Gililo 2:7 - Bhibhiliya Nya Guage

⁷ Pfhumu kha tsakiswa khu giluvelo gyaye, a di nyenya ni wulanga waye nya miphaso; a ningela mandzani ga valala dzindzari nya makhokhola yaye, va kulungela Nyumbani gwa Pfhumu Nungungulu, nga matshigu nya tshangano nya buzo. Heti

Gililo 2:7 Iomraidhean Croise

2 Dzipfhumu 25:9

a ta vbisa Nyumba ya Pfhumu Nungungulu, nyumba ya mufumeli, gumogo ni dzinyumba dzatshavbo dza Jerusalema; a vbisa ni dzinyumba dzatshavbo dza vathangeli.

2 Dzikoronika 36:19

Va di vbisa Nyumba ya Pfhumu Nungungulu, va khungumulela makhokhola ya Jerusalema, dzinyumba dzawe nya wufumu dzi di vbiswa khu nilo, va pandrelela mikanvu yawe yatshavbo nya lisima.

Dzindzimo 89:39

U fanyide pwanano u hungidego ni githumi gyago; u nyenyeziside gihugu gyaye u gi rinya vbavbatshi.

Isaya 64:9

Uwe, Pfhumu Nungungulu, u nga khuvegi ngudzu, ambari gu alakanyela gikhati gyatshavbo guvivba gwathu. Khu guralo, wona, ethu hi ngu gu lomba khethu: Ethu hatshavbo hi vathu vago.

Jeremiya 21:4

Pfhumu Nungungulu wa Israyeli, a ngu ganela kharati, khuye: Wonani nya gukhenu matshari yoyo mu gu nawo mandzani gwanu, mu dwanago khayo ni mufumeli wa Bhabhiloni gumogo ni Vakalidhiya va mi randredego khu hwane nya mabhiyo; nyi na ma wungedzela vbakari nya lidhoropa leli.

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 26:6

khu guralo, nyumba yeyi nyi na yi gira yi fanana ni Silo, ni lidhoropa leli nyi na li vbindrugedza li khala givalo ga mayigo yatshavbo ya mafuni.

Jeremiya 32:29

Vakalidhiya va saselago lidhoropa leli va na bela umo va li vbisa khu nilo, va na vbisa ni dzinyumba edzi va na Israyeli va nga wusa khidzo likhulo langu khu gu lita khu vbatshani nya sikoli va vbisa libani gasi gu girela dzimhamba Bhahali ni gu ninga miphaso nya wadwa vambe vanungungulu nya malipha.

Jeremiya 39:8

Vakalidhiya va di vbisa nyumba ya mufumeli gumogo ni dzinyumba dza vathu, va khungumulela gambe mabhiyo ya Jerusalema.

Jeremiya 4:26

Nyi di wona litigo nya gunone li vbindrugedza li khala giwula, madhoropa yaye yatshavbo ma di pfhungumudwe mbeli ga Pfhumu Nungungulu, khu kotani nya likhulo laye.

Jeremiya 4:27

Kholu Pfhumu Nungungulu a ngu ganela kharati, khuye: Litigo latshavbo li na pfhungumudwa li khala giwula; aholu kha nyi na li mbembisela muphelo.

Jeremiya 50:28

Gu pwala malito nya avo va nga thava ni gu vbuluga khu tigoni ga Bhabhiloni gasi gu ya huwelela gigomoni gya Siyoni guphodza ga Pfhumu Nungungulu wathu, a dzi phodzela ga avo va vbisidego nyumba yaye.

Jeremiya 52:13

a ta vbisa Nyumba ya Pfhumu Nungungulu, nyumba ya mufumeli, dzinyumba dzatshavbo dza dhoropani ga Jerusalema gumogo ni dzinyumba dza vathu vatshavbo nya guthavisege.

Gililo 1:4

Dzindzila nya guhongole Siyoni dzomo gililoni; Mwalo ni moyo atago ga mibuzo yaye, myanya yaye yi pfhungumudwe, vaphasi vaye nya mhamba va gu tsikwila khu marongo, vanyamahegyane vaye va gu tshaniseka, uye mune wurumba tade khu wuvi. He

Gililo 2:1

Nga wonani idzo Pfhumu, a fenengedzago khidzo Siyoni khu lipfhi nya likhulo laye! Theside vbavbatshi wudhumo wa Israyeli, wu nga bani wu khugega kala damboni, litshiguni nya likhulo laye kha alakanya gigandredzelo nya migondro yaye. Bet

Gililo 2:5

Pfhumu a vbindrugedzide a khala nala, a mbembisa Israyeli, a pfhungumula ni gu khungumula dzinyumba dzaye dzatshavbo nya wufumu ni makhokhola yaye yatshavbo, a andrisa wuvi ni gililo ga nyamahegyane wa Judha. Vau

Ezekiyeli 24:21

Embela vathu va Israyeli, khuwe: Mune Pfhumu Nungungulu a ngu ganela kharati, khuye: Nyi womo vbafuvbi ni gu nyenyezisa nyumba yangu nya miphaso, likhokhola mu dzi khusedzago khilo, li tsakisago maho yanu, gilo gi tangadzisago myonyo yanu. Sanana sanu nya sikhwathana nesi nya sagadzyana mu si tshidego iyoyo, si na songetedwa khu matshari.

Ezekiyeli 7:24

Nyi na rumela va nya mayigo nya dzihanyi ngudzu, gasi va ta wandra dzindranga dzawe; nyi na vbedza matshandza nya sitetema ni malangani yawe nya miphaso ma na nyenyeziswa.

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.

Levhi 26:44

Ambari khu kharato, avbo va nga bani na vari tigoni ga valala vawe, gima kha nya va dzudzuga, ambari gu va diga nya gukala nyi va mbembisa nyi divala gidzumeledzwano nyi giridego navo; kholu Eni kheni Pfhumu Nungungulu wawe.

Amosi 2:5

Khu guralo, nyi na rotha Judha khu nilo, wu na vbisago dzinyumba nya wufumu dza Jerusalema.”

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Matewu 24:2

Aholu a di va hakha, khuye: “Mu ngu si wona satshavbo sesi? Khu lisine nyi ngu mi embeleni nya gukheni kha gi na tshala giwindri vbatshani nya giwindri gikwawe satshavbo si na pfhungumudwa.”