Gililo 2:12 - Bhibhiliya Nya Guage

¹² Sanana sa gu lila ga vamayi vawe, khiso: Gomo hayi guhodza ni mati? Va gira isoso na va gu titivala dzindzilani nya lidhoropa gukhwatshi vathu va bayisidwego na va hadza gufa na va gu ningela mihefemulo yawe na vari mandzani ga vamayi vawe. Mem

Gililo 2:12 Iomraidhean Croise

Joba 30:16

Olu hefemulo wangu wa gu vbalagela ndrani gwangu, nyi modwe khu matshigu nya gusaniseke.

Dzindzimo 42:4

Nya gu alakanya silo sesi; hefemulo wangu wa gu lila na nyi gu alakanya gukheni nyi di gu gimbila kharini ni gidzemo; nyi gi thangela Nyumbani ga Nungungulu, khu magana nya litsako gumogo ni gu dhumisa; gidzemo gi sayisago matshigu nya simotse.

Dzindzimo 62:8

Enu vathu tumbani Nungungulu gikhati gyatshavbo; mu embeledzeleni mabala ya monyoni gwangu, kholu, uye khuye wuthavelo wathu.

Isaya 51:20

Sanana sago si titivade, si mbambamede mahandzakanyani nya dzindzila dzatshavbo, gu fanana ni tshesi yi modwego khu naphwi; va levide khu likhulo la Pfhumu Nungungulu, ni tsayiso wa Nungungulu wago.

Isaya 53:12

Khu guralo, nyi na mu ninga vathu nya vangi, kha nga gipandre gyaye nya thomba, a na kabana phango gumogo ni sitetema; kholu a di ningela womi waye a songwa; a sayedwa gumogo ni sighohi, gikhati a rwadego sighoho sa vathu nya vangi, a di lombelela khu sighohi.

Jeremiya 5:17

Va nata hodza dzimbewu dzago ni guhodza gwago, va hodza madzaha yago ni dzimbiri dzago; va na hodza dzinvuta ni dzimombe dzago; va na ghohetela gambe marembwe yanu nya mikandzu nayo nya miuvha; va khungumulela khu matshari madhoropa yago nya makhokhola u ma tumbago.

Gililo 1:11

Vathu vaye vatshavbo va gu keta khu gu vbweta guhodza. Va rengisede dzithomba dzawe gasi gu renga guhodza va vbanye. “Nyi wone, Pfhumu Nungungulu, nyi khade muthu nya gusolege!” Lamed

Gililo 4:4

Migolo nya sanana sa beleni yi bangide khu kotani nya lidora. Sanana sa gu lomba guhodza aholu mwalo a si ningago. He

Ezekiyeli 30:24

Nyi na ninga tshivba mufumeli wa Bhabhiloni, nyi mu pharisa mandzani litshari langu; aholu nyi na fanya mawogo ya Faro, uye a na dilela khu wuvi nya gupadwe, kha nga muthu a thegago khu gu songwa.