Genesi 34:12 - Bhibhiliya Nya Guage

¹² Ganelani tengo mu wu vbwetago nya lowolo ni sombo, nyi na mi ningani gukhedza khidzo mu dzinago khidzo. Aholu egi nyi mi lombago basi khu gukheni dzumelani nyi dzega nyamahegyane wanu a khale mwangadzi wangu.”

Genesi 34:12 Iomraidhean Croise

Genesi 24:53

Gi di dusa sombo nya parata, sombo nya ndralama ni guambala gi ninga Rebheka; gi ninga gambe sombo nya lisima ga ndriyaye ni ga mayi waye.

Genesi 29:18

Kha nga Jakobe a nga bani a gu gola ngudzu Rakeli, a di ganela, khuye: “Nyi na gu thumela livbandre na mivili myaga nyi fela gu dzega Rakeli, nyamahegyane wago nya nandra.”

Genesi 31:41

Nyi vbedzide kharati magumavili myaga ndrangani gwago! Nyi gu thumede likhumi na mina myaga khu gufela sanana sago sa sivili, nyi wuya nyi engedzela gu thuma livbandre na moyo myaga nyi thumela tshambi wago; aholu uwe u vbindrugedzide likhumi dzinyondro hakhelo yangu.

Genesi 34:11

Sikemi a di ganela ga babe wa Dhina ni ga vandriyaye, khuye: “Nya gu lomba gukheni mu nyi hakhe, ni sevbini mu na nyi lombago eni nyi na mi ningani.

Genesi 34:13

Sanana sa Jakobe si di hakha Sikemi ni babe waye Hamori, khu maganelelo nya guvapfhadze, kholu Sikemi a di nyenyeziside ndriyawe Dhina.

2 Samuweli 3:14

Khu hwane, Dhavhidhe a di rumela myango ga Isobhoseti, mwamana wa Sawule, a mu embela, khuye: “Nyi bweledzele mwangadzi wangu Mikali, nyi ningidwego gu khala wangu, khu kotani nyi nga songago lizana makhuna nya Vafilisitiya.”

Ekisodha 22:15

Aholu mune girengo a gu bani nari vbafuvbi, kha na livbwa. A gu bani nari a di lombisa khu dzitsapawu, a na livbwa tengo va nga dzumelanago.

Hoseya 3:2

Nyi di mu renga khu likhumi na livbandre dzisekele nya parata, ni homeri mweyo nya wuguvbi nya sevhadha, ni gipandre nya homeri nya sevhadha.

Matewu 14:17

Aholu va di hakha, khavo: “Hi mwalo gilo, avba igyo hi gu nagyo livbandre sibaba ni dzindzandzi dzimbili basi.”

1 Samuweli 18:23

Avbo vathumegeli va Sawule va nga ganela mahungu yaya ga Dhavhidhe, uye a di va hakha, khuye: “Ina mwa gu pimisa gukhenu gu dzega gyanana gya mufumeli gilo nya guvbevbuge, gani? Avbo mu nyi wonago gukhenu eni nyi gisiwana nyambana gilo!”