Genesi 47:4 - Bhibhiliya Nya Guage

⁴ Va di ganela gambe ga Faro, khavo: “Hi rurede tigoni momu, kholu gu ngu hamugega mwasi nya guhavise mitshambi ya sithumi sago, gambe ndzala yingi ngudzu tigoni ga Khanani. Olu hi ngu gu lomba u dzumedzisa sithumi sago guya vbaha tigoni ga Goseni.”

Genesi 47:4 Iomraidhean Croise

Genesi 12:10

Gu di manega ndzala tigoni mule, Abrama a di thavela tigoni ga Egipito, aya vbanya iyo gikhati nya gukari, kholu, ndzala yi diri yikhongolo ngudzu.

Genesi 15:13

Khavbo avbo, Pfhumu Nungungulu a di mu embela, khuye: “Khala nu gu dziti gukhuwe situgulwana nya livelego lago si na vbanya kha nga vawuyi tigoni nya valombo, li si gu lawe. Va na khoziswa va gu girwa dzikhumbi, va tshonigiswa gipimo nya mazana mana myaga.

Genesi 43:1

Khu matshigu yoyo, ndzala yi di gu tshanisa tigoni.

Genesi 45:10

U na ta vbanya tigoni ga Goseni, vbafuvbi ni eni; uwe ni sanana sago, ni situgulwana sago, ni sifuyo sago esi nya sidugwana ni esi nya sikhongolo ni dzithomba dzago dzatshavbo.

Genesi 46:34

Mu na mu hakhani, khenu: Sithumi sago vahavisi nya mitshambi, gukhugela wananani kala litshigu la muhuno. Vababe vathu navo va di thuma kharato. Khu magirelo yoyo mu na dzi kodzani guya vbanya tigoni ga Goseni, kholu Vagipiti va ngu nyenya vahavisi nya sirengo nya sidugwana.”

Genesi 47:5

Khavbo avbo, Faro a di embela Josefa, khuye: “Babe wago ni vandriyago va dzude gasi guta khala vbafuvbi nago.

Dzindzimo 105:23

Khavbo Israyeli, a gu Jakobe, a nga relela tigoni ga Egipito, aya khala muluveli vbakari nya sanana sa Kami.

Isaya 52:4

Kholu Mune, Pfhumu Nungungulu, a ngu ganela kharati, khuye: Guhegulani vathu vangu va relede Egipito, gasi guya luvela iyoyo; gasi olu, Asiriya a va tshaniside na vari mwalo nandru.

Mithumo 7:11

Yi di manega ndzala tigoni gwatshavbo ga Egipito ni Khanani. Gusaniseka gudiri gu khongolo. Vababe vathu va di hamuga ni gilo nya guhodze.

Mithumo 7:6

Nungungulu a di mu embela, khuye: ‘Sanana sago si na khoza tigoni ga vane, si na girwa dzikhumbi si gu saniswa, gipimo nya mazana mana myaga.

Dhewuteronome 26:5

Khavbo avbo, u na huwata mbeli ga Pfhumu Nungungulu wago, u ganela, khuwe: Babe wangu a diri Muarami, nya mulegalegi, na gumbide, a di hongola tigoni ga Egipito, nari ni vathu nya vadugwana aya vbanya iyoyo kha nga muluveli; aholu, khiyoyo a di ya vbindrugedza a gu khala litigo nya likhongolo nya tshivba, nya vathu nya vangi.