Genesi 6:5 - Bhibhiliya Nya Guage

⁵ Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Genesi 6:5 Iomraidhean Croise

Genesi 13:13

Vathu va Sodhoma va di vivbide ngudzu myonyo yawe, va di gira iso si hambanago ni gugola gwa Nungungulu.

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

Joba 15:16

gu na girega kharini ga muthu nya gighohi ni mapimo nya gunyenyeze, oyu a dzegago gighoho a gi gira mati nya gusele?

Joba 22:15

Uwe wa gu vbweta gulandrisela dzindzila dza gale, umo gu gimbidego khumo vathu nya sighohi, gani?

Dzindzimo 53:2

Khu ndzadzini, Nungungulu a gu khedza a wona vathu, khuye mwendro a na mana moyo a vbwetago Nungungulu.

Mavingu 6:18

monyo wu lugago makungo nyambasi yadi migondro yi tutumelago gu gira silo nya guvivbe,

Muhevbudzi 7:29

Iso nyi si manidego basi khesi: Nungungulu a di gira muthu nya gululame, aholu uye a di dzi vbwetela dzimbe dzindzila nya guwegele.

Muhevbudzi 9:3

Ogu khu guvivba gu guromo vbakari nya silo si girwago mafuni momu. Gu vatshavbo va mana mahegiso nya idzosaye. Khu guralo, myonyo ya vathu yi tade khu guvivba, gukhwatshi va di handruga guvbanyani gwawe; khu guhegisa va guya phalani nya vafi.

Jeremiya 17:9

Gimwalo gi kanganyisago guvbindra monyo, madwali yaye kha ma thumwi. A na tidwa khu mani?

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Ezekiyeli 8:12

Pfhumu Nungungulu a di nyi embela, khuye: “Mwamana wa muthu, u si wone iso madhota ya Israyeli ma girago mugidemani, moyo ni moyo na guromo nyumbani gwaye nya gulovetedwe khu sifananiso, gani? Na va gu ganela, khavo: Pfhumu Nungungulu kha hi woni; Uye dugide tigoni momu.”

Ezekiyeli 8:9

Khavbo avbo, a di nyi embela, khuye: “Bela u wone silo nya gunyenyeze ni guvivba va girago avba.”

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Matewu 24:37

Kha nga idzo gu nga giregago khidzo matshiguni ya Nowa, kharato nugo gu na girega litshigu a na tago Mwamana wa Muthu.

Luka 17:26

Kha nga idzo gu nga giregago khidzo matshiguni ya Nowa, kharato nugo gu na girega matshiguni ya Mwamana wa Muthu:

Dhewuteronome 29:19

Ni wevbini a na pwago magana nya givalo gegi a nga dzi khusedzi khu monyoni gwaye, khuye: Nyi na mana gurula, ambari nya gu gimbila khu ndzila nya guwegele yi godwago khu monyo wangu; kholu, talo nya mati wu na tshima lidora.

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

1 Pedro 3:20

Maphuvbo ya vale va ngamba yingela Nungungulu, gikhati uye a nga virela khu gutimisela, matshigu yale Nowa a nga bani a gu gira litaro. Avo nya vadugwana, nya livbandre na vararu vathu, va nga bani varomo litaroni, khavo va nga vbuluga gufa khu talo nya mati.