Genesi 39:3 - Bhibhiliya Nya Guage

³ Mune waye a di wona nya gukhuye Pfhumu Nungungulu womo ga Josefa, gambe a ngu kategisa mithumo yatshavbo ya mandzani gwaye.

Genesi 39:3 Iomraidhean Croise

Genesi 21:20

Nungungulu a diri gumogo ni gyanana. Igyo gi di dandra gi ya vbaha giwulani ga Parani, a khala mwama nya gugire ni guthumisa wulaho.

Genesi 21:22

Matshigu yale, Abhimeleki a dita ni Fikoli, muthangeli nya dzinyimbi, ata embela Abrahama, khuye: “Nungungulu a ngu gu kategisa ga satshavbo u girago.

Genesi 21:23

Olu nyi sambanyele avba khu Nungungulu gukhuwe gima khu na nga nyi pfhadza eni, sanana sangu, ambari ni valongo vangu, ni gukhuwe u na gola litigo leli u dzudego umo kha nga muwuyi, kha nga idzo eni nyi gu hakhidego nyi gu gola khidzo.”

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 26:28

Avo va di hakha, khavo: “Kholu gu ngu dzi wonegisa gupwani khu lisine Pfhumu Nungungulu a na ni uwe, ethu hi di khethu: Gu vbwetega gu manega gisambanyo ga ethu ni uwe. Ha gu vbweta gu gira pwanano nago.

Genesi 30:27

Laboni a di khuye: “Nyi girele wuhindzi u khala! Kholu nyi ngu dziti gukheni Pfhumu Nungungulu a nyi kategiside khu kotani gwago.”

Genesi 30:30

Kholu esi u nga bani uri naso gale, nyi si gu vbohi, a diri sidugwanana, olu satshavbo si engedzelane ngudzu; Pfhumu Nungungulu a gu kategiside khavbo gwangu. Ahati eni, lini nyi na gu thumelago neni ngamo yangu?”

Genesi 39:2

Pfhumu Nungungulu a diri ni Josefa, a di mu gira a katega ga mithumo yaye tatshavbo, a gu hakhwa gwadi nyumbani ga mune waye nya Mugipiti.

Genesi 39:21

Aholu Pfhumu Nungungulu a diri ni Josefa, a di mu gira a godwa, a mana wuhigo mahoni ga muthangeli nya lipaso.

Genesi 39:23

Muthangeli nya lipaso, a di si dzi garadzi khu gu khedzisela esi si nga bani a pharisidwe Josefa, kholu Pfhumu Nungungulu a diri ni uye; Pfhumu a di gira gukhuye silo ni mithumo yatshavbo ya Josefa yi mu dugela gwadi.

2 Dzipfhumu 18:7

Pfhumu Nungungulu a diri gumogo naye; a mu gira a dundruga satshavbo a nga girago; uye a di wugela mufumeli wa Asiriya, a si mu thumeli.

1 Dzikoronika 22:13

Khavbo avbo, u na andra, wa gu landrisa ni gu sayisa milayo ni sileletelo, esi Pfhumu Nungungulu a si leletedego ga Mosi khu kotani ya Israyeli; tiya longo u nga tedwi khu hwanga u khala rerema.

1 Dzikoronika 9:20

Fineya, mwamana wa Eliyazari, khu gale a diri muthangeli wawe, kholu Pfhumu Nungungulu a diri ni uye.

2 Dzikoronika 1:1

Solomoni mwamana wa Dhavhidhe, a di tiyisa wufumu waye, Pfhumu Nungungulu waye, a diri ni uye a mu khusedza ngudzu.

2 Dzikoronika 26:5

A di dzi garadza khu gu vbweta Nungungulu matshiguni ya Zakariya, uye a nga bani na siti gwadi siwoniso sa Nungungulu; gikhati a nga namarela ga Pfhumu Nungungulu, Uye a di mu kategisa.

Nehemiya 2:20

Khu guralo nyi di va hakha nyi va embela, kheni: “Nungungulu wa ndzadzini khuye a na gu hi phasedzelago thumoni gwathu; ethu sithumi sago hi na vbaha; gasi enu kha mu lumbwi khu gilo ambari malungelo mwendro gialakanyiso dhoropani ga Jerusalema.”

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Zakariya 8:23

Pfhumu Nungungulu nya Tshivba Yatshavbo a ngu ganela kharati, khuye: “Ga matshigu yoyo, likhumi vama nya gute khu mafumbu yatshavbo nya malimi ma ganedwago khu vathu nya mayigo, va na phara tshoka nya mwendra wa moyo nya Mujudha nya gukari, va mu embela, khavo: Ethu ha guvbweta gu hongola gumogo nanu, kholu hi pwide gupwani Nungungulu womo gwanu.”

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

1 Vakorinto 16:2

Khu litshigu nya guhegule nya sumana, muthu ni muthu a na kase gipandre nya silo a thumidego ndrani nya sumana a si vega khu phuvbo ndrangani gwaye, gasi mu siti gira mihengo khu gu bani nyi vbohide.

Dhewuteronome 2:7

Kholu Pfhumu Nungungulu wago, a gu kategiside ga thumo watshavbo nya mandza yago; Uye a ngu dziti nya gukhuye u ngu legalega giwulani momu nya gikhongolo; Pfhumu Nungungulu wago, a diri ni uwe ndrani nya myaga yatshavbo yoyo nya magumana; gimwalo ni gimwegyo gi gu kiyeledego.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.

1 Samuweli 18:14

Dhavhidhe a di dugelela ga satshavbo a nga bani na gu gira, kholu uye a diri ni Pfhumu Nungungulu.

1 Samuweli 18:28

Khavbo avbo, Sawule a di wona nya gukhuye Pfhumu Nungungulu womo gumogo ni Dhavhidhe; Dhavhidhe a di haladzwa khu Mikali, nyamahegyane wa Sawule.

1 Samuweli 3:19

Samuweli a diya na gu dandra, Pfhumu Nungungulu a diri ni uye, ni gimwegyo nya magana a ganedego kha ma diga ma thega vbavbatshi.