Gizimba 4:6 - Bhibhiliya Nya Guage

⁶ Na gu si gugi, gu phalalega myedzi, nyi na gwela gigomoni nya mafura nya gunungele ni gigomwanani nya libani.

Gizimba 4:6 Iomraidhean Croise

Dzindzimo 66:15

Nyi na hatha sifuyo nya gunone, dzimombe, dzinvuta, dziphongo; nyi ta gu girela mhamba nya miphaso nya guvbiswe, nya mahema nya gunungele.

Ekisodha 20:24

U na nyi girela giluvelo khu mafu, u ningelago avbo miphaso yago nya guvbiswe, ni eyi nya gubonge, ni dzimhamba dzago nya dzinvuta ni dzimombe. Ni wevbini wulanga nyi wu hathidego gasi gu alakanya avbo Lina langu, nyi nata gwago nyi ta gu kategisa.

Ekisodha 30:8

A na li vbisa gambe gupfolani nya lidambo, gikhati a khondrisago dzikandriya. Khu magirelo yaya, libani li na vbiswa khu situgulwana ni situgulwana kala gupindruga mbeli gwa Pfhumu Nungungulu

Ekisodha 37:29

A di gira gambe mafura nya guagiswe nya gutodze, ni libani nya gunungele khu edzi va girago khidzo vapfangi nya sinungedziso.

Gizimba 2:17

Na gu si gugi yi phalalega myedzi, wuya gigowa gyangu, u fanana ni yisya ni gimbavalana sigomoni gwa Bheteri.

Gizimba 3:6

Wuyelelo —Gasi ginani egi gi tago khu giwulani nya nga madingo nya wutshi, nya nga gunungela nya mafura ni libani, nya gufanane ni mafura yatshavbo ya varengisi.

Gizimba 4:14

naridhu ni safarawu, kalamu ni kanela, ni misimbo yatshavbo nya libani, nya mafura nya gunungele mira ni haluwa ni mafura yatshavbo nya gunungele.

Gizimba 8:14

Mwangadzi—Gigodwa gyangu, delu khu guvbiredza, tutuma nga tshesi mwendro yisya, yi vbindrago khu vbatshani nya sigomo nya misimbo nya gunungele.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Malakiya 4:2

Aholu gwanu enu mu ningago githawo lina langu, gu na ngangamela lidambo nya wululamo li na resago guvbanyisa dzimbapini gwaye; enu mu na duga na mu gu ndragandraga kha nga simombyana si dugago khu phandroni.

Luka 1:78

khu wuhindzi nya wukhongolo wa Nungungulu wathu, hi ngu mana gu endredwa khu guwonegela gutago khu Ndzadzini,

2 Pedro 1:19

Khavbo avbo, hi na ni gutumba ga Mahungu ma nga tiviswago khu vaprofeti, ma gukhayo: Mu ngu gira gwadi mwa gu yingisa mahungu yoyo, kholu, ma ngu fanana ni guwonegela gu wenengedzago gidemani kala gugya; thandra nya masase yi na wenengedze myonyoni gwanu.

1 Johane 2:8

Aholu nayo nya wuphya nyi mi lovelago, kholu lisine laye la gu dzi yeyedza ga Kristo, ni ga enu nenu. Kholu, gidema gi ngu vbindra, guwonegela nya lisine gu ngu wenengedza.

Gutuledwa 22:16

“Eni Jesu, nyi rumede ngilozi yangu umo nya mabandla, gasi guta mi fakazela silo sesi. Eni nyi Khamba ni Mbewu nya lihundzu la Dhavhidhe, nyi Thandra nya Wuronga nya guwenengedze ngudzu.”

Gutuledwa 5:8

Na gu hakha libhuku, sirengo sile sa sina ni madhota yale nya magumavili na mana ma di khidzima mbeli ga Nvutana, mari ni sitendre ni sikombe nya gugirwe khu ndralama na si tade khu libani, a gu milombelo nya sihathwa.