Genesi 34:8 - Bhibhiliya Nya Guage

⁸ Aholu Hamori a di ganela navo, khuye: “Monyo wa gyanana gyangu Sikemi wu ngu haladza ngudzu nyamahegyane wanu; nyi ngu mi lombani mu mu ninge a khala mwangadzi waye.

Genesi 34:8 Iomraidhean Croise

Genesi 34:3

Monyo wa Sikemi wu di dandramela ga Dhina nyamahegyane wa Jakobe, a di mu haladza ngudzu a gu ganela naye khu gwadi.

Genesi 34:7

Avbo sanana nya sikhwathana sa Jakobe si nga wuyago khu panini, si di goroga ngudzu khu kotani nya iso si nga dugelelago. Likhulo lawe li diri likhongolo ngudzu kholu Sikemi a di giride silo nya guvivbe khu gu lala ni gyanana gya Jakobe esi si si yeligo gu girega.

Genesi 34:9

Hongoleni hi gire pwanano gasi sanana sathu si dzegana. Dzumedzisani vanyamahegyane vanu va dzegwe eno gwathu, gasi ethu nethu hi dzumedzisa vanyamahegyane vathu va dzegwe iyo gwanu.

1 Dzipfhumu 11:2

Vanyamayi vovo va di gu dugela ga mafumbo yale Pfhumu Nungungulu, a nga layago va na Israyeli, khuye: “Mu nga dzegini vanyamayi vawe va khala vagadzi vanu, ni avo navo, va nga dzegi vanyamahegyane vanu, va khala vagadzi vawe; kholu, khu lisine, va na ndreyisa myonyo yanu yi landrela vanungungulu vawe.” Aholu, Solomoni a di haladzana navo.

Joba 7:2

Kha nga khumbi yi vbiswago khu lihani yi vbweta mutsa, ni githumi gi khedziselago litshigu nya guhakhiswe gwaye.

Dzindzimo 119:20

Hefemulo wangu wu ngu vbela tshivba khu gu vbweta guti milayo yago.

Dzindzimo 63:1

Nungungulu, uwe u Nungungulu wangu; nyi ngu gu vbweta khu tshivba. Hefemulo wangu wu na ni lidora nya uwe, eni wurumba wangu nyi ngu gu vbweta ngudzu; kha nga mafu nya gihala ma gu na ni lidora nya mati.

Dzindzimo 84:2

Hefemulo wangu wu ngu dogorela ngudzu gu ya bela umo, nyi ngu suva gu ya khala makhuvini nya Nyumba ya Pfhumu Nungungulu; nyi ngu emba khu gutsaka khu monyo wangu watshavbo ga Nungungulu a vbanyago!

Jeremiya 22:27

Aholu va na suva gu wuya tigoni va gu golago, aholu kha gu na kodzega.