Genesi 41:8 - Bhibhiliya Nya Guage

⁸ Ni dzimindru, na gu garadzega hefemuloni gwaye, Faro a di ruma gu ranisa dzinyanga dzatshavbo, ni vanyaguti vatshavbo va Egipito a ta va embeledzela dzindroro. Aholu mwalo a nga dzi kodzago gu mu ninga tshamuselo.

Genesi 41:8 Iomraidhean Croise

Genesi 40:6

Ni dzimindru, avbo Josefa a nga hidzimelago vbafuvbi gwawe, a di wona nya gukhuye va ngu garadzega,

Genesi 40:8

Avo va di hakha, khavo: “Hi di lora, aholu mwalo a dzi kodzago gu hi ninga tshamuselo nya dzindroro.” Josefa a di va embela, khuye: “Ina gutshamusela dzindroro khandri thumo wu lumbago Nungungulu, gani? Nyi ngu mi lomba mu nyi embelani ndroro yakone.”

Genesi 41:15

Faro a di embela Josefe, khuye: “Nyi loride ndroro nya gu, mwalo a dzi kodzago gu nyi ninga tshamuselo. Aholu nyi pwide gupwani uwe u ngu kodza gutshamusela dzindroro.”

Genesi 41:24

Aholu sivbila sesi nya guwondre, si di midza sile nya livbandre na sivili sivbila nya sikhongolo. Nyi embede silo sesi dzinyanga, aholu mwalo ni moyo a nga dzi kodzago gu nyi tshamusela.

Genesi 41:7

Sivbila nya guwondre, si di midza esi nya livbandre na sivili nya sikhongolo nya gutale. Khavbo avbo, Faro a di khendzuga; a diri ndroro.

Dzindzimo 25:14

Pfhumu Nungungulu a gu tulela guti sihalo waye vale va mu thavago, a va tivisa gidzumeledzwano gyaye.

Ekisodha 7:11

Aholu Faro nuye a di rana va nya guti ni dzinyanga, avo navo va nya guti va Egipito, va di gira navo idzosaye khu wugengeli wawe nya gusihalege.

Ekisodha 7:22

Aholu dzinyanga dza tigoni ga Egipito dzi di gira nidzo idzosaye khu wugengeli waye. Aholu monyo wa Faro wu di banga, gima kha va yingisa kha nga idzo a nga ganela khidzo Pfhumu Nungungulu.

Ekisodha 8:7

Khavbo avbo, dzinyanga nidzo dzi di gira idzosaye khu wugengeli wawe nya gusihalege; dzi resa vanyakhele tigoni ga Egipito.

Ekisodha 9:11

Dzinyanga dzi di tandrega gu ema mbeli ga Mosi khu kotani nya sithunya, kholu va di tade khu sithunya, idzosaye ni vatshavbo vambe Vagipiti.

Isaya 19:3

Hefemulo wa Vagipiti wu na titivala ndrani gwawe, nyi na phalalegisa makungo yawe, va na ya wudzisa wusingalagadzi ga sifananiso sawe, ni ga vale va khozelago va nya gufa ni valoli nya dzisolo.

Isaya 29:14

Khu guralo, nyi na simama gu gira mithumo nya gusamadzise vbakari nya vathu vava, eyi yi liwugisago ni guthurugisa; kholu guti ga va nya gugengela vawe gu na fuva, ni gupima ga vathu vawe nya gugengele gu na vbela.

Isaya 8:19

Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Dhaniyeli 1:20

Mahunguni gwatshavbo nya wugengeli ni guti, gu di manega avo na vari mbeli likhumi dzinyondro guvbindra dzinyanga ni valoli nya dzisolo dza tigoni gwaye gwatshavbo.

Dhaniyeli 4:18

Eyi khiyo ndroro nyi loridego eni mufumeli Nabhukodhonosori. “Olu uwe Bhalitazari, nyi ninge tshamuselo yaye, kholu vagengeli vatshavbo va tigoni gwangu, kha va dzi khodza gu nyi tshamusela. Gambe uwe, u ngu dzi kodza, kholu liphuvbo la vanungungulu va agidego lomo vbatshani gwago.”

Dhaniyeli 4:19

Khavbo avbo, Dhaniyeli, a nga bani na gu ranwa khu lina la Bhalitazari, a di huye kape gikhati nya gulaphe, na gu thava khu maalakanyoni gwaye. Khavbo avbo, mufumeli a di mu embela, khuye: “Bhalitazari, u nga thurugiswi khu kotani nya ndroro ni tshamuselo yaye.” Bhalitazari a di mu hakha, khuye: Mune wangu, ndroro yeyi yi na thonone avo va gu zondrago, ni tshamuselo waye wu na thonone valala vago!

