Genesi 9:2 - Bhibhiliya Nya Guage

² Sirengo satshavbo sa khabini ni sinyoni sa damboni, ni satshavbo si khwirirago khu lididi mafuni ni dzindzandzi dza phwani, satshavbo si na mi ningani githawo, mu na fumelani satshavbo.

Genesi 9:2 Iomraidhean Croise

Genesi 1:21

Nungungulu a di vanga mafumbu nya guhambanelane nya sirengo nya sikhongolo sa linene, ni sirengo satshavbo si vbanyago matini ni satshavbo si vbuvbago khu mambapi. Nungungulu a di si wona gukhuye khyadi.

Genesi 1:26

Nungungulu a di khuye: “Hongoleni hi gire muthu khu mufananiso wathu, a godzana ni Ethu, gasi a fumele dzindzandzi dza phwani, ni sinyoni si vbuvbago ndrengelengeni, ni sirengo satshavbo si vbanyago mafuni.”

Genesi 1:28

Nungungulu a di va kategisa a va embela, khuye: “Velegelanani, mu andra, mu tadza mafu, mu ma fumela. Fumelani dzindzandzi dza matini, sinyoni ni sirengo satshavbo si vbanyago mafuni.”

Genesi 2:19

Khu guralo, Pfhumu Nungungulu na wumbide khu mafu talo nya mafumbu nya sirengo sa khabini ni sinyoni sa damboni a di si bikela ga muthu gasi gu wona malina muni a na si ningago. Lina a nga ningago ga gimwegyo ni gimwegyo nya sivangwa soso nya guvbanye, khilo gi tidwago khilo.

Genesi 35:5

Na va khugide, Nungungulu a di thela hwanga ni githawo ga vathu va madhoropani ya vbafuvbyana mule, mwalo ni moyo a nga dugago a gu tutumisa sanana sa Jakobe.

Genesi 9:1

Nungungulu a di kategisa Nowa ni sanana saye, a mu embela, khuye: Velegelanani, mu andra, mu tadza mafu.

Genesi 9:3

Hodzani satshavbo si vbanyago, ni mitongwe ni mihandro. Satshavbo nyi ngu mi ningani si khala giphaso gwanu.

Joba 39:11

U na yi tumba khu kotani nya tshivba yaye nya yikhongolo, gasi yi gu limela mahange u ma vbwetago, gani?

Ezekiyeli 34:25

Nyi na gira nadzo gidzumeledzwano nya pwanano, nyi na fuvisa sirengo nya likhabi tigoni; dzi na khala khu gurula giwulani, gambe dzi na lala khabini.

Hoseya 2:18

Khu litshigu lolo, nyi na gira khu avo gidzumeledzwano ni sirengo nya likhabi, ni sinyoni sa damboni, ni esi nya gukhwirire khu lididi mafuni, nyi na fuvisa tigoni dzinyimbi, wulaho ni matshari, va na lala ligovbe nya gutenge!

Levhi 26:22

Nyi na rumela sirengo nya likhabi si songetela sanana sanu, si na vbedza sifuyo sanu, enu nenu mu na vbedzwa khiso mu khala vadugwana; dzindzila dzanu dzi na fuva.

Levhi 26:6

Nyi na wuyisa gurula tigoni; mu na lala na mu tengide nyamba thurugiswa khu muthu, nyi na fuvisa sirengo nya wurena sa khabini, tigoni gwanu kha mu na beledwa khu dzinyimbi.

Jakobe 3:7

Kholu muthu a ngu dzi kodza gu fumela sivangwa satshavbo, sirengo nya likhabi, ni sinyoni, ni sirengo si khwirirago khu lididi mafuni, ni sa matini si ngu fuywa ni gu fumwa khu vathu.