Gililo 4:8 - Bhibhiliya Nya Guage

⁸ Aholu, muhuno dzikhovbe dzawe dzi sivbade nga magala. Muthu a gu va mana ndzilani kha vati. Tshonge yawe yi khwenyede ni marambo ma banga nga simbo. Tet

Gililo 4:8 Iomraidhean Croise

Joba 19:20

Tshonge yangu yi namarede ni sikongolo, ni magwaha yangu ma gu homogela gutshala wufiri.

Joba 2:12

Va di khusa maho na va nga guta khu hwindzo, kha va nga muti; va di phela gulila khu lito nya gukhugege, muthu ni muthu a di pferula dzingandzu dzaye a dzudzuga, va phorola nguma mihungoni gwawe.

Joba 30:30

Tshonge yangu yi vbide yi ngu surugela marambo yangu ma vbide khu gudwala.

Joba 33:21

givili gyaye gi mwalalega, a tshala basi khu sikongolo vbavbandze.

Dzindzimo 102:11

Matshigu yangu ma gu mwalalega gu fanana ni mutsa nya silambo, ma gu wu na ma banga gu fanana ni mwasi.

Dzindzimo 119:83

Nyi gumbide kha nga lidowo li divadwego githathini, aholu kha nyi divali sileletelo sago.

Dzindzimo 32:4

Kholu wutshigu ni mihani mandza yago ma di nyi lemela, tshivba yangu yi di vbela khu guvbisa nya lihani.

Dzindzimo 38:3

Gi mwalo givbango nya gyadi milini gwangu, khu kotani nya likhulo lago, wu mwalo womi maramboni gwangu, khu kotani nya sighoho sangu.

Isaya 52:14

Kha nga idzo va nga samala khidzo nya vangi mbeli gwaye, kholu khovbe yaye yi di ghohekide guvbindra dzimbe dzikhovbe dza vathu, ni giemo gyaye guvbindra simbe siemo sa vambe vathu.

Gililo 5:10

Tshonge yathu ya guvbisa nga gikho, khu kotani nya wuvi nya ndzala.

Joyele 2:6

Mbeli gwawe mayigo ma na khala hwanga; dzikhovbe dzatshavbo dzi na sivbala kha nga wutshita nya khali.

Nahume 2:10

Lidhoropa la Ninivha liphanga! Li mwalo gambe, li mbembisidwe, li khade marumbi; monyo wu rerekide, dzikhungumudzi dza gu khuyugela ni siwunu sawe satshavbo sa gu ndrendremela ni dzikhovbe dzawe dzatshavbo dzi thuvigide.

Luka 10:11

‘Wonani, hi ngu phuphuta ni kudzudzwane nya lidhoropa lanu, wu nga bani wu dandramede migondroni gwathu, hi mi tshiyelani. Aholu dzitini nya gukhenu Mufumo wa Nungungulu womo vbafuvbi.’