Genesi 4:8 - Bhibhiliya Nya Guage

⁸ Kayimi a di embela ndriyaye Abheli, khuye: “Hongole thembweni hi ya pepa.” “Na va vbohide thembweni, Kayimi a di wugela ndriyaye Abheli a mu songa.”

Genesi 4:8 Iomraidhean Croise

Genesi 4:25

Adhamu a di engedza a tshangana ni mwangadzi waye, a gu velega gyanana a nga gi riyago lina nya gupwani khu Seta, kholu Evha a di khuye: “Nungungulu a nyi ningide gimbe gyanana gasi gu tshikedza wulanga wa Abheli a nga songwago khu Kayimi.”

2 Samuweli 14:6

Githumi gyago nya nyamayana gi diri ni sanana sivili nya sikhwathana, iso si di wusa litunga vbavbandze si dwana khu gyawe, a si manegi ni muthu nya gu si avbule; khavbo avbo, moyo a di bayisa mumbe a mu songa.

2 Samuweli 3:27

Avbo Abhineri a nga bwelelago aya Hebroni, Jowabhi a di mu rana khu phuvbo, gukhwatshi a gu vbweta gu ya bhula venga, a di mu paya vbagirumbutunu avbo vbale afa, a dzi phodzela kharati ga novba wa ndriyaye Asayeli.

2 Dzikoronika 21:4

Gikhati Jeyoramo a nga phara ndronga nya wufumu wa babe waye, a tiyiswa, a di songa khu litshari vandriyaye vatshavbo, gumogo gambe ni mambe manganagana nya gukari ya na Israyeli.

Nehemiya 6:2

Sambalati ni Gesemi, va di rumela guta nyi embela, khavo: “Delu hi ta tshangana nago gidhoropanani gya Ono.” Kholu va diri ni makungo nya gu nyi songe.

Joba 11:15

wa gu thuma isoso, khovbe yago kha yi na khala dzitshoni, u na tiya nyamba thava gilo.

Dzindzimo 139:19

Pfhumu Nungungulu, fuvisa guvbanya gwa va nya guvivba, u ndreyisa sighevenga siya hwindzo ni eni.

Dzindzimo 36:3

Khu kanani gwaye gu duga magana nya guvivbe ni malipha, mano nya gugire esi nya sadi, a ma tsukude gale.

Dzindzimo 55:21

Likana laye la gu kwiriga guvbindra mafura, aholu monyo waye wa gu pimisa gu gira nyimbi; magana yaye ma gu tshamba guvbindra wulombe; aholu matshari ma lodzidwego.

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

Mikeya 7:6

Kholu, gyanana nya gikhwathana gya gu yeyisa babe waye, nyamahegyane a wugela mayi waye, ngadzamwane a wugela mayinasale; valala nya muthu khu valongo va ndrangani gwaye kamwe.

Mitengo 35:20

Khu guralo, muthu nya gukari, khu kotani nya lidiwo, a liginya mumbe, mwendro gu mu veta khu gimbe gilo khu gu vengana naye, uye afa,

Matewu 23:35

gasi gu novba watshavbo wa va nya ndruda wu vbalagele vbatshani gwanu, nya nga uwo wu nga vbaladzwago gukhugela gu songwa gwa Abheli, mululami, kala ugo gwa Zakariya, mwamana wa Bherekiya, mu nga mu songago vbakari nya makhuvi nya guagiswe nya Nyumba ya Nungungulu ni giluvelo.

Luka 11:51

gukhugela gu songwa gwa Abheli kala gu songwa gwa Zakariya, a nga songwago vbakari nya giluvelo ni makhuvi nya Nyumba ya Nungungulu. Khidzo nyi mi embelago, Nungungulu a na lamula mela yoyu khu satshavbo sesi.

Luka 22:48

Khavbo avbo, Jesu a di mu wudzisa, khuye: “Judha, ina u ngu tiya gu ningela Mwamana wa Muthu khu gu mu bhejari, uwe?”

Vahebheru 11:4

Khu gukhodwa, Abheli ningede ga Nungungulu mhamba nya yadi nya guvbindre eyi ya Kayimi. Khu gukhodwa, zundzidwe khu Nungungulu kha nga muthu nya wadi, gu kala Nungungulu a hakha ningelo nya miphaso yaye. Khu gukhodwa gwaye, Abheli, ambari a fudego, a nga guganela.

Vahebheru 12:24

Ga Jesu a gu Mutshanganisi nya gidzumeledzwano nya giphya, uye a vbaladzidego Novba wu ganelago silo nya gu hi phase guvbindra novba wa Abheli.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.