Gutuledwa 1:9 - Bhibhiliya Nya Guage

⁹ Eni Johane nyi gu ndriyanu, muhengeli ni enu sigaradzoni, Gufumani, ni gutimiselani khu ga Jesu Kristo, nyi diromo gidwane gi ranwago Patimosi kotani nya gu pwadze mahungu ya Nungungulu ni gu fakazela Jesu Kristo.

Gutuledwa 1:9 Iomraidhean Croise

Matewu 20:23

Jesu a di khuye: “Ina khu lisine mu na selani gikombe gyangu; aholu gu khala nyamudye gwangu mwendro nyambade gwangu, kha si tidwi kheni; isoso sa gu lumba vale va dongisedwego khu Babe wangu.”

Marko 10:39

Avo va di hakha, khavo: “Ina, hi ngu dzi kodza.” Khavbo avbo, Jesu a di khuye: “Gikombe nyi selago, mu na selani, ni gubhapatisa nyi na gu hakhago mu na gu hakhani,

Johane 16:33

Nya gu mi embelani esi, gasi mu tshale ni gurula gwangu; mu na mana sigaradzo tigoni, aholu nyi tumbeni, kholu eni nyi pade litigo.”

Mithumo 1:15

Khu matshigu yale, Pedro a di khuga a ema vbakari nya vandruye (tengo nya vathu vatshavbo va nga bani va tshanganide a diri gipimo nya lizana ni magumavili 120 vathu), a ganela, khuye:

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Varoma 8:17

Ha gu bani hiri sanana, gu yeyedza gu pwani hi vahodzi gambe nya thomba; hi vahodzi nya thomba ya Nungungulu gumogo ni Kristo. Ha gu tshaniseka naye, hi na hengela gambe naye wudhumoni gwaye.

Varoma 8:25

Aholu, ha gu tumba silo nyamba si wona, hi na si lindrela khu gutimisela.

2 Vakorinto 1:7

Gutumba gwathu ga enu gu tiyide, khu gu dziti gukhethu mu ngu hengela ni ethu mu gusanisekani gwathu, khavbo avbo, mu na hakha nenu guthaveledwa gwathu.

Vafilipi 1:7

Nyi na ni fanelo nya guhingigedze kharati khu enu mwatshavbo, khaguva nyi nanu monyoni gwangu, kholu mu nga hengela ni eni makategwa nyi ningidwego khu Nungungulu, gukhothedwani gwangu ni thumoni nya guvhikele ni gu huwelela Mahungu nya Yadi.

Vafilipi 4:14

Ambari ulo, enu mu giride gwadi mu hengedego ni eni sigaradzoni gwangu.

2 Vatesalonika 3:5

Pfhumu yi na khusedze myonyo yanu lihaladzoni ga Nungungulu, gasi mu virela Kristo khu gutumba.

2 Thimoti 1:8

Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

Vahebheru 10:36

Timiselani gasi mu gira guhaladza ga Nungungulu, mu mane guya hakha esi a mi tumbisago.

1 Pedro 5:1

Eni nyi gu lidhota neni, nyi ngu khongotela mambe madhota. Eni nyi fakazi nya gusaniseke ga Kristo, nyi na hengela wudhumoni wu na gu wonegiswago.

Gutuledwa 1:1

Khugo ogu gutuledwa ga Jesu Kristo, ugo a nga ningwago khu Nungungulu, gasi a yeyedze ga sithumi saye iso si guromo vbafuvbi ni gu girega. Uye tiviside silo sesi khu ga ngilozi yaye a nga yi rumelago ga githumi gyaye Johane.

Gutuledwa 1:2

Uye a gu fakazi nya magana ya Nungungulu, ayo ma ngata tiyiswago khu Jesu Kristo, khu satshavbo esi a nga si wonago.

Gutuledwa 1:4

Eni Johane nya gu lovela livbandre na mavili mabandla ya Aziya, kheni: Wuhigo ni gurula gu na khale ni enu khu ga wule a gu uye, a nga bani ari uye, a gu uye a natago, ni ga livbandre na mavili maphuvbo, ma gomogo mbeli nya gikhalo nya wufumu waye.

Gutuledwa 1:6

a gu hi gira vafumeli ni vaphasi nya mhamba ya Nungungulu Babe waye. Khyaye gidhumo ni tshivba kala gupindruga. Amen.

Gutuledwa 11:7

Gikhati dzi na vbedzago gu fakaza; gi na duga khu phalani girengo gi dwana nadzo. Girengo gi na pala gi gu songa dzifakazi.

Gutuledwa 12:11

Vandriyathu va mu pade khu tshivba nya novba wa Nvutana ni wufakazi wawe nya gutimisele; kholu kha va felela guvbanya gwawe, kala va gu dzumela gufa.

Gutuledwa 12:17

Mwamilambo na tandregide, a di tala khu likhulo aya wugela avo va nga bani va tshade nya livelego la nyamayi, a gu vathu vatshavbo vale va vegisago milayo ya Nungungulu, va landrisago wufakazi wa Jesu Kristo.

Gutuledwa 13:10

Oyu a yisago vakwawe wugumbini, a na yiswa nuye wugumbini, oyu a songago khu litshari a nafa nuye khu litshari. Khigyo egi gikhati nya wundrena ni gutumbege nya vakhodwa.

Gutuledwa 14:12

Khigyo egi gikhati nya dzindrena nya gukhodwe; vale va timiselago va vegisa milayo ya Nungungulu ni gukhodwa ga Jesu.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.

Gutuledwa 20:4

Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.

Gutuledwa 3:10

Kha nga ulo u nga landrisago magana nya gutimisele gwangu, eni neni nyi na gu vhikela gikhati litigo latshavbo li na lingwago gasi gu wona khu mani a tiyidego mafuni.

Gutuledwa 6:9

Gikhati yi nga namula gifungo nya livbandre, nyi di wona vbavbatshi nya giluvelo mihefemulo ya vale va nga songwago khu kotani nya gutivise mahungu ya Nungungulu ni gu ma fakaza khu mavbanyelo yawe.

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.