Gililo 2:22 - Bhibhiliya Nya Guage

²² U nyi rambede sighevenga khu maphuvbo yatshavbo, kha nga litshigu nya buzo; litshigu nya likhulo la Pfhumu Nungungulu, mwalo a nga tutumago mwendro gu vbuluga. Ngamo yangu nyi nga yi dandrisa ni gu yi sayisa, nala wangu a yi mbembiside.

Gililo 2:22 Iomraidhean Croise

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Dzindzimo 31:13

Nya gupwa milembo nya vathu nya vangi; nyi tala khu hwanga. Avo va gu tshangana va nyi lemba, va gu luga mano nya gu nyi songe.

Isaya 28:19

Gikhati gyatshavbo wu na vbindrago talo wu na mu kukuluta, kholu gugya ni gugya, wu na vbindra khaavbo wutshigu ni mihani; uye a na embedwago khu mahungu nya libango leli, a na thuruga ngudzu!

Jeremiya 11:11

Khu guralo, Pfhumu Nungungulu a ngu ganela kharati, khuye: Nyi na resa vbakari gwawe libango va na gumba vbuluga khilo, va na keta ni gu wombeledzela dzihuwa, aholu eni kha nyi na va yingisa.

Jeremiya 14:19

Ina va na Judha u va digede muphelo, gani? Ina kamwe monyo wago wa gu swihala khu Siyoni, gani? Khu ginani u hi podego dzimbanga dzi si vboligo, na? Ha gu lindrela gurula, aholu gimwalo nya gyadi hi gi wonago; Ha gu khedzisela gikhati nya guvbanyiswe, aholu ha guta mana wuvi.

Jeremiya 20:3

Khu litshigu li landrelago, avbo Pasuri a nga dusago Jeremiya khu pasoni, Jeremiya a di mu embela, khuye: “Pfhumu Nungungulu gukhugela muhuno kha na gu rana gambe khuye khuwe Pasuri; aholu a na gu rana khuye Gighevenga-Malangani-Yatshavbo.”

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 44:7

Gasi olu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Khu ginani mu dzi vangelago libango leli mwabune, kala gufa vbakari gwanu vama, vanyamayi, sanana, niso sa beleni; gu si tshali ni moyo nya guvbanye?

Jeremiya 46:5

Gasi ginani nyi gi wonago? Vatshavbo va gu khala hwanga, dzindrena dzawe dza gu thava dzi tutuma, nyamba khedza hwane, maphuvbo yatshavbo gupwala nyenganyenga basi, a ngu ganela Pfhumu Nungungulu.

Jeremiya 6:25

U nga dugi uya mahangeni ambari gu gimbila khu dzindzila, kholu nala a na ni litshari, malangani yatshavbo gu pwala dzihuwa.

Dhewuteronome 28:18

Gu na vadwa ni handro nya melego wago, ni mihandro nya mafu yago, ni marole nya dzimombe ni dzinvuta dzago.