Gililo 1:2 - Bhibhiliya Nya Guage

² A gu lila khu wuvi wutshigu watshavbo; marongo ma goga khu sigundruni gwaye. Vbakari nya sigodwa saye, mwalo ni moyo a mu tangadzisago, dzipari dzaye dzi vbindrugedzide dzi khala valala vaye. Guimel

Gililo 1:2 Iomraidhean Croise

Joba 6:15

Vandriyangu va nyi kanganyiside, va fanana ni mati nya tsongo ma gogago kovani.

Joba 7:3

Khu kharato, nyi ningidwe migima nya sigaradzo, ni wutshigu nya wuvi kha nga thomba yangu.

Dzindzimo 126:5

Avo va yalago na va gu lila, va na vbwera na va gu tsaka.

Dzindzimo 31:11

Khu kotani nya vatshanisi vatshavbo nyi gu navo, nyi khade givalo; ga vaakelane vangu nyi khade wa gu gunyenyeza, ga dzipari dzangu nyi khade gighevenga. Avo va nyi wonago ndzilani, va gu thava va ndreya hwindzo ni eni.

Dzindzimo 6:6

Nyi vbede tshivba khu gu lila, marongo yangu ma gu goga wutshigu watshavbo nyi naganisa lidawu langu ni gikhuledzo.

Dzindzimo 69:21

Va nyi thelede guhodza nya guthedwe wuhungu nya gusonge, na nyi gupwa lidora va nyi ninga ginageri.

Mavingu 19:7

Gisiwana gya gu nyenywa khu vandriyaye vatshavbo, dzipari dzaye nidzo dzi na gimbilela hwindzo gwaye; ambari gya gu lomba guphaswa khavo, avo va gu hambana nagyo.

Jeremiya 13:17

Mwa gumba dzumela gu yingisa, nyi naya lila gusihalani, khu kotani nya matshandza yanu; maho yangu ma na lila khu wuvi wangu watshavbo nyi vbaladza marongo, kholu tshambi wa Pfhumu Nungungulu, wu vbagedwe wu yiswa wugumbitunu.

Jeremiya 2:25

Thela kota khu ngondro wago gasi wu si tshulegedwi khu gilato, ni ngolo wago wu si bangi khu lidora. Aholu, uwe wari, khuwe: “Kha gu phasi gilo; kholu nyi manide vambe vanungungulu nya valombo, khavo nyi yelago gu va landra.”

Jeremiya 3:1

Gu ngu ganedwa gupwani: “Mwama a gu hula mwangadzi waye, nyamayi yoyu aya dzegwa khu mumbe mwama, ina gu ngu kodzega gu bwelo khavbo ata hakhwa khuye nya guphele, gani? Ina kha na nga nyenyezisa litigo latshavbo, gani? Uwe u dzi ningedego ga sibhayi nya singi, ina uwe u ngu dzi kodza gu bwelelela gambe eno gwangu, gani?” A ngu wudzisa Pfhumu Nungungulu.

Jeremiya 30:14

Vatshavbo avo u nga bani u gu haladzana navo olu va gu divade, kha va wudzisi gambe khuwe; kholu nyi gu bayiside kha nga idzo nyi bayisago khidzo nala, nyi gu ningide tsayiso nya guthise, kholu guvivba gwago gukhongolo ngudzu ni sighoho sago singi ngudzu.

Jeremiya 4:30

Gasi olu uwe Jerusalema, u tshadego wenga nuri marumbi, u na gira gambe ginani? Ambari u ambalago guambala nya giwunguwungu, u dzi mburisela khu siphatiphati nya ndralama, u engedzela gu pendra maho yago, ni gu tola mafura nya gunungele; sibhayi kha si gu khathaleli gambe, sa gu vbweta gu gu songa.

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Gililo 1:19

Nyi ranide dzipari dzangu, aholu avo va di nyi ningela. Vaphasi nya mhamba ni madhota yangu va mbembide dhoropani, gikhati va nga bani va gu vbweta guhodza nya guvbanyise hefemulo. Resi

Gililo 1:21

Va ngupwa mahika yangu, aholu mwalo ni moyo a nyi tangadzisago. Valala vangu vatshavbo va gu ghiya khu gupwa guthega gwangu, va tsaka khiso U giridego. Aholu, Uwe Pfhumu vbiredza gu resa litshigu U li tumbisidego gasi vathu va tsayiswa navo nga eni. Tau

Gililo 1:9

Dzingandzu dzaye dzi tade khu ndzilo. Aholu uye kha nga alakanya litshigu nya mahegiso; ni guthega gwaye gu samadziside, aholu kha nga mana ni moyo nya gu mu tangadzise. Wari khuye “Pfhumu Nungungulu, wona wusiwana wangu, kholu nala a ngu ghiya.” Yod

Gililo 2:11

Maho yangu guvbisa khu gu lila; hefemulo wangu wa gu garadzega, monyo wangu wu vbede tshivba khu guvbisega, khu gu wona gumbembiswa ga litigo langu, kholu nya gu wona sanana, niso sa beleni si titivalago dzindzilani nya lidhoropa Lamed

Ezekiyeli 16:37

khu guralo, wona nya gukhuwe nyi na tshanganisa sibhayi sago satshavbo sile u bhayidego naso, sile u nga bani u si haladza ngudzu ni sile u nga bani u si si haladzi. Nyi na si tombanisa khu maphuvbo yatshavbo gasi va guwugele, nyi na va nonedza wumbwiri wago gasi va kodze gu wona wumbwiri wago watshavbo.

Hoseya 2:7

A na landrisela sibhayi saye, aholu kha na si mana; a na si vbweta, aholu kha na si mana. Khavbo avbo, a na ganela, khuye: Nyi na bwelela ga mwama wangu nya guhegule, kholu nyi diri tshukhwana guvbindra edzi nyi guromo khidzo olu.

Mikeya 7:5

Mu nga vegi gitumbo gyanu ga dzipari, ni gu tumba ga valongo, ambari ni wule u mi gumbarelago; vegedza gwadi malito ma dugago khu kanani gwago.

Gutuledwa 17:13

Vatshavbo va na ni mapimo mamowo, va na vega tshivba yawe nya wufumu mandzani nya girengo.

Gutuledwa 17:16

Likhumi dzikheho u dzi wonego ni girengo, si na wugela nyamayi nya gibhayi si mu gira gisiwana si mu diga wumbwiri, si hodza nyama yaye, si yi vbisa niloni.