Gililo 2:6 - Bhibhiliya Nya Guage

⁶ Pfhungumude Tshatsha waye nga khwatshi lithembwe; a fuvisa wulanga nya tshangano waye. Pfhumu Nungungulu a fuviside Siyoni, matshigu nya mibuzo ni dzisabhadho khu kotani nya guvbisege gwaye, fuviside vafumeli ni vaphasi nya mhamba. Zain

Gililo 2:6 Iomraidhean Croise

Dzindzimo 74:7

Va rothide nilo nyumbani gwago nya miphaso; va gu nyenyezisa, va thesa vbavbatshi nyumba nya lina lago.

Dzindzimo 76:2

Nyumba yaye nya miphaso yomo Jerusalema, uye a gu khala gigomoni gya Siyoni.

Dzindzimo 80:12

Khu ginani u nga khungumula libhiyo laye? Olu, vavbindri nya ndzila va gu bela va hava dziuvha.

Dzindzimo 89:40

U thesede mabhiyo yawe yatshavbo, ni makhokhola yawe u ma giride marumbi!

Isaya 1:13

Mu nga simami gu nyi reselani gambe miningelo yanu nyamba phasa gilo; kholu libani lanu, li ngu nyi nyenyeza, ni Mibuzo nya Gumege Ngima gambe, ni dzisabhadho, ni mitshangano nya yikhongolo; nyi garade khu guvivba gwanu, ambari khu mimbe mitshangano mu girago.

Isaya 1:8

Lidhoropa la Siyoni li tshade giwulani gu fanana ni tshatsha wa mahangeni, gu fanana ni gikhwathi thembweni nya madzwani, gu fanana ni lidhoropa li randredwego khu valala.

Isaya 43:28

Khu guralo, nyi na nyenyezisa vathangeli vago va nyumbani nya guage; nyi na ningela Jakobe a mbembiswa ni Israyeli a vadwa, a khala gihegiso.

Isaya 5:5

Gasi, eni olu, nyi na mi yeyedzani esi nyi vbwetago gu gira ga lithembwe langu: Nyi na thesa libhiyo gasi li khala wuhaviselo, nyi khungumula ni ndzari yaye, gasi li gandredzedwa.

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Isaya 63:18

Khu gikhati gidugwana, vathu vago nya gukatege va dzegide litigo va li fumela; valala vathu va gandredzede nyumba yago nya guage.

Isaya 64:11

Nyumba yathu nya wumburi nya guage, umo vababe vathu va nga bani va gu dhumisa umo, yi vbisidwe; sombo sathu satshavbo nya lisima si khungumuledwe.

Jeremiya 17:27

“Aholu, mwa gumba nyi yingisani, mu si dzumeli gu agisa litshigu nya Sabhadho, ni gu rwalani mirwalo nya gulemele, mu bela nayo khu dzinyangwani nya lidhoropa khu litshigu nya Sabhadho, nyi na vasa nilo wu nata dagaredzisago dzinyumba dzatshavbo nya wufumu dza Jerusalema, uwo wu na gumba tshimega gambe.”

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 45:4

U na va embela esi, khuwe: “Pfhumu Nungungulu a ngu ganela kharati, khuye: Nyi na pfhungumula iso nyi vbahidego, nyi bwelo khavbo nyi sigula iso nyi yadego tigoni gwatshavbo.

Jeremiya 50:28

Gu pwala malito nya avo va nga thava ni gu vbuluga khu tigoni ga Bhabhiloni gasi gu ya huwelela gigomoni gya Siyoni guphodza ga Pfhumu Nungungulu wathu, a dzi phodzela ga avo va vbisidego nyumba yaye.

Gililo 1:4

Dzindzila nya guhongole Siyoni dzomo gililoni; Mwalo ni moyo atago ga mibuzo yaye, myanya yaye yi pfhungumudwe, vaphasi vaye nya mhamba va gu tsikwila khu marongo, vanyamahegyane vaye va gu tshaniseka, uye mune wurumba tade khu wuvi. He

Gililo 4:16

Pfhumu Nungungulu uye abune a va phalalegiside kha theli gambe kota khavo. Vaphasi nya mhamba va nga ningwi gambe githawo ambari sikhosane si nga pwedwi gisiro. Ayimi

Gililo 4:20

Gihathwa gya Pfhumu Nungungulu uye a gu muvbanyisi wathu, modwe a thegela mavbalani gwawe; uye hi nga bani hi ganela gwaye khethu: “Hi na sihala mutsani nya dzimbapi dzaye, vbakari ga va nya mayigo.” Sini

Gililo 5:12

Vathangeli va hungidwe mawogo va vbayegwa; ni vakhongolo nya vathu kha va nga gu ningwa githawo.

Ezekiyeli 17:18

Kha nga olu uye a yeyisidego gisambanyo, a fanya gidzumeledzwano gi giridwego khu gu pharana mandza, a gira silo satshavbo sesi, kha na vbuluga ne vbadugwana.

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.

Sofoniya 3:18

Nyi na tombanisa avo va gu wugedego khu gu hamuga mitshangano nya mibuzo, avo va nga bani va khade hwindzo ni uwe, na va rwade rwalo nya gihegiso.

Malakiya 2:9

Khu guralo, eni neni nyi mi giride vathu nya gunyenyeze ni givalo mbeli ga vathu vatshavbo, kholu mu ngamba gimbila khu dzindzila dzangu, aholu mu gira gihathela gutshamuselani nya nayo wangu.