Gililo 4:6 - Bhibhiliya Nya Guage

⁶ Tsayiso wa nyamahegyane wa tigoni gwathu wa gu vbindra tsayiso wa Sodhoma, gikhati a nga pfhungumudwa khu githugedza na siri khu tshivba nya mandza nya vathu; aholu khu gyandza gya Nungungulu. Zain

Gililo 4:6 Iomraidhean Croise

Genesi 19:24

Khavbo avbo, Pfhumu Nungungulu a di wisa madhoropani ga Sodhoma ni Ghomora, ndzadzi nya sulufa ni nilo nya gute khu ga Nungungulu.

Genesi 19:25

A di pfhungumula madhoropa yale, ni lipani latshavbo, gumogo ni vathu vatshavbo va dhoropani ni satshavbo si velegwago mafuni.

Isaya 24:2

Esi si na dugelelago ga vathu, si na dugelela gambe ga muphasi nya mhamba; ga githumi nya mwama, kha nga ga mune waye; ga githumi nya nyamayi, kha nga ga mune waye; ga murengi, kha nga ga murengisi; ga uye a lombisago, kha nga ga mulombi; ga mufiyarisi, kha nga ga uye a fiyarigo.

Jeremiya 20:16

Muthu yoyo a na fanane ni madhoropa yale Pfhumu Nungungulu, a ma pfhungumudego nyamba ma tsetsa; a napwe dzihuwa vbadzimindrutunu, vbamihanitunu a napwe ligwaha nya dzinyimbi.

Jeremiya 23:14

Aholu vbakari ga vaprofeti va Jerusalema nya gu wona silo nya guthise ngudzu; va gu gira wuphuphulu gumogo ni malipha, va gu kutsedzela vale va girago guvivba, gasi va si digi guvivba gwawe; vatshavbo nya gu va wona va gu fanana ni Sodhoma, ni vavbanyi va Jerusalema, va gu fanana ni Ghomora.

Gililo 4:9

Avo va nga songwago khu matshari va kategide guvbindra avo va ngafa khu ndzala; kholu va gu saniseka khu gu hamuga guhodza gwa mahangeni. Yod

Dhaniyeli 8:25

Khu kotani nya wugengeli ni mano yaye, a na dugelela ngudzu, monyoni gwaye gu na tala khu matshandza, a na mbembisa nya vangi va mu tumbago, bwelo khavbo a wugela ni Pfhumu nya dzipfhumu. Ambari khu kharato, a na mbembiswa, aholu nasiri khu mandza nya vathu.

Dhaniyeli 9:12

U tadziside magana u ganedego vbakari gwathu, ni ga vathangeli vathu, u hi resede tshanisa nya yikhongolo. Mafuni gwatshavbo, gu si gu giregi nya nga esi si nga giregago Jerusalema.

Matewu 24:21

kholu matshigu yoyo yi na manega tshanisa nya yikhongolo nya gu gima yi si gu manegi, gukhugela Nungungulu na vangide litigo kala matshigu ya muhuno. Gima kha yi na manega gambe.

Luka 10:12

Nyi ngu mi embelani nya gukheni litshigu nya gulamudwe gu na tsetseledwa Sodhoma guvbindra lidhoropa lolo.

Luka 12:47

Githumi gile gi na gumba dzi dongisela ni gu gira gugola ga pfhumu yaye nya gigwenye, gi na tsayiswa khu dzimboma nya dzingi.