Gililo 3:7 - Bhibhiliya Nya Guage

⁷ U nyi bhiyede laba gasi nyi si kodzi gu duga, u nyi hunga khu makhetshe gasi nyi si tutumi.

Gililo 3:7 Iomraidhean Croise

Joba 19:8

Uye tshikide ndzila yangu, kha nyi kodzi guvbindra, fenengedzide khu gidema sindzilanani gwangu.

Joba 3:23

Khu ginani gu velegidwego muthu, ndzila yaye yi si wonegigo, kholu Nungungulu a mu bhiyede khu dzikhona dzatshavbo?

Dzindzimo 88:8

U nyi hambaniside ni dzipari dzangu, u nyi gira muthu nya gunyenyeze mahoni gwawe; nyi khothedwe kha nga gibotshwa nyi ngu sindra guduga.

Dzindzimo 88:9

Maho yangu ma garade khu gu lila; matshigu yatshavbo nya gu lombelela gwago, na nyi gu khusedza mandza.

Jeremiya 38:6

Khavbo avbo, va di dzega Jeremiya va mu rinya namboni wa Malakiya, mwamana wa mufumeli, wu nga bani wu romo mu likupakupani nya dzighadhi; va reledza Jeremiya khu dzingodzi; aholu namboni gu diri mwalo mati, vbavbandze nya maraga basi, Jeremiya a diya bhwabhwamela maragani.

Jeremiya 40:4

Gasi olu eni, nya gu vbweta gu gu tshula makhetshe u hungidwego mawogoni gwago, wa gu dzina hongole hatshavbo Bhabhiloni, eni nyi na khala musayisi wago; aholu wa gumba dzina, tshala. Wona! Litigo latshavbo lomo mandzani gwago, u hongola ni evbini u gunago, u gira iso u si wonago nari sadi mbeli gwago.”

Gililo 1:14

Rwalo nya sighoho sangu wu ngu nyi lemela. Pfhumu hungide nyandra khu mandza yaye a yi handzega magatani gwangu, nyi rereka nyi vbela tshivba. Pfhumu a di nyi ningela mawogoni ga va nya tshivba nyi si kodzi gu khuga. Samec

Gililo 3:9

A nyi tshikhede dzindzila dzangu khu siwindri nya sikhongolo, a wegedza ndzila yangu. Dalet

Gililo 5:5

Vasanisi vathu va gu hi sokhovedza, khu mirwalo nya gulemele, ambari na hi garade kha va hi digi hi hefemula.

Dhaniyeli 9:12

U tadziside magana u ganedego vbakari gwathu, ni ga vathangeli vathu, u hi resede tshanisa nya yikhongolo. Mafuni gwatshavbo, gu si gu giregi nya nga esi si nga giregago Jerusalema.

Hoseya 2:6

Khu guralo, nyi na tshika ndzila yaye khu miba; nyi na yi bhiya khu laba gasi a si dzi mani dzindzila dzaye nya guvbindre khumo.