Dhaniyeli 4:5

Na nyiri ligovbeni, nyi lora ndroro yi nga nyi thavisago, hungo wangu wu di hambanega mapimo khu kotani nya siwoniso nyi nga si wonago.

Dhaniyeli 4:6

Nyi di vega nayo nya guranise vagengeli vatshavbo va Bhabhiloni, gasi guta nyi ninga tshamuselo nya ndroro nyi nga lorago.

Dhaniyeli 4:7

Khavbo avbo, gu dita dzinyanga, va nya sikwembu, Vakalidhiya ni valoli nya dzisolo, nyita va tivisa ndroro yangu, aholu avo kha va kodza gu nyi ninga tshamuselo yaye.

Dhaniyeli 5:11

Womo mwama moyo vbakari nya mufumo wago a gu ni liphuvbo la vanungungulu va agidego; matshiguni ya babe wago, gu di manwa avbo gwaye wenengedzo, gupimisa ni wugengeli, nya gufanane ni wugengeli wa vanungungulu. Babe wago, mufumeli Nabhukodhonosori, a mu emiside gu khala muthangeli nya dzinyanga, nya va nya sikwembu, nya Vakalidhiya, ni va nya gulola dzisolo.

Dhaniyeli 7:28

Gi di vbela avba giwoniso gyangu. Eni Dhaniyeli, nyi di vbisega ngudzu mapimoni gwangu gu vbindrugedza ni khovbe yangu, aholu silo sesi, si di khala monyoni gwangu, nyamba embela muthu.

Dhaniyeli 8:27

Gasi eni Dhaniyeli, nyi di vbela tshivba nyi dwala matshigwana. Khu hwane nyi di khuga nyi wuya thumoni ga mufumeli. Nyi di samadziswa ngudzu khu giwoniso gegi; mwalo a nga kodza gu gi pima.

Levhi 19:31

Mu nga khidzimeli maphuvbo nya vafi, mu ngayi ga vanyamandriki, mwendro ga va nya gulola dzisolo mu ya wudzisa gilo. Mu nga dzi nyenyezisi khisoso. Eni kheni Pfhumu Nungungulu wanu.

Levhi 20:6

Muthu ayago ga vanyasikwembu, ni va nya gulola dzisolo, a dzi ningedzela gukhodwa ga silo soso, Eni nyi na mu wugela nyi mu fuvisa vbakari ga va na gyawe.

Habhakuka 3:16

Avbo nyi nga mupwago, monyo wangu wu di ndrendremela, khu lito laye, sigundru sangu si di ndrendremela, maramboni gwangu gu bela guhina, eni na nyi gu ndrendremela; a na nyi hefemudze litshigu nya wuvi na nyi tangade, avbo a na gutago ata wugela vathu a va tsayisa.

Matewu 2:1

Na velegidwe Jesu tigoni ga Bhetlehema ga Judheya matshiguni ya mufumeli Herodhi, va di vboha Jerusalema vagengeli va nga bani va guta khu Khugadambo.

Mithumo 17:18

Ni vambe vahevbudzi nya gukari, nya gudugele tsawani ga Epikuru ni vale va landrisago sihevbulo sa va na Estoyiku, va di ganedzisana naye. Vambe va gu wudzisa, khavo: “Ginani a ganelago nya libwabwa yoyu?” Vambe, khavo: “Kha nga mutshumayeli nya vambe vanungungulu hi si vatigo,” kholu a di gu ganela khu mahungu ya Jesu ni gu wuga gwaye.

Mithumo 7:22

Khu guralo, Mosi a di hevbudzwa guti gwatshavbo wa Vagipiti, a diri ni tshivba khu magana ni mithumo.

1 Vakorinto 1:19

Kholu Milowo yari, khiyo: “Nyi na fuvisa guti ga va nya guti, nyi na mwalalegisa wugengeli wa va nya gugengela.”

1 Samuweli 6:2

Vafilistiya va di ramba vaphasi nya mhamba ni valoli nya dzisolo, va ta va embela, khavo: “Hi na gira ginani khu Ngasa ya Pfhumu Nungungulu? Hi embeleni hi na yi bweledza kharini wulanga waye.”