Genesi 49:11 - Bhibhiliya Nya Guage

¹¹ A na hunga giburwana gyaye tshinani nya uvha, gyanana gya buru yaye litamoni nya miuvha nya wumburi, guambala gwaye gu na handzwa khu vbinyu, ni libhadzi laye novbani nya dziuvha.

Genesi 49:11 Iomraidhean Croise

Genesi 49:12

Maho yaye ma na fuvila khu kotani nya vbinyu, magwaha yaye ma na aga khu mahwe.

1 Dzipfhumu 4:20

Vathu va na Israyeli ni va na Judha, va diri vangi ngudzu nga fungu wa phwani; va di hodza, va sela, va vbanya na va tangade.

1 Dzipfhumu 4:25

Judha ni Israyeli, gu di vbanya na gu tiyide, gukhugela Dhani kala Bherisebha, vathu va di vbanya gurulani, nyamba thava gilo, muthu ni muthu a khala mutsani nya kandzu waye ni nguhu waye, matshigu yatshavbo nya guvbanye gwa Solomoni.

2 Dzipfhumu 18:32

Kala nyi ta mi dusani nyi mi yisa ga litigo nya gufanane neli lanu; litigo nya tirigu ni vbinyu; litigo nya sibaba ni marembwe; litigo nya miolivha ni mafura ni wulombe, gasi mu fela guvbanya mu sifi; mu nga yingiseni Ezekhiya, kholu a ngu mi pfhadza, khuye: Pfhumu Nungungulu a na hi vbanyisa.

Joyele 3:18

Khu litshigu lolo, sigomo si na ruta vbinyu nya yiphya ni sigomwana si na goga mahwe, mitsongo yatshavbo ya tigoni ga Judha, yi na tala khu mati; gu na duga gifefe nya mati khu Nyumbani ga Pfhumu Nungungulu, gi theledzela kovani wa Sitimi.

Amosi 9:13

Wonani nya gukhenu ma nguta matshigu, a ngu ganela Pfhumu Nungungulu, mulimi a na gu fananago ni uye a vbwerago, ni uye a gamago dziuvha, a fanana ni oyu a yalago mbewu; sigomo si na ruta vhinya, sigomwana satshavbo si na nyiviliga.

Mikeya 4:4

Muthu ni muthu, a na khala mutsani nya uvha waye, ni mutsani nya ngure waye, kha gu na manega muthu nya gu va thurugisele, kholu Pfhumu Nungungulu nya Tshivba Yatshavbo ganede.

Dhewuteronome 32:14

ni wusa nya mahwe nya dzimombe ni mahwe nya dzinvuta ni mafura nya sinvutana, nya dzihamba dzi haviswago Bhasani ni vamabhongwe, gumogo ni wuguvbi nya wadi nya gukuwudwe; mu sede vbinyu nya gutshambe a gu novba nya dziuvha.

Dhewuteronome 8:7

Kholu Pfhumu Nungungulu wago, a ngu gu bedza ga litigo nya ladi, litigo nya mitsongo nya mati, nya milambo ni sifefe nya guete, si dugago khu mikovani ni sigomoni;

Dhewuteronome 8:8

litigo li fumago tirigu ni mala; litigo nya miuvha, nya migonva, madimwa ni marova; litigo nya miolivha, nya mafura nya mangi ni wulombe;

Gutuledwa 14:20

Dziwuvha dzedzi dzi di ya sugedwa vbavbandze nya lidhoropa. Novba nya wungi ngudzu wu di vbalagela khu sungwani wu tala kala gu manela matomo nya dzikavalu. Wu langaladza kharato gipandre nya likhumi na livbandre na limwedo mazana (1.600) mipfhuka.

Gutuledwa 19:18

gasi muta hodza nyama nya vafumeli, nyama nya vathangeli nya dzinyimbi, nyama nya dzindrena, nyama nya dzikavalu, ni ya vale va khiledego idzo, nyama nya mafumbu yatshavbo, va nya gutshulega ni dzikhumbi, nya vadugwana ni vakhongolo.”

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.

Gutuledwa 7:7

nya lihundzu la Simiyoni, va diri likhumi na mavili magumi mazana (12. 000); nya lihundzu la Levhi, va diri likhumi na mavili magumi mazana (12.000); nya lihundzu la Isakari va diri likhumi na mavili magumi mazana (12.000);