Gililo 3:37 - Bhibhiliya Nya Guage

³⁷ Khu mani a gukhuye gi na girege gilo nya gukari, gi girega vbavbandze nya gurume ga Pfhumu, gani?

Gililo 3:37 Iomraidhean Croise

2 Samuweli 16:10

Mufumeli a di khuye: “Ginani nyi gu nagyo nanu enu madzahanu ya Zeruwa? Mu digeni a hembulule, Pfhumu Nungungulu a gu bani a mu rumide gukhuye vala Dhavhidhe, khu mani a na mu embelago, khuye: Khu ginani u girago isoso?”

1 Dzipfhumu 22:34

Khu githugedza, mwama moyo a di khwandra nya mukhwandre giholoma, gi penga gi ya hekha mufumeli wa Israyeli khu wutshanganeloni nya gikhweso gyaye nya dzisimbi. Mufumeli a di dzegela gu embela mugimbidzisi nya kareta yaye, khuye: “Dzega kareta u nyi dusa vbakari nya nyimbi, kholu nyi bayisidwe ngudzu.”

2 Dzipfhumu 6:33

Na nga guganela navo, wu di relela mwango wu ta mu embela, khuwo: “Wona nya gukhuwe libango leli la guta khiyo ga Pfhumu Nungungulu, ginani hi nga gu gi lirelago gambe khiyo ga Pfhumu Nungungulu, na?”

Joba 10:13

Ambari u na si sihide silo sesi monyoni gwago, nyi ngu siti iso u nga bani u si alakanya.

Joba 2:10

Joba a di mu hakha, khuye: “Wa gu ganela kha nga nyamayi nya gipumbu. Ina hi yede gu hakha basi iso nya sadi khiyo ga Nungungulu, nyamba hakha iso nya guvivbe, gani?” Khu satshavbo soso, Joba gima kha dzi nyenyezisa khu gu ganela khu likana laye.

Ekisodha 10:10

Faro a di ganela gwawe, khuye: “A gu bani nari guralo, Pfhumu Nungungulu a na khale ni enu. Aholu eni kha nyi na mi diga mu hongola ni vagadzi vanu, ni sanana sanu!” Wonani nya gukhenu mu ngu gira gikungo nyambasi gyadi!

Mavingu 16:9

Khu monyoni gwaye muthu a ngu pimisa umo a vbwetago guya umo, aholu Pfhumu Nungungulu khuye a mu yeyedzago ndzila.

Mavingu 19:21

Monyoni ga muthu momo makungo nya mangi, aholu iso si tiyidego, khiso Pfhumu Nungungulu a fungidego.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 46:10

Eni nya gu tivisa esi si giregidego gukhugela guhegulani, gukhugela dzinango dzi vbindridego nidzo dzi nga gutago. Nyi ngu ganela, kheni: Makungo yangu ma na tiya, gambe nyi na gira satshavbo nyi si golago.

Jeremiya 23:32

Eni Pfhumu Nungungulu nya gu dwana ni vaprofeti va resago dzindroro nya malipha, va pengisa vathu vangu, khu malipha yawe nya gukanganyise; aholu na siri eni nyi va rumidego ni gu va ninga nayo yoyu. Khu guralo, gimwalo giphaso va resago ga vathu; a ngu ganela Pfhumu Nungungulu.

Dhaniyeli 4:35

Vatshavbo va vbanyago mafuni, khandri gilo mbeli gwaye. Uye a gu thuma iso a si golago, khu mabutho nya dzingilozi dza ndzadzini ni vathu va vbanyago mafuni. Mwalo a ndreyisago gyandza gyaye mwendro gu mu embela, khuye: “Ginani u girago?”

Varoma 9:15

Kholu uye embede Mosi, khuye: “Nyi na girela wuhindzi uye nyi na dzinago gu mu girela, nyi ditshedza oyu nyi na dzinago gu mu pwela”

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.