Gililo 1:22 - Bhibhiliya Nya Guage

²² Sighoho sawe satshavbo si na wonege mahoni gwago! U kodza gu va tsayisa nga idzo u nga nyi tsayisago khidzo eni, khu kotani nya sighoho sangu. Kholu gudilela gwangu kha gu hegisi, ni monyo wangu wu ngu vbisa.

Gililo 1:22 Iomraidhean Croise

Dzindzimo 143:7

Olu Pfhumu Nungungulu, vbiredza u nyi hakha; nyi ngu vbela tshivba; u nga nyi siheli khovbe yago, gasi nyi si fanani ni avo va fudego.

Dzindzimo 79:10

Kholu mayigo ma na wudzisa, khayo: Womo hayi Nungungulu wawe? Yeyedza vathu vovo hi wona gu phodzela nya novba wa vathu vago va nga wu vbaladza.

Isaya 13:7

Khu guralo, vathu vatshavbo va na vbela tshivba, vathu vatshavbo va na pilega hwambo.

Jeremiya 10:25

“Likhulo lago li vbaladze ga mayigo ma si gutigo, ni mafumbu ma si thavigo lina lago; kholu va hodzide Jakobe va mu midza, va pfhungumula wulanga a nga bani a vbanya avbo.”

Jeremiya 18:23

“Gasi uwe Pfhumu Nungungulu, u ngu mati gwadi makungo yawe va vbwetago gu nyi songa khayo; u nga va divaleli gighoho gegi, ni milandru yawe yi nga khali hwindzo ni maho yago; aholu va na tshunganele mbeli gwago; va girele isoso litshiguni nya likhulo lago.”

Jeremiya 30:16

Ambari ulo, vatshavbo vale va na gu saselago, Eni neni nyi na va sasela; valala vago vatshavbo va na yiswa wugumbitunu; avo va na gu gu belago, avo navo va na bedwa, ni avo va na gu phangago va na phangwa navo.

Jeremiya 51:35

Vavbanyi va Siyoni va na ganele, khavo: Khu iso va hi giredego milini gwathu, novba wathu wu na thegele vbatshani ga Bhabhiloni. Jerusalema nuye a na ganele, khuye: Novba wathu wu na vbalage vbatshani ga vavbanyi va Kalidhiya.

Jeremiya 8:18

Oh! Nari gukhwatshi nyi ngu kodza gu dzi tangadzisa wuvini gwangu! Kholu monyo wangu wu vbede tshivba.

Gililo 1:13

Rumede nilo khu vbatshani wu ta vbisa marambo yangu. A nyi dembide khu naphwi nyi tshunganela nyi thega khu nyagihwane; a nyi tshide na nyiri marumbi, nyi khala gutshanisekani litshigu latshavbo. Nuni

Gililo 5:17

Myonyo yathu yi tade khu wuvi, maho yathu ma tade khu marongo.

Luka 23:31

Kholu, ambari nya gukhuwe simbo nya gunagane va wu girago kharati, a hati uwo nya gubange wu na girwa kharini?”

Vaefeso 3:13

Khavbo avbo, nyi ngu mi khongotela gukheni mu nga garadzegi khu kotani nya sisaniso nyi si wonago khu kotani yanu; si na khale wuzundzo gwanu.

Gutuledwa 6:10

Va di gu huwelela khu tshivba, khavo: “Pfhumu, uwe khuwe u agidego ni gutumbega! Hi na lirela kala lini gasi u lamule vathu va tigonimu, u hi phodzela olu va nga hi songetelago?”