Genesi 49:10 - Bhibhiliya Nya Guage

¹⁰ Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Genesi 49:10 Iomraidhean Croise

2 Samuweli 7:13

Uye a na vbaha nyumba yi na gu lumbago lina langu, Eni nyi na tiyisa gikhalo nya wufumu waye kala gupindruga.

2 Samuweli 7:16

Ndranga ni mufumo wago, si na simama kala gupindruga mbeli gwangu. Ni gikhalo nya wufumu wago gi na simama kala gupindruga.”

1 Dzikoronika 12:24

Va na Judha va nga bani pharide matshari ni sitshangu, tengo wawe wu diri; livbandre na limwedo magumi ni livbandre na mararu mazana (6.800) vama va dzi dongisedego guya nyimbitunu.

1 Dzikoronika 12:39

Va diya khala gumogo ni Dhavhidhe matshigu mararu, va hodza ni gu sela naye, kholu vandriyaye va di mu dongisede satshavbo.

Dzindzimo 108:8

Gileyadhi ni Manasi va gu lumba eni; va na Efrayimi gihugu gyangu, va na Judha i ndronga yangu nya wufumu.

Dzindzimo 60:7

Va Ghiligali vathu vangu, va na Manasi vathu vangu; Efrayimi gihugu gyangu nya nyimbi; Judha khuye ndronga yangu nya wufumu.

Dzindzimo 60:9

Khu mani a na gu nyi yisago dhoropani nya likhokhola? Khu mani a na gu nyi yisago kala Edhomi?

Dzindzimo 78:68

Aholu a di hatha lihundzu la Judha, ni gigomo gya Siyoni a gi golago ngudzu.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Isaya 33:22

Aholu Pfhumu Nungungulu khuye mulamuli wathu, Pfhumu Nungungulu khuye muvegi nya nayo wathu, Pfhumu Nungungulu khuye Mufumeli wathu; khuye a na hi vbanyisago.

Isaya 42:1

Wonani githumi gyangu, gihathwa gyangu nyi gi sayisago, gi nengedzisago monyo wangu. Nyi thede Liphuvbo langu avbo gwaye, gasi a yise gululama ga va nya mayigo.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Isaya 62:11

Wonani gukhenu Pfhumu Nungungulu magana yaye ma vbohide kala mahegiso nya litigo, khuye: “Embelani lidhoropa la Siyoni, khenu: Wona a nguta muvbanyisi wago; a nguta ni tshatshazelo waye a gu vathu a va tshudzisidego a va thangisa mbeli gwaye.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 30:21

Moyo wawe a na khala muthangeli, vbakari gwawe a na duga mufumeli, nyi na mu ranisa, uye a na hidzimela vbafuvbi gwangu; kholu khu mani a na tiyelago gu vboha vbafuvbi gwangu? A ngu ganela Pfhumu Nungungulu

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Ezekiyeli 19:11

Matamo yaye ma di tiyide gasi gu gira ndronga ya mufumeli, uwo wu di dandra ngudzu wu vbindra matamo, wu di wonwa gulapha gwaye ni matamo yaye nya mangi.

Ezekiyeli 19:14

Khumo nya lihale limwedo nya matamo yaye, gu di duga nilo wu vbisa mihandro yaye, gwaye kha gwa tshala ni litamo limwedo nya gutiye; li gu ilo li yelago gu gira ndronga ya mufumeli. Igyogyo khigyo gililo, gi na khala nga gililo kala nolu.”

Ezekiyeli 21:27

Gupfhungumudwa! Gupfhungumudwa basi! Nyi na vbindrugedza lidhoropa li khala marumbi, ilo kha li na nga wusedzwa gambe, kala a vboha uye li mu lumbago khu lisine; khuye nyi na mu ningago.

Ezekiyeli 21:32

U na khala dzikhuni nya nilo, novba wago, wu na vbaladzwa vbakari nya litigo, gima khu na alakanywa gambe; kholu eni, Pfhumu Nungungulu, kheni nyi ganedego.”

Dhaniyeli 9:25

Olu dziti gwadi ni gu pimisa esi: “Gukhugela gu nga duga sileletelo si rumago gu wusedza ni gu vbahedza Jerusalema, kala gu vboha Mesiya, uye a gu Pfhumu, gu na manega livbandre na dzimbili dzisemana; khu livbandre na limwedo magumi dzisemana. Gu na wusedzwa lidhoropa gu wusedzwa dzindzila ni makhokhola, aholu a na bani ari matshigu nya sigaradzo.”

