Gililo 2:9 - Bhibhiliya Nya Guage

⁹ Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti Pfhumu Nungungulu kha ngu va tulela gambe siwoniso. Yod

Gililo 2:9 Iomraidhean Croise

2 Dzipfhumu 25:7

Sanana sa Zedhekiya, si di pidwa migolo mbeli ga babe wawe, Zedhekiya va di mu rumbula maho, va mu hunga khu makhetshe nya sugu va mu yisa Bhabhiloni.

2 Dzikoronika 15:3

Israyeli khade gikhati nya gulaphe nari mwalo Nungungulu nya lisine, ni vaphasi nya mhamba nya gu mu hevbudze, gambe va diri mwalo Nayo.

Nehemiya 1:3

Avo va di nyi embela, khavo: Vambe vakone va nga vbulugago gu yiswa wugumbitunu, vomo iyoyo ga gipandrengulu gile, va gu vbanya muwusiwanani ni wumbwa nya wukhongolo ngudzu, gumogo ni gu hembuludwa, mabhiyo ya Jerusalema ma khungumudwe ni malimba yaye ma vbisidwe khu nilo.

Dzindzimo 74:9

Olu kha hi woni gambe siliwugiso; gu mwalo gambe vaprofeti, kha hi dziti gukhethu kala lini.

Isaya 24:12

Lidhoropa li khade marumbi, ni malimba yaye ma pandreledwe.

Jeremiya 14:14

Pfhumu Nungungulu a di nyi embela, khuye: “Vaprofeti va gu profeta malipha khu lina langu; khandri eni nyi va rumedego, ambari gu leletela ni gu va embela; va gu profeta avbo gwanu khu siwoniso nya malipha ni misihalo nya gu pfhadzwe khu guwegela nya myonyo yawe.”

Jeremiya 23:16

Pfhumu Nungungulu nya Tshivba Yatshavbo a ngu ganela kharati, khuye: “Mu nga theli kota khu magana ya vaprofeti va mi embelago situmbiso nya malipha; va gu mi pwadzelani siwoniso nya myonyo yawe, yi si tigo khu ga Pfhumu Nungungulu.”

Jeremiya 39:2

Khu litshigu nya livbandre na mana, nya ngima nya wu na, nya mwaga nya likhumi na moyo nya gufume ga Zedhekiya, gu di tudwa gihogo vbalibhiyotunu nya lidhoropa.

Jeremiya 39:8

Vakalidhiya va di vbisa nyumba ya mufumeli gumogo ni dzinyumba dza vathu, va khungumulela gambe mabhiyo ya Jerusalema.

Jeremiya 51:30

Dzindrena dza Bhabhiloni, dzi digide matshari dzi tutuma, dzi ya sihala makhokholani gwawe, dzi vbede tshivba, dzi khala kha nga vanyamayi, dzinyumba dzawe dzi ngu dagarela, ni migonyo nya malimba yawe yi fanyeledzedwe.

Jeremiya 52:14

Khu hwane nya isoso masotshwa nya Vakalidhiya ma nga bani ma gu bangaladza muthangeli nya vaemeledzi, ma di khungumula mabhiyo yatshavbo nya gubhiye Jerusalema.

Gililo 1:3

Judha vbagedwe a yiswa hwindzo a tshaniswa a girwa khumbi; a gu vbanya vbakari nya va nya mayigo a si mani gurula. Vatshanisi vaye vatshavbo va mu lundrago, va mu randrede va mu sokhovedza. Dalet

Gililo 4:15

Va di embedwa gupwani: Khugani avba! Vathu nya gunyenyeze! Khugani mu nga hi khuhi. Va di thava va legalega ni mayigo, va nya mayigo va va embela, khavo: “Vathu vava va nga khali gambe vbakari gwathu.” Pheni

Gililo 4:20

Gihathwa gya Pfhumu Nungungulu uye a gu muvbanyisi wathu, modwe a thegela mavbalani gwawe; uye hi nga bani hi ganela gwaye khethu: “Hi na sihala mutsani nya dzimbapi dzaye, vbakari ga va nya mayigo.” Sini

Ezekiyeli 12:13

Nyi na thawuludza ligoga langu vbatshani gwaye, uye a na modwa khu lizinga langu; Eni nyi na mu yisa Bhabhiloni, tigoni nya Vakalidhiya, aholu uye kha na li wona, a naya fela iyoyo.

Ezekiyeli 17:20

Nyi na ghwimba vbatshani gwaye ligoga langu, a na modwa khu lizinga langu. Nyi na mu yisa Bhabhiloni, nyi ya mu lamulela iyo khu guyeyisa a gu giridego avbo gwangu.

Ezekiyeli 7:26

Yi nata tshanisa vbatshani nya tshanisa, guta hwanga vbatshani nya hwanga, va vbweta giwoniso khu ga muprofeti ni gihevbudzo nya Nayo khu ga muphasi nya mhamba, va na gi hamuga, ni madhota ma na hamuga wusingalagadzi.

Hoseya 11:6

Madhoropa yawe ma na sasedwa khu matshari, va fanyeledzela migonyo nya malimba yawe nya dzisimbi, va sasedwa khu kota nya makungo va ma giridego vabune.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Amosi 1:5

Nyi na fanyeledzela migonyo ya Dhamasiko, nyi mbembisa vavbanyi va Bhekiyati-Avheni, ni wule a pharago ndronga nya wufumu wa Bheti-Edheni; vathu va Siriya va na yiswa wugumbitunu tigoni ga Kiri, a ngu ganela Pfhumu Nungungulu.

Dhewuteronome 28:36

Pfhumu Nungungulu a na gu dzega uwe gumogo ni mufumeli, u na mu emisago gu khala mufumeli wago, a gu yisa ga vathu u gu gima uwe ni vababe vago mu si gu vati; iyoyo u na ya khozela vambe vanungungulu nya guvatwe khu misimbo ni siwindri.

Dhewuteronome 28:63

Kha nga olu Pfhumu Nungungulu a tsakago khu gu mi kategisa, a mi andrisa, khidzo gambe kharato Pfhumu Nungungulu a na tsaka khu gu mi pfhungumula ni gu mi mbembisa; a nenu mu na duswa ga litigo mu yago ga ilo guya li fumela.

1 Samuweli 28:6

Sawule a di wudzisa Pfhumu Nungungulu, aholu Pfhumu Nungungulu, kha nga mu ninga phindrulo ambari khu ndroro, dzisolo mwendro khu vaprofeti.