Genesi 4:1 - Bhibhiliya Nya Guage

¹ Adhamu a di tshangana ni mwangadzi waye Evha. Oyu a di khura mimba a gu velega Kayimi. Avbo a nga hefemulago Kayimi, Evha a di ganela, khuye: “Nyi hakhide gyanana nya gikhwathana khu giphaso gya Pfhumu Nungungulu.”

Genesi 4:1 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Genesi 3:24

Nungungulu, hwane nya gu bani na tutumiside muthu, a di vega dzingilozi dzaye ni dzikerubhimi phuvbo ga Khugadambo, dzinyangwani nya lithembwe la Edheni, na dzi pharide matshari nya nilo, gasi gu segela muthu ndzila nya guye mana simbo nya womi.

Genesi 4:2

Khu hwane, Evha a di velega gimbe gyanana nya gikhwathana, khu Abheli ndruye wa Kayimi. Abheli a di khala muhavisi, gasi Kayimi a diri mulimi.

Genesi 4:25

Adhamu a di engedza a tshangana ni mwangadzi waye, a gu velega gyanana a nga gi riyago lina nya gupwani khu Seta, kholu Evha a di khuye: “Nungungulu a nyi ningide gimbe gyanana gasi gu tshikedza wulanga wa Abheli a nga songwago khu Kayimi.”

Genesi 5:29

a gu gi riya lina nya gupwani khu Nowa, kholu a di khuye: “Egi gi na hi vbungulela sigaradzo ni gulemela nya mithumo ya mandza yathu, nya mafu yaya ma vadwego khu Pfhumu Nungungulu.”

Dzindzimo 127:3

Sanana giningwa hi hakhago khu ga Pfhumu Nungungulu, gu mana sanana gukatega.

Mitengo 31:17

Khu guralo, songani madzaha yatshavbo, ni vanyamahegyane vatshavbo va tshanganidego ni mwama;

1 Johane 3:12

Hi nga giri kha nga Kayimi a nga bani a gu lumba Sathane a songa ndriyaye. A di mu songa khu kotani nya ginani? Kholu mithumo a nga bani a gira Kayimi yi di vivbide, gasi eyi ya ndriyaye yi diri yadi.