Gililo 2:3 - Bhibhiliya Nya Guage

³ Khu guvbisega gwaye nya gukhongolo fanyide tshivba yatshavbo ya Israyeli. A si va vhikeli, a va diga va sasedwa khu valala vawe, a vbisa va na Jakobe nga nilo wu vbisago satshavbo si guromo vbafuvbi. Dalet

Gililo 2:3 Iomraidhean Croise

2 Dzikoronika 34:25

Kha nga olu avo va nyi digidego, vaya vbisela libani vambe vanungungulu nya malipha, va wusa likhulo langu khu mithumo yatshavbo ya mandzani gwawe; khu guralo, likhulo langu li khondride ga wulanga wowu, gambe gima kha li na tshimega.

Joba 16:15

Nyi sonide ngandzu nya gilendra, nyi pfhugunyede khovbe yangu ngumani.

Dzindzimo 132:17

Nyi na wusa vbale tshivba nya wufumu wa Dhavhidhe, nyi nyi dongisela wenengedzo wa mufumeli nyi mu hathidego.

Dzindzimo 74:11

Khu ginani u dusago gyandza gyago gya nyamudye? Khu ginani u khumbaranago mawogo?

Dzindzimo 75:10

Nyi na vbedza tshivba ya va nya guvivba; aholu tshivba ya va nya gululama yi na khusedzwa.

Dzindzimo 75:5

Mu nga dzi zundzi khu tshivba yanu, mu nga ganeli khu matshandza.

Dzindzimo 79:5

Pfhumu Nungungulu, likhulo lago li na simama kala lini? Ina likhulo lago li na simama li khondra kha nga nilo, gani?

Dzindzimo 89:24

Nyi na tiyisa gwaye gutumbega ni lihaladzo langu; khu lina langu nyi na dandrisa mufumo waye.

Dzindzimo 89:46

Uwe Pfhumu Nungungulu, ina u na hi sihalela kala gupindruga, gani? Likhulo li khondra gikhati gyatshavbo kha nga nilo, gani?

Isaya 1:31

Muthu nya tshivba a na fanana ni mavivi, ni thumo waye, wu na khala kha nga tshahe nya nilo; vatshavbo va na vbiswa gumogo va hamuga ni muthu nya gu va tshimele.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Jeremiya 21:14

“Nyi na mi tsayisani gukhedza khu mithumo yanu, a ngu ganela Pfhumu Nungungulu; nyi na khondrisa nilo khabini gwanu, wu na vbisago satshavbo si guromo bambe nya lidhoropa lanu.”

Jeremiya 4:4

Khalani vathu va hanidego wugwera mahoni gwa Pfhumu Nungungulu, dusani guvivba gwa myonyoni gwanu enu vathu va Judha ni enu vavbanyi va Jerusalema, gasi mu sivbyi khu nilo nya likhulo langu, nyamba manega ni moyo nya gu wu tshime, khu kotani nya mithumo yanu nya guvivbe.

Jeremiya 48:25

Mowabhi pidwe dzikheho a vbela tshivba, a ngu ganela Pfhumu Nungungulu.

Jeremiya 7:20

Khu guralo, Pfhumu Nungungulu a ngu ganela kharati, khuye: “Wonani nya gukhenu giviti ni likhulo langu, si na vbalagela wulanga wowu, vbatshani nya vathu, vbatshani nya sirengo, vbatshani nya misimbo ya khabini ni mihandro ya mafuni; li na khondra nyamba tshimega gambe.”

Gililo 1:13

Rumede nilo khu vbatshani wu ta vbisa marambo yangu. A nyi dembide khu naphwi nyi tshunganela nyi thega khu nyagihwane; a nyi tshide na nyiri marumbi, nyi khala gutshanisekani litshigu latshavbo. Nuni

Gililo 4:11

Pfhumu Nungungulu vbohide mahegiso nya likhulo laye, vbaladzide likhulo laye, rothide nilo Siyoni wu nga vbisago siseketelo nya madingo yaye. Lamed

Ezekiyeli 13:13

Khu kotani nya isoso, Mune Pfhumu Nungungulu, a ngu ganela kharati, khuye: “Khu likhulo langu nyi na rumela gingulu, ni guwa ndzadzi nya yikhongolo, ni gu thega maralala, gasi guta khungumula libhiyo lolo.”

Ezekiyeli 7:14

Ambari mwa gu womba pundru, mu dzi dongisela gwadi, mwalo ni moyo a na hongolago nyimbitunu, kholu likhulo langu lomo vbatshani ga gidzemo gyatshavbo.”

Nahume 1:6

Khu mani a na gu emago mbeli nya likhulo laye? Khu mani a tiyelago guvbisa nya likhulo laye? Likhulo laye li vbalagide nga nilo, khungumulede siwindri mbeli gwaye.

Malakiya 4:1

Kholu wonani nya gukhenu nya guvbise kha nga nilo nya magala; vatshavbo va nya matshandza, ni vatshavbo va girago guvivba va na gira kha nga mwasi nya gubange; litshigu lolo li na vbohago, li na va vbisa nyamba tshiya gilo gwawe, ambari khamba mwendro matamo, a ngu ganela Pfhumu Nungungulu nya Tshivba Yatshavbo.

Luka 1:69

A hi resede Muvbanyisi nya tshivba, a dugelago nyumbani ya githumi gyaye Dhavhidhe.

Luka 3:17

A na ni gitandri mandzani, gasi gu vbevberela sa githungani gyaye, bwelo khavbo a gu sefa mavbila a ma vega mugithungani, a dzega mungu wakone a wu vbisa niloni nya gukhondre nyamba tshimega.”

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.