Israyeli a di mu embela, khuye: “Indra u ya wona vandriyago vomo kharini ni gu wona mitshambi, u nyi resela phindrulo.” A di mu rumela kharati gukhugela kovani wa Hebroni. Josefa a di phara ndzila a hongola Sikemi.
Avo va di hakha, khavo: “Hi di lora, aholu mwalo a dzi kodzago gu hi ninga tshamuselo nya dzindroro.” Josefa a di va embela, khuye: “Ina gutshamusela dzindroro khandri thumo wu lumbago Nungungulu, gani? Nyi ngu mi lomba mu nyi embelani ndroro yakone.”
Uye a di mu embela, khuye: “Pfhumu Nungungulu a gumba gu vbanyisa, eni nyi na gu vbanyisa khu ginani; khu iso si dugago khu vbagithalatunu mwendro khu iso si dugago khu mugighowoloni, gani?”
Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”
Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.
A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.
Na wonide esi, Pedro a di ganela ga vathu, khuye: “Vathu va Israyeli, khu ginani mu liwuga khu gu wona silo sesi; khu ginani mu hi khedzisago nga khwatshi mwendro khu tshivba yathu, mwendro gukhodwa gwathu gu nga hawulugisa mwama yoyu a kodza gu gimbila?
Silo si sihadego sa gu lumba Pfhumu Nungungulu wathu, aholu iso nya guwonege sa gu lumba ethu gikhati gyatshavbo gumogo ni sanana sathu, gasi hi kodza gu landrisa magana yatshavbo nya Nayo yoyu.