Genesi 9:6 - Bhibhiliya Nya Guage

⁶ Oyu a vbaladzago novba nya muthu, novba waye nuwo wu na vbaladzwa khu muthu, kholu muthu wumbidwe khu mufananiso wa Nungungulu.

Genesi 9:6 Iomraidhean Croise

Genesi 4:14

Wona, muhuno u ngu nyi tutumisa mafuni momu, nyi ya manega hwindzo Nago; nyi na penga nyi legalega ni litigo; ni wevbini a nyi manago a na nyi songa.”

Genesi 42:22

Rubheni a di hakha vandriyaye, khuye: “Eni nyi di gu mi embelani gukheni: Mu nga gireleni guvivba gyanana! Aholu enu kha mwa nyi yingelani. Olu hi ngu livba nandru nya novba waye.”

Genesi 5:1

Eli khu libhuku nya longoloko nya situgulwana sa Adhamu. Gikhati Nungungulu a vangidego muthu, a mu vangide nya idzosaye ni uye mune Nungungulu.

2 Samuweli 4:11

Nyi na gira kharini ga vathu nya guvivbedwe khu monyo, va songidego muthu nya gululame vbadawutunu gwaye; nyi na lomba novba waye mandzani gwanu nyi mi mbembisani, gani?”

1 Dzipfhumu 2:9

“Aholu uwe olu u nga mu sayeli nga muthu nyambana nandru. Uwe u muthu nya guti u na siti iso u na gu girago khuye. Ambari a gumbidego, mu gire ndzudzu waye nya dzinvi wu relela thowoni na wu fuvide khu novba.”

2 Dzipfhumu 11:1

Ataliya, mayi wa Akazi, na wonide gukhuye mwanaye songidwe, uye a di khuga aya sasela livelego latshavbo la nyumbani nya mufumo.

2 Dzipfhumu 11:16

“Va di mu mola khu mandza, va bela naye khu ndzila nya mwanya nya dzikavalu, va ya mu songela avbovbo.”

2 Dzipfhumu 11:20

Vathu vatshavbo va tigoni va di nengela ni lidhoropa li di rula, Ataliya va di mu songa khu litshari vbafuvbi ni nyumba ya mufumeli.

2 Dzikoronika 33:24

Sithumi saye si di mu girela gikungo, si mu wugela si mu songa.

Dzindzimo 51:4

Nyi ghohede uwe, nyi ghohede uwe basi, nyi giride esi si nyenyezidego mahoni gwago, lisine lago u ganelago, gu lulamide gulamula gwago tshivba yago ya gu wonega khu gu lamula.

Ekisodha 20:13

U nga songi.

Mavingu 28:17

Muthu a dzi rwegidego nandru khu gu songa muthu, a na khala mulegalegi kala gufa, nyamba vhikedwa khu muthu.

Muhevbudzi 3:3

gikhati nya gusonge, ni gikhati nya guvbanyise; gikhati nya gupfhungumule, ni gikhati nya guvbahe;

Levhi 17:4

nyamba phela khu gu yi dzega a hongola nayo nyangwatunu nya Tshatsha nya Tshangano, gasi aya yi bikela ga Pfhumu Nungungulu, mbeli nya Wulanga nya Guage, a na ningwa nandru nya guvbaladze novba; khu gu na vbaladzide novba, a na fuviswa vbakari nya vathu vaye.

Levhi 24:17

Muthu a gu songa mumbe muthu, a na songwa nuye.

Mitengo 35:16

Muthu nya gukari a gu veta mumbe muthu khu simbi a mu bayisa afa, muthu yoyo gighevenga; fanede gu songwa nuye.

Mitengo 35:25

Tshangano wu na vbulugisa musongi mandzani ga muphodzeli, khu gu mu yisa dhoropani nya wuthavelo umo a nga bani a thavede umo; aya khala umo kala afa muphasi nya khongolo nya mhamba a todzidwego khu mafura nya guage.

Mitengo 35:33

Khu magirelo yaya, mu nga tshuki mu nyenyezisa litigo leli mu vbanyago ga ilo; kholu novba wu ngu nyenyezisa litigo; gambe ilo li ngu kodza gu handzwa basi khu novba wa wule a vbaladzidego novba.

Matewu 26:52

Aholu Jesu a di mu kawuka, khuye: “Vega litshari wulangani gwaye, kholu vatshavbo va thumisago litshari, va nafa khu litshari.

Varoma 13:4

Kholu fanelo yatshavbo nya guthangele vathu ya guta khu ga Nungungulu, gasi guthumela uwe. Aholu wa gu gira guvivba u na ni fanelo nya guthave, kholu vathangeli va na ni tshivba nya gutsayise. Muthangeli kha phari ndronga mahala. Wuthangeli wa gu thumela Nungungulu khu gu tsayisa vale va girago guvivba.

1 Vakorinto 11:7

Gasi vama, kha gu vbwetegi va fenengela hungoni, kholu khavo giwonegiso ni wuzundzo wa Nungungulu, gasi nyamayi khuye wuzundzo wa mwama.

Dhewuteronome 19:11

Aholu, a gu manega muthu nya gukari nari ni mazondra ni muthu kwawe, a mu wugela a mu songa, a gu thavela ga limwedo nya madhoropa yoyo,

Dhewuteronome 5:17

U nga songi.

Jakobe 3:9

Khu lidimi, hi ngu rungudza Nungungulu a gu Babe wathu, khu ilo gambe, hi ngu vala vathu va giridwego khu mufananiso wa Nungungulu.

Gutuledwa 13:10

Oyu a yisago vakwawe wugumbini, a na yiswa nuye wugumbini, oyu a songago khu litshari a nafa nuye khu litshari. Khigyo egi gikhati nya wundrena ni gutumbege nya vakhodwa.

Valamuli 9:56

Khu guralo, Nungungulu a di bweledzela Abhimeleki wuvivbi a nga girelago babe waye, khu gu songa vandriyaye nya livbandre na mavili magumi (70).

1 Samuweli 15:33

Samuweli a di mu embela, khuye: “Kha nga olu litshari lago li nga songetela sanana sa vanyamayi nya vangi, Olu mayi wago nuye, a na tshala nyambana uwe.” Samuweli a di dzegela gu mu songa mbeli ga Pfhumu Nungungulu, dhoropani ga Giligali.