Genesi 9:3 - Bhibhiliya Nya Guage

³ Hodzani satshavbo si vbanyago, ni mitongwe ni mihandro. Satshavbo nyi ngu mi ningani si khala giphaso gwanu.

Genesi 9:3 Iomraidhean Croise

Genesi 9:2

Sirengo satshavbo sa khabini ni sinyoni sa damboni, ni satshavbo si khwirirago khu lididi mafuni ni dzindzandzi dza phwani, satshavbo si na mi ningani githawo, mu na fumelani satshavbo.

Levhi 22:8

A nga hodzi girengo nya gufe gyabune, mwendro nya gusongwe khu sirengo nya likhabi, gasi a si dzi nyenyezisi khigyo. Eni kheni Pfhumu Nungungulu.

Varoma 14:14

Nyi ngu dziti ni gukhodwa gwadi khu ga Pfhumu Jesu gukheni, gimwalo gilo gi nyenyezidego khu tumbunugo nya igyo. Aholu muthu a gu pimisa gukhuye gilo nya gukari gi nyenyezide, a na gi wona mapimoni gwaye na gi nyenyezide furi.

Varoma 14:17

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage.

Varoma 14:20

U nga ghoheteli thumo wa Nungungulu khu kotani nya guhodze. Hi ngu dzi kodza gu hodza silo satshavbo, aholu guvivba khu gu hodza gilo gi dzi kodzago gu tshunganedzisa muthu kwanu a thega gighohoni.

Varoma 14:3

Oyu a hodzago satshavbo a nga nyenyi wule a digago gu hodza simbe silo. Wule a si hodzigo simbe silo, a nga hembululi oyu a hodzago satshavbo, kholu uye nuye a ngu godwa khu Nungungulu.

1 Vakorinto 10:23

Silo satshavbo si ngu dzumedziswa, aholu khandri satshavbo si vbahago muthu; silo satshavbo si ngu dzumedziswa, aholu khandri satshavbo si phasago gukhodwa.

1 Vakorinto 10:31

Khu kharato, gani mwa gu hodza, gani mwa gu sela, ni gevbini gimbe gilo mu girago, satshavbo girelani gu rungudza Nungungulu.

Dhewuteronome 12:15

Khu guralo, gukhedza khu gugola gwatshavbo nya hefemulo wago, u na paya sifuyo, u hodza nyama yakone madhoropani gwago, gukhedza khu edzi Pfhumu Nungungulu wago a na bani a gu kategiside khidzo; oyu a nyenyezidego ni oyu a agidego, vatshavbo va na hodza nyama gukhwatshi va gu hodza mbavala ni mangulwe.

Vakolosi 2:16

A nga manegi wa gu mi kawuka khu kotani nya esi mu hodzago ni esi mu selago, mwendro khu kotani nya matshigu nya buzo, nya guwonege nya ngima mwendro nya dzisabhadho.