khuye: Mu riye lina la Lo-Ami, gutshamusago gupwani khandri vathu vangu, kholu kha mwi vathu vangu, eni neni kha nyiri Nungungulu wanu.

Hoseya 2:23

Eni mune kamwe, nyi na dzi yalela vathu vangu tigoni nyi na pwela gisiro wule nyi nga mu rana kheni Nyamba-godwa, (khu Gihebheru, gutshamuswago pwani: Lo-Ruwama); Wule nyi mu ranago kheni khandri vathu vangu, (Lo-Ami) nyi na mu embela, kheni: Uwe u vathu vangu! Ni uye a na ganela, khuye: Uwe u Nungungulu wangu!

Johane 1:12

Gasi vale vatshavbo va nga li hakhago, va khodwago ga ilo, li di va ninga fanelo nya gukhale sanana sa Nungungulu;

Varoma 8:19

Sivangwa satshavbo somo si khevisela, wutshigu ni mihani, na si gu lindrela gu wona litshigu Nungungulu a na gu dzi wonegisago ga sanana saye.

2 Vakorinto 6:18

Eni nyi na khala babe wanu, enu mu na khala sanana sangu nya madzaha ni dzimbiri.” Gu ganela Pfhumu nya Tshivba Yatshavbo.

Vahebheru 11:12

Gambe, khu ga muthu moyo a nga bani a gu sayedwa nga muthu a fudego, gu velegidwe sanana nya gutale ngudzu nga dzinyeledzi dza ndzadzini, nyambana tengo nga mafu nya fungu wa phwani.