Hoseya 11:12

Efrayimi a nyi randrede khu malipha, va na Israyeli va nyi randrela khu wudambane; aholu Judha a gu wugela Nungungulu, a wugela Gihathwa gi tumbegidego a gu tumbega basi ga vanungungulu nya malipha.

Mikeya 5:1

Olu uwe nyamahegyane nya dzinyimbi, tombanisa mabutho nya dzinyimbi, va hi randrede khu malanga yatshavbo, va bayisa khu lipitso giwombo gya mulamuli wa Israyeli.

Agewu 2:7

Nyi na tsekatsekisa mayigo yatshavbo, gasi ma rese eno dzithomba dzawe dzatshavbo; nyi na tadza nyumba yeyi khu wudhumo; a ngu ganela Pfhumu Nungungulu nya Tshivba Yatshavbo.

Zakariya 10:11

Avo va na tsemakanya yiphwa nya sitshaniso, a na veta mavimbi nya yiphwa, milondrwa nya guete nya tsongo wa Nilo yi na banga. Khavbo avbo, ma na vbela matshandza yatshavbo ya Asiriya, yi duswa ni ndranga nya wufumu wa Egipito.

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Mitengo 21:18

Nambo va nga polago vafumeli, ma nga kembago manganagana, khu dzindronga dzawe nya wufumu.” Va di khuga khu giwulani, va gu hongola kala Matana;

Mitengo 24:17

Eni nyi ngu mu wona, aholu khandri olu, nyi na mu khedza, aholu nasiri khu vbafuvbi; gu na duga nyeledzi khavbo ga Jakobe ni ndronga nya wufumu khavbo ga Israyeli. Yi na khungumula mihungo ya va na Mowabhi, yi mbembisa sanana satshavbo sa Seti.

Mitengo 24:19

Khu ga Jakobe gu na duga mufumeli, a na mbembisa avo vatshadego madhoropani.

Matewu 1:21

Uye a na velega gyanana nya gikhwathana u na gi thangisago lina la Jesu, kholu gi na vbanyisa vathu vaye musighohoni sawe.”

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

Matewu 25:32

Mayigo yatshavbo ma nata tshangana mbeli gwaye; avbovbo, a nata kasa vathu, kha nga idzo muhavisi a kasago khidzo dzinvuta ni dziphongo.

Johane 12:32

Gasi eni, gikhati nyi na khusedzwago vbatshani, nyi na ndrindra vathu vatshavbo vata gwangu.”

Johane 18:31

Pilato a di va phindrula, khuye: “Mu dzegeni, mu mu lamula kha nga idzo wu lombago khidzo nayo wanu.” Vajudha va di khayo: “Ethu hi mwalo fanelo nya gusonge muthu.”

Johane 19:12

Gukhugela avbovbo, Pilato a di vbweta gu mu tshula; aholu, Vajudha va di gulumela, khavo: “Wa gu mu tshula, khuri pari ya Sezari; kholu muthu watshavbo a dzi girago pfhumu a gu yeyisa Sezari.”

Johane 19:15

Aholu, avo va di gulumela, khavo: “A nafe, a nafe! Mu khokhothele!” Pilato a di khuye: “Nyi khokhothela Mufumeli wanu?” Vakhongolo nya vaphasi nya mhamba va di mu hakha, khavo: “Hi mwalo mumbe mufumeli vbavbandze ga Sezari!”

Johane 9:7

a gu gi embela, khuye: “Indra hamba lidhamuni ga Silowe” (gutshamusago pwani “Girumwa.”) Gikhumu gi di hongola giya hamba, gi wuya na gi gu wona.

Varoma 15:12

A nuye muprofeti Isaya a ngu ganela, khuye: “Gi nata gitugulwana gya Jese, gi na ema gi fuma mayigo, va nya mayigo va na tumba igyo.”

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

Dhewuteronome 28:57

a na hodza khu gisihaledza satshavbo ambari lighulu li dugago khu mahembeni gwaye ni sanana a ngari gu velegago; khu gu hamugega nya silo satshavbo, khu kota nya gurandredwe khu valala madhoropani gwago.

Vahebheru 7:14

Hi ngu dziti gukhethu, khu guvelegwa, Pfhumu yathu a di gu lumba nyumba ya Judha. Aholu, Mosi kha ganela gilo khu lihundzu leli gikhati a nga ganela khu vaphasi nya mhamba.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”